رسالة من معتقل

رسالة من معتقل

أضوى نجوم الليل
ونورى قلوب
البشر
وأحيى
سما الأنسان
بحرية
وسافرى يا طيور
النورس
وهاجرى
من مكان لمكان
فى سما الأنسان
بحرية
وأمانة
تحكى قصتى
قصة
مصير أنسان
واحد م البشر
عاشق لحرية
ينام بين الجدران
معتقل
من ظلم البشر
للبشر
والتهمة وطنية
يا ريتنى طير
نورس أو حتى
أبو قردان
طاير فى سما
الأنسان
بحرية
---------------
كتابات / حسن عمران
خلص الكلام وحان وقت العمل

يا عينى عليكى يا مصر

يا عينى عليكى يا مصر
مين اللى بيديرك
ومين اللى بيدار
ومين اللى واقف حداكى
ومين فينا اللى دار
ومين اللى قلبه عليكى جنه
ومين اللى قلبه عليكى نار
ومين فينا الأصيل
ومين اللى بينه وبين
قلة الأصل عمار
ومين اللى سرق حلمنا
ومين اللى هدم الدار
ومين اللى عيشنا فى الضلمه
ومين اللى دوقنا المرار
ومين اللى فتح سجونه
و مين اللى أطلق علينا النار
ومين اللى ساب علينا كلابه
ومين اللى سرق مننا النهار
ومين اللى موت الشجر
ومين اللى حرم ولادنا الثمار
ومين اللى قطف ورودك
ومين اللى موت لنا الأزهار
ومين اللى دفن الحقيقة
ومين اللى هدم لنا العمار
ومين ومين يا مصر
علشان تبان الحقيقة
ويطلع علينا نهار
لازم معانا بندقية
وناخد بأيدنا التار
يا عينى عليكى يا مصر
مين اللى بيديرك
ومين اللى بيدار
-----------------
كتابات / حسن عمران
خلص الكلام وحان وقت العمل

بحبك يا مصر

بحبك يا مصر
من آدان الفجر لما يشقشق
لحد العصر
وبحبك يا مصر من المغرب
لحد ما تطلع الشمس
بحبك يا مصر
وأحسبى معايا اليوم تلاقيه
حا يطلع كده يجى كام يوم
بحبك وأنتى فنجان مكسور
بحبك وأنتى طوبه فى سور
بحبك وأنتى منصوره
بحبك وانتى مكسوره
بحبك وأنتى مجرورة
بحبك وأنتى مرفوعه فوق رؤس الناس
بحبك لو كنتى حتى سم أتحطلى ف كاس
بحبك وأنتى زرع أخضر ف قلب الغيط
قمح دره فول مش مهم أنا طبيت
بحبك وأنتى صورة متشعلقه ع الحيط
بحبك يا مصر
وأنا شغال وأنا عاطل أو حتى موجود ف البيت
بحبك لما بتعملى شعرك ضفاير
بحبك وأنتى صبية تاخد عقول الضراير
بحبك وأنتى شايله زلعه وأنا ماسك بجلابيتك
بحبك يا أم الحضارة العظيمه
بحبك وانتى ريف ولا مدينه
حبك أنزرعة جذوره فى القلب
بحبك
وباكره ولاد الكلب
------------------
كتابات / حسن عمران
خلص الكلام وحان وقت العمل

نظيف الظريف. آى والله

نظيف الظريف. آى والله

مهما تقرأ كتب للظرفاء على مر التاريخ ومهما
تتصفح النت وتطلب منه أختيار أظرف رئيس وزراء
لمصرفلن يبحث كثيرا لآنه سيأتيك بالأظرف على الأطلاق
بسبب النكته التى أطلقها فى مؤتمر صحفى
رئيس وزراء مصر نظيف الظريف

قال بالحرف أنه يقف فى طوابيرالخبز المدعوم ليحصل على
نصيبه من الدعم وأنه أى نظيف الظريف يمتلك بطاقه تموين
وما جعل الناس تنفرط من الضحك ويغمى عليها هو ما قاله
نظيف الظريف .(الشعب المصرى قاسى القلب والفؤاد تنقصه
فقط حنية قلبه على الحكومة)

أيها المصرى الكريم يا من قسى قلبك على الحكومه وهى الحمل
الوديع الذى يسرق قوتك وقوت عيالك
أضحك وأفرط فى الضحك ثم أجعل ضحكك مصحوب بالبكاء
وأعلم يا مصرى أن بلدك بلد العجائب وستسجل فى كتاب جينس
أطول مواطن صبر فى التاريخ
ويا خوفى ليوضعوك فى سلة المهملات
---------------------------
حسن عمران
خلص الكلام وحان وقت العمل

حين ميسرة فضح حقيقة النظام

حين ميسرة فضح حقيقة النظاملآول مره أخرج من نطاق التمثيل الى نطاق الحقيقهونحكى عن 15 مليون مصرى فى القاهرة وحدها مهمشين فما بالك بباقى المحافظات ليس لى تجارب فى الكلام عن السينما ولكن هذا الفيلم أوضح بأننا على شفا حفره موضوع بداخلها قنبله منتظره من يعبس بها لتنفجر فى وجه الحكومه لقد كشف لنا هذا الفيلم المستور خلف الستار الذى يصعب علينا أن نقتحمه حتى لو بنظارة مكبره ولكن الفيلم كشف لنا بالميكرسكوب وقرب لنا الصوره لنتعرفعلى الجانب الآخر من الحقيقهوأتضح لنا الآن الصوره الكامله لحكومة واضعه نفسها فى برواز الكذب وكل ما تفعله كيف تعبد سيدها وتمجدهوتترك البشر يغوصوا فى قاع المدينه وسط أماكن الله يعزكم الكلاب لا تعيش فيها ما ورد فى الفيلم حقيقى هذه مصر يا ولاد وهذه الحكومه شيلاه يا حكومه لنا الله ولمصر الصبر على البلاءكتابات /حسن عمران خلص الكلام وحان وقت العمل
خلص الكلام وحان وقت العمل

حسن عمرانOmran55.maktoobblog.comOmran55.blogspot.combadralnhar.maktoobblog.comdastor76.bl ogspot.com

أرحل يا ريس . والعوض على الله

أرحل يا ريس.وعوضنا على الله نعم العوض على الله لما وصلت أليه مصر من حالة يندى لها الجبينونحن لا نملك إلا كلمة عوضنا على الله هذا الكلام لسان حال كل أب عجز عن توفير مستلزمات الحياه لآبناءههذا الكلام لسان حال كل أم يموت طفلها أمام أعينها وهى واقفه عاجزه هذا الكلام لسان حال شبابنا العاطل والذى يرى أن الطريق مغلق أمامه هذا الكلام لسان حال أطفالنا التى باتت لا ترى مستقبل بعد مادمر آمالهاهذا الكلام أكتبه بدموعى وأنا عاجز على فعل أى شىء بعد أن ظلل جزء الأمل الباقى من الفجر وكأن مبارك ينتقم منك يا مصرىبزيادة أسعار المحروقات ليزيد معاناتك لدرجة أراك هيكل أنسان وأرى الناس أشباه بنى آدميينأرحل يا ريس قبل أن تحدث كارثه فا أنت لاترى ما نراه اليوم الناس علىحافة الأنفجار والشرارة كل يوم تذداد أشتعالا فا إذا كنت تحب هذا البلد الطيب ولو مثقال ذره أرحل نعم أرحل وكفا المؤمنينشر القتال وسوف يعتبر شعب مصر رحيلك تضحية وجميلهويا ويلك لو حدثت الكارثه ستكون عبره لمن ظلم هذا الشعب لنا الله ولمصر والمصرين الصبر على البلاء

------------------------

كتابات/ حسن عمران

خلص الكلام وحان وقت العمل