كان زمان وانا صغير بجرى فوق ترابك
زى ما رجلى تجرى كنت بجرى
كنت بحلم فى الحقيقة والخيال
أنك أنتى كل العمر مفيش محال
كنت عشقى فى المجى والرحال
كنت حبى جوه قلبى وفى الخيال
كل نظرة من عينك اليمين أو الشمال
هى أملى هى عمرى مفيش محال
أى رشفة مية نيلى تروى عطشى
ولا بوسة من شفايفك تحيى أملى
أى ضل شجرة تمنع حرارة النهار
ولا صاحب ولا صحبه ولا جار
لما نتقابل عند أول ناصية جاية
عمرنا ما شفنا منك طعم المرار
حتى وقت ما أنهزمنا جوه سينا
كنا نرفع راسنا فوق زى جندى
جاى م الميدان منتصر ومعاه نيشان
يوم اكتوبر الموافق عشرة رمضان
بالعزيمة أنتصرنا الله وأكبر مش بالكلام
ودار بينا الزمن ودارت الأيام
الحلم مبقاش حلم وتبدلت الوشوش
كبرت نفوس البشر وعشنا كابوس
وكأن شىء جاسم على صدرنا
بيغشنا بيبيع ويشرى وبيهدنا
ويصبنا أحساس غريب كأن فيه نداهه
تنهك تقولك تعالى موت أكرملك
بدل ما يجى يوم تتمنى أنت الموت
وتتحسر ألم على الوطن وعل السكوت
وتلعن يوم ما جانا حاكم حكمنا بالنبوت
وتلاقى نفسك بتدعى عليه يموت مكبوت
وتدعى الله يرحمك رحمه النون فى بطن الحوت
قدرك يا مصرى تعيش يحكمك حاكم صعلوك
بكرة التاريخ ينصفك وتعيش وهو يموت
حسن عمران
***********
www.dastor.net
omran55.plogspot.com
dastor76.blogspot.com
omran55.maktoobblog.com
ليست هناك تعليقات:
إرسال تعليق