أحتار دليل السفر وأحترت بين نارين
نار حكومة مبارك ونار غراب البين
قلت أيه أنجزت قالوا الفقر بفى طنين
دستورنا بقى لخبطة والعبرة فى الوارثين
************
يا رب يا صانع الحب فى نفسك وعند الناس
الكره بزرة خبيسه طرحه صناعة الناس
فيه راجل بفضلك تحبه ويحبه كل الناس
وفيه راجل مهما عمل خلاص بكرهوه الناس
***********
يا مصرى قوم أتكلم حتعمل أيه بسكوتك
اللى بسرق رزقك يبقى ناوى على موتك
أمسك بحبل ألأمل وأوعى الزمن يفوتك
لو سبت حقك يوم قول السلام على قوتك
**********
يا دنــــيا حيرتيـــنا وأحترنا فى المقسوم
الكل فيكى أتنين أتنين والعبرة بالمقسوم
متزينه بالأبيض و ألأسود معاه مقسوم
هدومى متهربده حتت وراضى بالمقسوم
*************
زمان كان مثل السلف جاهل يودى لتحت
أدينى قنطار شطارة وأرمينى جوه البحر
الرزق يا أبن آدم أنكتب حتى فى قلب الصخر
طمع فى قنطار شطارة ووقع فى الفحت
**********
حسن عمران
www.dastor.net
omran55.blogspot.com
omran55.maktoobblog.com
dastor76.blogspot.com
ليست هناك تعليقات:
إرسال تعليق