كلمتين قول تلاته مش مهم ....

كلمتين قول تلاته مش مهم
طول عمرنا بنعوم ونغرق
أما النهارده كل حاجه أتغيرت
حا نعوم ونطلع ع البر آده
بر الأمان بر السلام
علشان دى مصر هى اللى قايله كل ده
يا ناس ياللى فاكرين الوطن
سكنه وأربع حطان
تبقى مش ابن الوطن
الوطن أهل وناس ومكان
الوطن هو مصرنا
لما تعدى المزلقان والقطر بيصفر
وتشوف عشش و زير وحنفية ف الميدان
والناس ملمومه بتملا
حا تقول سلام يا أهل المكان
أنتوا برده بشر
ولما تعدى ف مكان تشوف جدعان البلد
قاعده ع القهوة
واللى واصل للميدان
وفيه مقام للحسين أو السيده
حاتقول سلام يا أهل المكان
أنتوا برده بشر
ولما تشوف جناين وفيلل وقصور
وصوت كلاكسات وعربيات
وناس يشبهه الخواجات
حا تقول سلام يا أهل المكان
أنتوا برده بشر
ولما تسمع صوت آذان وتشوف بعينك جوه الصوان
حضرة والذكر أنجلى
ولا تلمح
برج لكنيسه وصوت جرس
هى دى مصر أرض التلاقى
أرض الصحارى والغيطان
أرض الله
ممدوده لكل البشر
هى دى مصرنا أمنا ضلنا أرضنا عمرنا
أصلنا
هى دى فروع الشجر هى دى كل الثمر
هى دى أصل الوطن
-------------
على تواصل
معلم فحمه .....

بحبك يامصر بحبك بجـــــد

بحبك يامصر بحبك بجد / وحبى ليكى / مش زى حد / بحبك نهار / بحبك مرار / ولما قالولى / جاوبت عازولى / دى شهد بجد / بحبك يا مصر/ ومهما يحطوا / ما بينى وبينك / حيطه وسد / بحبك بجد / بحبك حكاية / بحبك روايةبحبك تاريخ / مكتوب للنهاية / بحبك يا مصر بحبك بجد / بسافر وأغرب / ومرات بشرق / ويطول الغياب / ألاقينى لحضتك / يوماتى بقرب / ولما أضمك / تخونى شجاعتى / أفضل بعيط / وامسح دموعى / وأمسك فى أرضك / وأسجد وأقرب / وأهمس ف ودنك / أنا عاشق بجد / بحبك يا مصر بحبك بجد....معلم فحمه }}}

يا مصر أنا بعشقك ....

يا مصر أنا بعشقك وبعشق المشنقة / وعمرى يوم ما خفت لو فيه مليون معتقل ورقبتى متعلقة / برده حا أقول لاء / العذر ليا يا مصر وما فيش آييه بقى / مش أنتى اللى بيا غدرتى / أنا اللى بيه مغدور / ضحك عليا يا مصر / قالى / حا ولع الكهربا وأخلى بلدنا نور / قسما يا مصر وقسمى كله جد / مهما بنوا بينى وبينك حيطه وسد / مهما كسروا مجاديفى وخلوا بينا بحور / برده لازم أعدى مهما اللى قال يقول معلم فحمه ….

يا مصر أدلعى ....

يا مصر يالله أدلعى أدلعى

وسوقى عليا الدلال

كل يوم يمر طيفك مضجعى

حلم

أأول غزال

أيوه غزال

شارد بعيد

فوق التلال

بين الجبال

آه يانى منك

هو مين دا اللى يقدر

يبعدنى عنك

ولا فى الخيال

هو فيه فى الدنيا ديا

أحلى منك

ولا حتى يشبهك

دا شىء محال

سوقى الدلال

هو اللى كان أيوه اللى كان

مهما عمل أو مهما كان

هو ده ما كان عشامنا

فى اللى ظلمك من زمان

استنى بكره

بكره أحلى م النهارده

بكره حا يروح اللى كان

وأنتى باقية وترجعى

تفتحى تانى حضنك

ولا نعمل أحنا حضن من عشمنا

يضمنا يلمنا يرجع لنا

مصر زمان

------

تحياتى وأحترامى

معلم فحمه ....

بحبك يا مصر / بحب أبتسامتك وشمسك وقمرك / وعينك ورمشك وحتى الجفون / وبدعى لربى يحفظلى سلامتك / سلامتك يا مصر من كل العيون / بحبك بقلبى ياقلبى بحبك / تغيبى تروحى مهما بعدتى / أو حتى أما تيجى جنبى وقربى / بحبك يا مصر/بحب ورودك / واعشق خدودك واكره دمو...عك وألحن بعودك / موالك يا مصر بحبك يا مصر.....

معلم فحمه ...