بركات الشيخ بعجور

من كتر هم الناس وشكواهم من ظلم الحال وياسهم من الفرج القريب

قررت أحصل على قطر (منديل ) من عند مبارك وأذهب بيه للشيخ بعر

جمز مكسر شيخ الدجالين علشان يعمل لنا عمل يفك بيه ألأرتباط بين

مبارك والكرسى فطلب منى الشيخ طلبات علشان تحضير العفريت منها



شوية شهامة وجدعنة وشوية نخوة ورجولة وأربع أزواج وراك نمل

وديك أحول ومعزة رجليها بتحدف شمال وضفدعة مطلقة وعنكبوت يتيم



وبعد احضار اللازم قام الشيخ بتحضير المارد اللى حيفك طلاسم مبارك

والكرسى وقام الشيخ بعجور برش البخور وشهق شهقتين جمدين

أنا قولت روحه حا تطلع وبعدها قال بهبوش ومهبوش باين ده اسم

المارد وأنا قاعد مكرمش ومرعوش وفجأة قادت النار وأسودت الليلة

بعدها أهتز المكان وخرج علينا المارد الهمام وشخط فيه الشيخ وقاله

أيه اللى أخرك قاله سمحنى أنا كنت نايم وبصوت جهورى زلزل المكان



قاله شبيك لبيك عبدك ملك إيديك طلباتك أوامر قلناله لينا طلب واحد

عايزين مبارك يرحل ويسبنا فى حالنا

فجأة أنتفض العفريت وقال : وقال حرام عليكم هو عمل لكم أيه وفشل

كل اللى أحنا عملناه لأن المارد طلع عضو من أعضاء مجلس الشعب

وينتمى لحزب موافقون

بصيت لشيخ بعجر وقلتله مفيش فايده قليل البخت يلقى العظم فى الكرشة



لنا الله ولمصر الصبر والسلوان

*********



حسن عمران

www.dastor.net
omran55.blogspot.com
dastor76.blogspot.com
omran55.maktoobblog.com

هستريا الضحك المصحوبة بالبكاء

نضحك أولا ثم تنتابنا نوبة بكاء عندما نرى ما يحدث فى تلك البلد التى تقطعت أوصالها

مجلس العمى المصرى يوافق على التعديلات الدستورية بدون عمل أى نوع من ألأستبيان

بأختيار نوعية من عشوائية من الجماهير ليرى هل يوافقوا على التعديلات الدستورية

الجديدة أم لا وبما أن المؤامرة تسير بخطى ثابتة فى ظل غياب صوت الحق فلا بد أن تنتابنا

هستريا الضحك على ما يحدث فى مصر ألآن ثم ينقلب الضحك الى نوبة بكاء عندما تفكر فيما

يحدث لمصر غدا

ومن هذه النقطة أرى ظلام دامس سيغطى مصر بالكامل فلذلك أوجه ندائى الى كل مصرى

متخصص فى كتابة التاريخ أو مؤرخ عليهم أن يدونوا تلك الفترة بمنتهى الدقة والأمانة

وتسليمها الى يد أمينة لتكون وصية للأحتفاظ بها لأنى متوقع ألأسوء وربما يصل ألمر لطمس

تلك الفترة أو تزوير حقيقتها لما لها من زنوب لن يغفرها الله لمن أرتكبوها فى حق مصر

والمصريين فا أنتبهوا وأستعدوا للأسوء مادمتم ساكتين

*************



حسن عمران

www.dastor.net
omran55.blogspot.com
dastor76.blogspot.com
omran55.maktoobblog.com

سلام يا مصر السلام

سلام يا مصر السلام
يا أم العروبة والمقام
يا بلد الغريب وألأحترام

سلام عليكى سلام

سلام يشع نور
ينور شعاع بنور
على أرض مصر البور
تصبح تنبت محبة
فى صوانى بنور

سلام عليكى السلام

سلام صبح ومسا
على ناسك الكويسا
شباب ورجال ونسا
سلام مجور عجين
على أهلى الطيبين

سلام عليكى السلام

سلام زهور فواحه
لكل اهل الساحة
ولكل طهارة ألأنامل
مهندس وبنا ومقاول
ولكل نقطة عرق
تشر من جبين عامل

سلام عليكى السلام

سلام حب ودود
لجنودنا على الحدود
جرجس وعبد الودود
سلام من غير كلام
لأصحاب المقام
مليان محبة وأحترام

سلام عليكى السلام

كلام من غير سلام
لكل واحد ساكت
ومجرش فى الممنوع
وعايش على جنب
ومتعلم الخضوع
لا عمره يوم أعترض
ولا يوم قال ممنوع

سلام عليكى السلام
سلام كبير عالى
لكل كاتب حق
وكلامه فى العالى
لا قلمه خضع يوم
ولا يوم قال نعم
ولا خاف م الخفير

سلام عليكى يا مصر السلام
الكل خلاص رايح وأنتى تبقى
الهرم وأصحاب كل المقام
*****************
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com