عطشان يا وطن حرية

عطشان يا وطن حرية
زى عصفور الكنارى
لما يغرد ع الشجر
بصوت مسموع
على الينبوع
مش زى أنا
عصفور سحلوه
مجروح
وضعوه جوه قفص
كسروا ضلوعه
م الجوع
حكم عليه الظالم بالموت
لآجل ما حدش يسمعه
ويسمع تغريده
عن الوطن والحرية

مشاق يا وطن مشتاق
حرية
زى طفل مشتاق لآمه
مش زى طفل محروم مفطوم
غصب عنه
بدل ما حد يهشكه
بيحرموه من ثدى أمه وحلمته
ويقذموه جوه مهده
قبل ما يشوف دنيته

ولهان يا وطن حرية
زى عاشق مشتاق مليان أشواق
لغرام زمان وموهجته
مش زى أتنين حبيبين
فى لحظة فراق
على المحطه تودعه
بدموع وأهات
حا يغيب هناك
ومين يا رب يرجعه

علشان كده يا وطن
شكوتى م العطش
من كتر النواح والصوت
ريقى نشف
من كتر ما ناديت ياللى فوق
عطشان أمل
عطشان شوق
عطشان حرية
مهما تشد سجنك
حيفضل الوطن عندى
ومش عندك
أنا أبن الوطن
وأنت أبن
الخيانة
حاتفضل أنت سجانى
وحا أفضل أنا الحرية
-----------------------
كتابات / حسن عمران

يا ريت ترجعى يا مصر

يا ريت ترجعى يا مصر
طفلة
تشوفنى تجرى
ترتمى فى حضنى
أحن عليها
وأغنيلها أغنية فرح
لآجل أزرع البسمه
على وشوش ناس
طول عمر حلمها
آلم
-----------
خواطر .........عمران

يا سلام يا نيل
ياما شفت على ضفتك
ناس عشاق
وناس تشتاق
وناس تشكى همومها
وناس تحلم بيومها
وناس تنزل لموتها
وانت يا نيل
تنساب
تسقى وتروى
وناس بميتك
تغسل همومها
-------------
خواطر ...............عمران

حبيبى اللى بحبه وعينيى عليه راحت
أبيض زى الحليب
من كتر حمار خدوده السمنه عليه ساحت
عاشق يا ناس للمحاشى
نفسى عليه راحت
لما عمل تخسيس وزنته
طلع 100 لحم و 100 شحم
وخمسين منه راحت
عينى عليكى بارده
--------------------
خواطر ............عمران

خفيف الروح
ف يوم ميل عليا ميل
قلبى راح مرفرف
متقلش سبق خيل
تعبت وأنا أجرى
وهد فيا الحيل
فى يوم غسل وشه
طلع البعيد بالليل
رجلى قالت يا فكيك
م الخوف
جريت ميت ميل
--------------
خواطر ..............عمران


فى باريس تشوف العجب
وتشوف صيام رجب
أرض مكنوسه ومرشوشه
قول ممسوحه بصابون
لا شايف بصق ولا لصق
ولا ناس واقفه جنب الحيط
وناس تحتج وناس تتظاهر
والمعاملة رغم السب
أنسانية كمان
فى باريس تشوف أسلام
من غير مسلمين
أحترام أدب ونظام
ولما تنصاب فى حادث
تلاقى مليون واحد
مسعف
يساعدوك ويحيوك
بالسلام
----------------
خواطر .......... عمران

رهينة المحبسين ...........

• 
  
  رهينة المحبسين
  هذا هو حال مصر وقدرها وشعبها والقدر وأمر الله نافذ ولكن لن يغير الله بقوم حتى يغيروا ما بأنفسهم معنى ذلك أننا لا زال عندنا أختيار ولن تبقى مصر أمنا رهينة محبسين مبارك وأبنه لو فلح الأب لفلح الولد ولكن مصر ستخرج من نقرة مبارك تقع فى دحدورة جمال علشان كده ومن غبر كلام سته أبريل يوم للتغيير غير يا مصرى غير الأمل فى الله كبير وكل ظالم وله نهاية يا ابناء الوطن مصر تناديكم فى يوم سته أبريل يوم الوطن يوم العصيان الكبير يوم أرسال رساله لمبارك هذا شعورنا فليحيا الوطن جوه فى قلوبنا مطالبنا مش بس أكل مطالبنا التغيير 1- أنتخاب رئيس من وسط عشرة 2- تحديد مدة الرئاسة بمدتين 3- عدم ترشيح أى من أقارب الدرجة الأولى قبل أنقضاء مدة قانونية 4- أستقالة مبارك 5- تعيين حكومة مؤقته أيها الشعب الأعتصام واجب لمصلحتك ومصلحة مصر ولمصلحة بكره لنا الله ولمصر النصر ----------------------كتابات / حسن عمران

دعاء شعب مصر على الحكومة

الدعاء على اللى غلوا البنزين ورخصوا الحريم وخلونا محتاجين وخربوا التعليم والصحة والصناعة والتجارة وخلوا بلادنا ملاهى ودعارة وهدموا الدين وأحنا محرابه وضيعوا الكرامه ورخصونا ولما نقول الحق يسجنونا الله أما تقبل دعاءنا دعاء المظلوميناللهم اكسر ارجل كراسيهم/واقلبهم على جنبيهم/ويقعوا واحنا نشيل فيهم/ ويسييبوا مناصبهم/ وكل الامراض تصيبهم/ ويناموا فى مستشفى ويا كبيرهم/ يا امبابه يا الدمرداش يا باب الشعرية/ ويدوهم دوا فاسد زى لبن الاطفال/ ياخدوه يجيلهم اسهال/ ويروحوا للبتاع يلقوه مقفول/ ولما يفتحوه ما يلقوش فيه ميه/ ولا يطهروش ويطلعوا بره/الهم اجعلهم يزروتوا الممشى/ وكل الدكاترة والممرضات تقرف وتمشى/ ومحدش يخدمهم ويناموا بريحيتهم/ ويتعروا بالليل والبرد يزكمهم/ اللهم احرمهم من اللحمه /علشان يحسوا الفقر/ ولما ياكلوها يجلهم جنون البقر/ وميعرفوش السبت من التلات/ ويسخنوا وندخلهم الحميات/ اللهم احرمهم من لحم البط والنعام/واذا كلوه تجيلهم انفلوانزا الطيور/ ونعزلهم فى جبل الطور/اللهم اكسينا وعريهم/ وركبنا ومشيهم/ واشفينا وعييهم/ وعلينا ووطيهم/ اللهم ورينا يوم فيهم/ اللهم بطهم ووزهم ولا تنعم عليهم/ اللهم ما فرج عليهم الناس فرجة الحاوى/ولم عليهم الناس لمة الحرامى/ اللهم اوجد لأولادنا عمل واجعلهم عاطليين/ واوجد لنا سكن واجعلهم مشرديين/ اللهم ما امنع عنهم اللحم الضانى واطعمهم بصارة/ولحم الغزال واذقهم مرارة العدس/ وامنع عنهم البط والنعام واطعمهم فول ومش/واخلع عنهم الحرير والبسهم الكستور المدعم/واحرمهم من الشبح والبودرة والحوت وركبهم اتوبيس شبرا او ميكروباس الدويقه/ هذا دعاء شعب خير بلده نهبوه نواب القروض واصدقاء اليهود .............وابناء عبد المعبود
-------------
حسن عمران

سلام يا صاحبى سلام

سلام يا صاحبى سلام
مليون سلام
سلام للطفولة
ومصر الجميلة
فى الزمن اللى كان
وروحه الجنينه
والمشى فى الشوارع
وحب المكان
وركوب العجل
ومرجيحة عم رشدى
وبتاع اللبن
وحى العباسية
والموسكى والغورية
والست أم هاشم
ومصر الأمل
ورحلات المدارس
وأجراس الكنائس
وأصوات الأذان
والصحبة والمكان
يا حلاوة زمان
وشكوكو بالأزايز
والبخت فى اللبان
وبنات الجيران
واللمه ع النواصى
والقهوة والكراسى
وبقاله الأتاسى
وأكلة الكوارع
واللعب فى الشوارع
وعصير الحليوه
والأيام الجميلة
وبابا والجريدة
ومجلة الكواكب
ومرور المواكب
وصباح المدارس
وتحية العلم
سلام يا صاحبى
سلام
على أيام زمان
ومصر الأمل
سلام للنهارده
ووداع للزمن
أتفرج ع الهجايص
والوسكى للعايز
والشم بالبرايز
وتعرى ف الشوارع
والسب فى الطريق
وموزه للى عايز
وكله فى الهجايص
أضرب الودع
سلام يا صاحبى
سلام
على مصر
بلاد زمان
و يرحم اللى كان
وبعوده يا أيام
سلام يا مصر سلام
..................
كتابات / حسن عمران
خلص الكلام وحان وقت العمل

سلطانية مهلبية

سلطانية مهلبية
بابا قلى عد المية
عشرة عشرين
خمسين ستين
م الحرامية
بص بلادنا
بقى يحكمها
خلاص سلطان
ومعاه شلة
نوارية
فيها هباش
فيها نتاش
فيها بكاش
بيحسن صورة الحرامية
وفيها سلطان
من عصر زمان
هو سواق العربية
وفيها حديد
جامد وشديد
وكمان سلطان
أبن سلطان
الحرامية
ومفيش أخلاق
قلة أرزاق
من كتر الناس
الفقرية
والدنيا زحام
والناس طوابير
والزحمة كتير
واقفين طوابير
طوابير ع العيش
متقلش دا جيش
داخل معركه
حربية
البلد أتباعت
والأرض
أهى ضاعت
يا عم كلام
أكتبلى كلام
عن أصل وفصل
حكومة القصر
دى بلادنا خلاص
بيحكمها يا ناس
سلطان خرفان
من عهد زمان
المصرى يا هو
مطلعش لبوه
ما ييرضى بحكم
النوارية
أشهد يا زمان
أحكم يا مكان
لبواقى أنسان
حافى مرضان
بيحب الكورة
وعمال يتظاهر
رافع أعلام
وكأنه نافورة
نازلة فوران
بتحيى حكومة
الحرامية
ونرجع من تانى
نحط النونو
جوه الغربال
وندق الهون
ونهز الكون
فى سبوع الواد
والواد حايكون
فارس ميمون
ويحرر مصر
من السلطان
وحكومة بابا
الحرامية
----------
كتابات / حسن عمران
خلص الكلام وحان وقت العمل

عجائب مصر السبع

عجائب مصر السبع
"""""""""
حالة الا مركزية التى وصلت لها مصر من فوضى وفساد مما أثر بالسلب على ثقة الناس بالحكومه وعلى أدائها بالكامل فى شتى المجالات مما يجعل الأمل الضعيف مع تلك الحكومه فى أى اصلاحات
"""""""""""" """"""
اللامبالاه التى أصابت الناس من جراء أفعال الحكومه وعدم التحرك حتى الآن مما أدى الى أنعكاسات سيئه علينا جميعا وهذا جزء بسيط مما سيحدث غدا لأننا ننتقل من ألأسوء الى الأسوء وفقدنا ألأمل
"""""""""""" """"""
غلاء المعيشه الغير طبيعى والذى لا يتوافق مع وضعية مصر والذى ستنعكس أثارة على المجتمع كا كل فاالفقير سيذداد فقر والغنى سيذداد غنى وهذا سيخلق مشاكل جديده ليست فى الحسبان
"""""""""""" ""
أنتشار ألأوبئه وألأمراض المزمنه مثل السرطان والكبد الوبائى والفشل الكلوى مع عدم تقديم الرعاية الصحية الكافية سيجعلنا نتوارث تلك الأمراض وفى نفس الوقت نفقد الشخص السليم بسبب ضعف الخدمات
"""""""""""" """""""
حالات الأنفلات التى تحدث فى المجتمع المصرى والتى أساءت للتربية ونزاهت أخلاق المجتمع التى كانت تميز مجتمعنا وأختفاء كلمه أبن البلد التى كانت تطلق للتعبير عن الشهامه والرجولة
"""""""""""" """
أختفاء الدور الأيجابى لرجال الدين مما أثر بالسلب فى عملية التربية الأخلاقية للشباب بجانب هبوط مستوى التعليم وأنخفاض دور المعلم وهبته أدى الى أنهيار فىالبنية الأخلاقية للمجتمع كا كل
"""""""""""" """"""
تمسك هرم السلطه بالسلطه برغم الفشل الذى وصلنا اليه ودور العناد الذى يفرضه فى حكم الحراسات وألأمن فى بلد لا يملك فيها غير قبرة وأستمرارة كل تلكالفترة ليس لهمبرر أو سندمما يجعل مصر تغوص فى بحر الظلمات

لنا الله ولمصر الصبر على البلاء
-------------
كتابات / حسن عمران
خلص الكلام وحان وقت العمل

رقيتك وأسترقيتك من عيون الناس

رقيتك وأسترقيتكرقيتك

من عيون الناس والحساد واللايميين واليساريين جينالك يا المبروك بزيارة ندريين دسته شمع وبشارة نرقيك من عين الحسود وكل اللى يعارضوك ويكرهوك وكل اللى يذموا فيك ياطاهر ياابو نية صافية ياللى حكمت مصر بالعافية نرقيك من عين شعبك اللى بيتكلموا ويبصوا لأكلك واللى بيحسدوا توريثك ابنك نرقيك من شر الحاسديين اللى بيبصوا على الملايين وميعرفوش انت جمعتهم منيين شوية بالشمال وشوية باليمين نرقيك من كفاية والأخوان ومن عيون عمران وكل القضاه والسياسيين وكل اللى ظلمتهم وسجنتهم م الشعب المسكين وكل المسلميين اللى اعدمتهم وكل اللى بيطالبوا بالأصلاح . ميطلعش عليهم شمس الصباح يخليك يا بو سر باتع ويخلى نظيفــــكــــم وتفضل 30 سنه تحكم وتبقى احسن من رمسيس ونعملك تمثال بنافورة ونزورك نرقيك من عين المساجيين وكل الكتاب والصحفيين نرقيك من اللى بقولوا الحق والنصابين لاءنرقيك من شر الحقانيةوالكلاب والحرامية لاءنرقيك من شر الأنقلابات والشيل والمحاكمات ونرقيك من عيون الناس اللى كشفوا التزوير ربنا يفضحهم زى ما فضحوا الحكومة وكشفوا المستورمش عارفيين نرقيك من ميين ولا ميين اللى مش عايزينك بقوا ملايينالله المستعان وبه نستعيين من شر بنى آدم كل ما نسأل عنك مواطن يقول مش عايزيين مش عايزين حسبى الله رب العالميينلنا الله ولمصر الصبر على البنى آدمين

----------------

كتابات / حسن عمران

خلص الكلام وحان وقت العمل