ليل وقضبان ....

أنا مين
أنا الغضبان
أنا الحيران
أنا التايه
فى حلمى سنين
أنا المسجون
أنا المصرى
متقوقع كده فى نفسى
خوف من الفرعون
أنا اللى بحلم يوم
أكون واحد من الفرسان
جاى راكب على المهرة
جاى ومعايا أمل بكره
ماسك سيف
جاى أحرر
كل الكون
لقيت نفسى
أنا المسجون
ووحده وليل
مش عارف أنا مين
ورا القضبان
طل عليا شعاع نور
نظرت
عيني شافت التنور
وطفله واقفه
فى الطابور
عينها رايحه على
الخباز
ومستنية برده الدور
تحلم بكسرة خبز
قبل ما يجي عليها الليل
ويرحل عن سماها النور
وتنداس
بدل ما نشلها على الراس
وتنباس
وتكون دى هى أمل بكره
برده مستنية الدور
وأنا متقوقع ورا القضبان
غضبان
أحس بأوجاع الوطن
خليط الرمل والطين
كأنه جبل
طابق على صدرى
كما الزلزال
يهز جبال يهز تلال
داير جوه حجر صوان
وأنا واقف
كما المجنون
اعمل آيه
قمت أكسر التمثال
أشفى غليلى
حسيت بهم منى أنزاح
من القلب
وجلست أحلم
بصوت الناى
والعصفور
وعشه طله على الوادى
وموال بيتغنى ببلادى
ويدور الحلم
ما بين قمح وسنابل
وبستان مزروع
عنب وزتون
وافوق من السرحان
وأرجع أطل من
القضبان
أشوف بعيونى
راجل
شبح أنسان
ماشى بينده على
ولاده
وشوية ينده على
بلاده
والطفله قدامى بتكبر
تشق الليل
بلا خوف
تزيح الغيم بأحلامها
وتمطر لينا مطر
أخضر
يروى الأرض
تنبت فينا
أمل بكره
وأنا قابع ورا
القضبان
مستنى اليوم
—————-
كتاباتى / معلم فحمه ...

أنا مليت .......

سنين ماشى هنا
حيران
ما لقيتش لسكتى نهاية
أبات الليل بطوله سهران
وعينى تشتكى الدمعه
اشوف فى الخيال صورتك
تهيم روحى مع روحك
تهيم روحى وأنا جنبك
ويسكن فى الهوى قلبى
ويمر طيفك الغالى
تعيش الحلم ويايا
أشوفك فى السما عالى
تنور ف الضلام قلبى
وطيفك ساكن فى خيالى وعايش هنا جنبى
وأهرب ويا فكرى بعيد وأرجع أعود من تانى
أرسم على الشفا بسمه
وأدارى م العيون همى
واخلى كل خوفى رجوع
وأضحك ما بين الناس
اضحك
وأنا الموجوع
وأعود
أهرب هنا تانى
وأخبى م الهوى جرحى
واهرب من عيون الناس
و أبدل حزنى أنا بفرحى
و أعود
أهرب مع نفسى
أرسم ف العيون فرحه
وأزرع ف الطريق أمل
ينور ف الضلام شمعه
وتعود لنا البسمه تمسح من عنينا
دموع
وييجى من تانى بكره يغرب همنا أمبارح
ويخلى غربتى رجوع

**********
معلم فحمه ,,,,,,,

يعـنى آييـه معـنى الوطـن .......

يعنى آييه معنى الوطن

وطنى ظل تجلى فى كل مدارى
وسر يخجل منى ويتكاشف
من فرط خيالى
فيه أساطير توالت وملوك تناثرت
كما تتناثر زهرات الورد على الرمال
وممالك أخذها الهوى فبقا ئها فى الدنيا ضلال
فا إذا أخذتنى سكرة الموت غريبا
أرى الوطن ينادينى تعالى
اغيب عن الوعى فى غفوة
وأعود فا أدرك معنى الرحال
أسافر كا الطير فى سما الدنيا
ينادينى
أعود اليه قبل الزوالى
وطنى اراك فى عينى تنجلى
ومن جلالك أستمد جلالى
فا إذا أدركنى الموت فا معزرة
فا نت يا وطنى رهن خيالى
ابوح لك من فرط حبى
فا أنت سرى
والله عليم بالأسرارى
معلم فحمه .......

ما تيجوا نرسم مصر بالألوان ...

ما تيجوا نرسم مصر بالألوان
لوحه كبيرة ف عنينا
ونخلى كل حاجه تبان
ولما تكمل الصورة ونشوفها
نبكى عليها
وع الزمن اللى كان
وننسى النهارده وحلم الزمان
وننده عليها بكل ألامانى
سلامتك يا مصر سلامة الأغانى
وسلامتك يا زمنى والحب اللى كان
يا مصر الحقيقة يا مصر السراب
يا حلم الأمانى يا أحلى أغتراب
يا أصل الزمان والزمن اللى كان
حا أفرد جناحى وأغنى ف صباحى
وأجيلك يا مصر طليق العنان
وأرسم ف صورتك
زينب وآمنه على راسهم حواية
وشايلين المشنه
والوش المنور عليه أبتسام
ساعتها حا اغنى
عشانك يا سمره يا عنبه يا منجه
وفراولة زمان
وأرسم بريشتى
طرحة وبيشه وفستان عروسه
على مر الزمان
وفلاح بيعزق ويبدر تقاوى تطرح غناوى
ف كل المكان
وساقية تطلع الميه بقادوس
شريان للحياه
وقرصة ناموس
تصحى اللى نايم وتزيح الكابوس
أبص بعينى أشوفك
يا مصر
صورة جميلة تزين ميدان فى كل العصور
ولآخر الزمان
لاكن يا مصرنفسى أبحلك أنا بنفسى
و بقلب النهارده مش قلبى
زمان
مش انتى يا مصر أمى ولا حلمى
اللى كان
وارسم ف صورتك وأعيد السؤال
يا مصر الحقيقة يا مصر الخيال
الحاله النهارده حاله
سكون
وكل الولاد شايلين الهموم
وحتى وشوشنا فى حالة الوجوم
كأن جندى ف قلب المعارك خايف يعارك
نازل دعى على جيش العدو
مستنى بكره يجيله
يوم
هو آييه غيرك بالشكل آده
فين الحسين والسيده
فين الطيبين
ما عدش فيه ذكر النبى ولا الصلا ع الزين
والكل غرقان فى الهوى
سنين
شوية كده وشوية
أستغفر الله العظيم
مش عايز أرسم دى صورة
لاكن
هى دى صورتك يا مصر النهارده
بدون رتوش
اللى فيكى غاشش
بكرة
تلاقيه مغشوش
والضمير الله يرحمه
والبشر رسمتهم صورة وحوش
والغيم غطى السما ومعدش باين نجوم
أزاى نعيد الزمن
والزمن كله هموم
فرعون الله يلعنه من يوم ما حكم
زادت همومنا هموم
و اللى بنصبح فيه نعيشه نفس اليوم
علشان كده
يا شعب مصر لا تستكين
أتجمعوا
و خلى توكالك على المعين
خلينى أرسم الصورة بالألوان من تانى
أسم ومجد ومعانى و نعيد الأغانى
يا مصر من تانى
ونغنى ع الربابة والناس اللى سمعانى
غنوة أمل لكل عشاقك
يا مصر

معلم فحمه ,,,,,,

قالو مات حبك وأندثر ......

قالو مات حبك وأندثر
تساءلت
كيف يموت الحب
ونوافذ العشق والشوق
مفتوحه على أهل الهوى
وفى نبضى دماء تسرى
فى شرايين ترتوى
وعطرا يفوح مسك
كخمر تعانق كأس الهوى
وفى المرايا أرى صورتك
تحادثنى حديثا
من أحاديث الجوى
وأسمع صوت رفاقك
ينادونك
فأجيبهم
أهلا بكم أهل الهوى
وصدى صوتك فى كل ركن
يتغلغل بين الجدار
كا سفينة عشق
ترسوا فى ميناء عينى
فا أسلم كل حواسى
وأتذكر
حرارة اللقاء
ومرار الفراق
بقلب كـتوم
وينزل دمعى كذات النزول
ينهمر على خدى
كحبات المطر
فا أسأل نفسى
وأعيد السؤال
هل أنت حبى
أم كما قالوا
مات حبك واندثر
—————-

معلم فحمه ….

كان قلب وراح ,,

كان قلب وراح

أنا لو حبيبك أسمعينى
قلبى اللى إنجرح وأترشق سكاكينك
مات
بعد ما كان قلب عاشق للهوى مليان
دواوينك
ضاعت ملامحه وراحت محبينك
بس لو تسمعينى
آه يا أيام لو ترجعى بالزمن
وتصغرينى
وافتكر لحظة غرام شفتها
بعيونى
كان ف أيديكى ألوان ودايما
ترسمينى
النهارده أتغيرت كل الملامح
يا ريت تسمعينى
مين اللى قال إن الحب
تين والعنب بساتينه
خلاص
نشفت ضلوعى من لهيبه يا مين
يروينى
كل ما أطفى نار تشعلى من تانى نار
تحرقينى
فهل تشفيكى جراحى و صوت
أنينى
اليوم عصف بقلبى الهوى
وريح الخماسينى
ماتت عواطفنا م الجفا
آه لو تسمعينى
من قسوتك
أتملا جسمى جروح يا مين يداوينى
أمانه والأمانه دين
أوفينى
رطبى قبرى بدمعتين قبل ما تدفنينى
غدا يتوارى الجسد وتبقى الروح
وذكرى سنينى
أذكرينى
..............
معلم فحمه ...

وطن البعاد <,,

وطنى
مهما طال البعاد
إن بكرة عاد من غير
عتاب
وأنتهى ما بينا الأغتراب
واتجمعت جروحنا ع الألم
ما بين وطن وما بين
حبيب
عاش غريب ومات غريب
وأتوارى جوه ف التراب
ودى نهاية رحلته
شاهد قبور مكتوب عليه
عبد فقير
هنا عاش وهنا اندفن
حتى ما فيش الله
يرحمه
علشان كده يا وطن
كم من شبيه عاش فيك
مختلف
ف الشكل والأنساب
وكم من حكيم فقدته بغير
حساب
فالقبر يجمع فى طياته
الخونه والعباد
وطنى
العقل زينة رجالنا
والعفه
تاج العروس
وسجون الظلم وسام
للعباد
الدنيا فاضت بعجائبها
وباتت حروب
ووقف الدمارعلى الأبواب
اليوم
أمتلاءت حظائرنا بالبشر وكل ما فيها
معاب
فهل نبقى على حالنا أم نعيد الأصل
للأنساب
وطنى
أين ماضيك وانت أمامنا
يصلى خلفك الفقرا والأسياد
تنادى الكرام
بصوتك العزب تأتيك الكرام
تلبى النداء
اليوم
ماتت فينا درة الحق
وسكن النفوس الكبر والعلياء
خلعوا العمامة ووقارها
ولبسوا
الجهاله وصادقوا ألأعداء
وطنى
اليوم حان موعدى
يفنى الجسد
وتذهب الروح الى العلياء
لو كان لك حق عندى
سامحنى
العفومن شيم الكرماء
لا الجروح بعد الموت تؤلمنى
ولن يشفى الدواء الداء
رب العباد
حرم الظلم على نفسه
فحرموه يا أولى الألباب
وتذكروا يوم فرعون وثمود
وتجنبوا عصف البلاء
يا رحمة الله أرسلى
فرجا
ونهر سكينه من قلب
السماء
فكم من عباد الله ب الحق
داعيا
وكم من الطيبين يرد
البلاء
********
معلم فحمه ,,,,,,,,,

ولنا عوده إن شاء الله