--------------------------------------------------------------------------------
عصفور طاير بين غصون الشجر بيغرد
مالوش فى دنيا الظلم وحال العباد بيغرد
لمحوا صياد أضبش نشن عليه وهو بيغرد
حكم عليه الظالم بالموت لا تركه حر ولا بيغرد
"""""""""""""""""
أنا حر وعمرى متبع رئيس وحكومه ولا هلفوت
أ نا طول عمرى فى قول الحق سيف أعدى وأفوت
لوخيرونى بالحق بينك يا مصر وبين الدر والياقوت
لأختارت أهلى وناسى وانتى يا مصرفى حضنك أموت
""""""""""""""""""""""""""""""""""
يا طير طاير فى العالى حر بتحلق فى سما مصر
كان نفسى يكون لى جناحين وأطير معاك العصر
أهرام شامخه وبرج وسد عالى هما دول ألأصل
أشوف نيلك الغالى أتمنى عشه على ضفته قصر
""""""""""""""""""""""""""""""""""
صباح الخير يا ريس صباح الفل والياسميين
كل الناس شمال يا ريس إلا انت بس يميين
وحياة مقام ستنا أم هاشم ومقام سيدنا الحسين
لو مشيت يا ريس لأندر زكا لحمه وولع دستين
"""""""""""""""""""""""""""""""""
يا عم يا مراكبى يا فارد قلوعك على ضفاف النيل
ناسى هموم الزمان ده عايش وداير غنى ومواويل
من كتر هموم الدنيا وألأيام الغنى فى ودانى عويل
يا خوفى عليكى يا مصر المركب تغرق وهى بنا بتميل
""""""""""""""""""""""""""""""""""""
يازارعيين الأرض احرثوها بمعزه
وبين خطوط الحد ازرعوا البزره
ارويها بالأخلاق والأدب والعزه
تطرح نبات طيب الأصل من البذره
"""""""""""""""""""""""""
يا صاحبى سيبك من اللى يقولك كل شىء عارف
ويعمل أنه اللى فاهم فى كل حاجه وهو مش عارف
ولما تلومه وتدله أو ترشده يقولك أنت مش عارف
خلاص بلدنا بتغرق وشايف وعامل نفسه مش عارف
""""""""""""""""""""""""""""""""""
انت اللى جايبه لنفسك يا مصرى ومحدش جابهولك
تشكى لمين همك وللخلق تحكى لما مش حتلاقى فولك
بكرة النيل من سكوتك حيجف وابنك مين يحمولك
ويتراكم عليك العفن والمرض يا فرحتى بطولك
"""""""""""""""""""""""""""""
يا صاحبى سيبك من اللى ياخد قرار بدون أمر ولا شوره
فاكر البلد عزبته عمده هو اللى يدى الأمر والباقى بلا شوره
العرف والدين علمنا كل أمور الناس فى دنيا الله بما شوره
قالها حكيم الزمان ما خاب من أستشار وخلى أمرهم شوره
""""""""""""""""""""""""""""""
يا عم الريس أيه تملك فى مصر علشان تورثها
عود للخالق دى مصر أرض الله وهو حارسها
إأياك والغرور ياما غيرك حكم وراح وتاركها
خذها نصيحه مالكش غير مقبرة فى مصر تورثها
""""""""""""""""""""""""""""""
ياصاحبى أصبر على بلوتك أحسن لك فرج الله قريب
أوعى فى يوم تمل وتظن أنك عايش فى بلدك غريب
جارك السو بكرة تجيلو زيحه ينزاح وأمر الله نافذ أكيد
بكره يزوره ملك الموت فى ميعاده لو ساكنوه قصر حديد
""""""""""""""""""""""""""""""""""""""
يا عينى عليكى يا مصر حمالة هموم فى الصبر ما لكيش حد
طول عمرك شايله هموم الناس على همومك لو كان جبل لأتهد
هرم عالى فوق فى السما مهما جار عليكى الزمان وقسى وأحتد
تفضل جزورك ذهب صافى تغوص فى قلب ألأرض وتد ومشد
"""""""""""""""""""""""
صياد فى بحر النيل ساعى على رزقه كل يوم فجرية
بينه وبين النيل عشق وألفه والصيد بقى عنده غية
كل يوم يرمى الشبك على الله يجيله سمك خمسين مية
قلبه عشق يوم عروسة نيل غواها وغرق فى شبر ميه
""""""""""""""""""""""""
ليه يا مصرى مهموم زعلان من ضيق رزقك ليه
الرازق هو الله الواحد والرزق مكتوب لينا بأديه
أحمد وأشكر الرازق على حالك وما تتبترش عليه
فى الفرح يا مصرى تنساه وفى الكرب تتقرب أليه
"""""""""""""""""""""
ما كذبش أبدا اللى سماكى يا مصر أم العجب
من فوق برج عالى أشوفك لؤلؤه تضوى كل البلد
يطلع عليكى الصبح بنوره ما نشوفش غير الهدد
وناسك ماشية تايهه ساعيةللرزق طلبه من الله المدد
"""""""""""""""""""""""""""""""""
كــــان فيه حاكم فى البلد يحكم بأمره متعافى وظالم
جامع حواليه حاشيه كبيره ماشيه تحرسه وللعباد ظالم
من كتـــر شكاوى الناس فى البلد اتملا ديوان الظالم
وفى يوم ربك أخذه أخذ عزيز مقتدر وآدى نهايه الظالم
""""""""""""""""""""""""""""""""""""
يا كاشفه الغيب والبخت فى الفنجان شوفيلى الطالع
طريقى كله حفروسدود وحواجز وواقـــف مش طالع
قالتلى العرافه قدامك سكه سفر تمشى وتعبر وتطالع
أول كيلو متر سقط فى حفرة وقالوا مات ومش طالع
""""""""""""""""""""""""""""""""""
الى كل القراء ألأعزاء
كل خاطره من هذه الخواطر لها مجموعه موجوده
على موقعنا أو على البلوج ويسمح بنقلها
وتداولها لمنفعه وخير وليس لعمل تجارى
"""""""""""""
www.dastor.net
omran55.maktoobblog.com
