البكاشيين
دول حكايتهم حكاية
شوية تلاقيهم يسار
وشوية تلاقيهم يمين
كل يوم يحكولك كلام
فى كلام
يشمموك . يسجدوك
ويشربوك
وسكى وحشيش
ويبرشموك
علشان يبيعولك كلام
أوهام
وبرده يخلوك تصلى
وانت نايم فى التمام
البكاشين بيبيعوا كل حاجه
حتى الوطن
ما هو ده طبعهم
لما شافوا شعبهم م الطيبين
فى فكرهم
دول رعاع
ويطلعولك البتاع
وينزلولك البتاع
ويأكلولك البتاع
ويشربوك م البتاع
ويقولوك دا البتاع
اضحك عليهم بكلمتين
دول بيصدقوا أى حاجه
ما دام يدوب مش محصليين
كام رغيف
من غير غموس
طب آيه حا يحصل لو
أديت لكم للعيش غموس
تملوا بطونكم تشبعوا
وترجعوا تتكلموا ع البكاشيين
خليكوا كده جوه فى مكانكم
مأنفديين
وصدقوا أى حاجه يقولها ليكوا البكاشين
لما يطلعوا كل حاجه فى السليم
هما الحكومه وأنت الناس الطيبين
شوف كبيرهم لما وقف ع المصطبه
ومعاه شويه نصابين
فى عرف الوطن فنانيين
دول أساس الكدب كله
وهما أصل الكدابين
باعوا الوطن بالرخيص
ولبسوا توب أبن الخسيس
وأنضموا دوغرى للبكاشيين
البكاشيين صرفوا علاوه
علشان يا شعب
يسجدوك
ويدو أوك طعم الحلاوة
وبعد يوم
غلوا عليك كل حاجه
مين اللى قالك
تصدق أى حاجه م البكاشيين
ما دمت نايم
يا أبن بلدى
وبيحكمك
شلة غجر م البكاشيين
ليهم كبير
بيعبدوه
ويمجدوه
ويقولوا إن ده هو
أمام البكاشيين
طب نعمل آييه
يا شعب طيب
تاكل حرنكش
وتلبس مزركش
وتعمل حرفرش
وتقوم تكسر
فى البكاشيين
يا أما كده
يا تموت بحسرة
على اللى ظلم
وقال رعاع
وأنتوا أصل
الطيبيين
فوق يا مصرى
فوق بقى
***********
كتاباتى
