بغير عليكى يا مصر

بغير عليكى يامصر من نسمه هوا مارة
تتطرف عنيكى يا مصر وتجيب عليها غابرة
وتنزل دموعك يا مصر سيول علينا عابرة
تحرك قلوب ولادك يا مصر وأنتى بنا خابرة

نشرب مرار الكاس علشانك ونقول تستاهل
نجوع رابطين بطونا يا مصر ونقول تستاهل
فداكى ولادى وأمهم يا مصر ونقول تستاهل
صبرنا على اللى ظلمك يا مصر ونقول تستاهل
يوم نصلبه فى ميدانك يا مصر ونقول يستاهل

يا مصر الصبر أشتكا صبرنا من كتر السكوت
علشان تعيشى يا مصر لازم نضحى و نموت
وينده صوت الحق يا مصر يصرخ يقول توت
ويخرج رجالك يا مصر على الظالم بالنبوت
ويموت اللى ظلمك ومتسمعيش للظالم صوت
إلا صوت الحقيقة قطار فى اراضيكى يفوت
----------------
حسن عمران

www.dastor.net
omran55.blogspot.com
omran55.maktoobblog.com
dastor76.blogspot.com