يا بدر فى ليلة تمامه نوره نور الوادى
يا عروسة متزوقة والورد عليكى نادى
لو كان خلاصك بكى لبكيت عليكى ليلاتى
لو كان خلاصك دعا لدعيت بصوت عالى
يا صابرة على ألأسى وعلى حاكم سيادى
صابه جنون العظمة يوم وطاح فىبلادى
سجون وجلد بالكرابيج وهربده هندامى
مش لاقى من حكمه ستر ولا كسوة لولادى
فضلت أعيش غريب الوطن وأشواقى لبلادى
الوطن ما بقاش وطن بقى حتت بيفتتوه تفتيت
حته بيضا لراجل غنى وحته سودا لفقير البيت
دلنى الطبيب على الدوا يا وطن دواى مش عندك
أعيش حياتى غريب الوطن ولا أموت عندك
يا خوفى لا يكون مدفنى فى الآخر مش عندك
**********
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com
ليست هناك تعليقات:
إرسال تعليق