هذا البلوج شامل الفن والأفلام والشعر وكل ما يتعلق بالحياه وسوف يوضع فيه فديوهات منوعه أغانى ولقطات مسرحية حتى نكسر حالة التردى التى تعيشها مصر وسوف نكتب عن السياسة فى بلوج المعلم فحمه ....على هذا اللنك . ttp://dastor76.blogspot.com/
WorldTimeServer Clock
Cairo |
الجمعة، ٢٣ مارس ٢٠٠٧
منين أجيب ناس
________________________________________
منين أجيب ناس تشوف البخت والمكتوب
وتحكى عن غدرك يا زمانى
وماشيك معانا مقلوب
واللى ضناه الجفا منى
وصبر معايا ع المكتوب
لايوم شاف هنا منى
ولا حن علينا مرة قلوب
القصة دي قصة غريبة
عن ارض مصر ام حبيبة
جيه عليها سلطان قاسى
جاب عاليها فى وطيها
لاعنده زمه ولا امانة
وحرسه شبه الهجانة
طراطير و ماشية
وراه طوابير
جيه الظالم ادى أوامره
لاحد منعه ولا لآمه
قال خلاص كده كفاية
عامليلى لامه وحكاية
معارضة طالعة برواية
دستور جنابى وأنا عايزة
اللى موافق أروح بايسة
والى معارض أروح رفسه
وهو عارف أنا حعمل أيه
السجن باين خت عليه
مهما تعمل وتسوى
وتقول كفاية وشايفنكم
متخدش منى ولا حاجة
الشعب نايم ومخلى
دستورة جوه التلاجة
لو البعيد قرب منى
عندى عساكرى تأمنى
وليا ناسى بيحمونى
جيشى أهه نايم جنبى
لا فكرة ودا ولا جاب
ولا قتلوا الأسير وهباب
وكل يوم قرفنى
عايزين قانونهم يحاكمنى
ويمشى أبنى بتفليسه
مش ممكن واحد يحسبنى
القصة كاملة يا اخونا
عايزة ناس م الجنة
تقوم قومة ما تستنى
قلب قاسى ما يرحمشى
يزيح الظالم من غير دية
ويرجع مصر أم الدنيا
وكل الناس تبقى سعيده
بغمه أنزاحت بحديده
مشيت وراحت بلا رجعه
وتعودى تانى يا بلادى
تعودى تانى مدنة جامعة
****************
حسن عمران
www.dastor.net
omran55.maktoobblog.com
omran55.blogspot.com
dastor76.blogspot.com
أندهى فى الخلق بأعلى صوت
اندهى فى الخلق بأعلى صوت
خلى صداكى يشق صمت السكوت
صحى الضماير جوه قلوبنا
قبل ما ضمايرنا تموت
أتألمى ساعات الألم بيشفى الجروح
أتكلمى ساعات الكلام بالسر يبوح
أهمسى ساعات الهمس بيداوى الروح
متسكوتيش للقدر وغدر بكرة وألأيام
متندميش على حلم عمر بددوا الزمان
متندميش على القدر وعلى اللى خان
متفكريش أنى فى يوم ممكن ابيعك
ولا غربةحلوه مزوقة تاخدنى منك
ما يهمكيش أنا مهما أعيش رجوعى عندك
كل اللى فيها إن ناس مطبعين طبع الخيانة
بكرة يروحوا بهمهم بغمهم من غير ملامة
وترجعى لينابفرحه فارده دراعك
نجرى نجرى نرتمى جوه حضنك
بس أندهى فى الخلق باأعلى صوت
خلى صداكى يصرخ فى السكوت
صحى الضماير جوه قلوبنا
قبل ما ضمايرنا تموت
**********
حسن عمران
www.dastor.net
oman55.maktoobblog.com
omran55.blogspot.com
dastor76.blogspot.com
الاشتراك في:
الرسائل (Atom)