WorldTimeServer Clock

Cairo

الاثنين، ٣٠ نوفمبر ٢٠٠٩

دولة جناب الرئيس ...


دولة جناب الرئيس / رئيس دولة المعيز / بعد التحية والسلام / كل الرعية بخير وبعتالك سلام / وبتأيدك بحدوة حصان / خايفين عليك من الحسد / وبيشدوا على بقك لجام / أصل الكلام بيتعبك / دولة جناب الرئيس / أنا جاى أبلغ دولتك / فيه واد داير ف البلد / بيقول عليك أنت يا دوب بتبيع لنا بس الكلام / وعمال تمط ف الوعود والحدود / وكل همك واللى شاغلك أزاى تورث البلد / علشان كده بلدنا بعتالك رساله / بأسم كفر المعيز مطلبنا ترحل عننا ونقول سلام / وسبنا لجراحنا أمنا حا تضمنا وداوى كل الجراح / بعد ما وطنت ف دمنا فكره جبان وشبابنا لما تشوف العسكرى م الخوف تنام / علشان كده يا دولة فخامة الرئيس / كل البلد بتقولك سلام / هى دى المسأله / يا ريت يا ريس يوصلك معنى الكلام معلم فحمه ….

ف يوم نايم وأنا بحلم ...


ف يوم نايم وأنا بحلم / سمعت صوت بحر بينده من بعيد يا حى يا قيوم / أرتعشت قمت أتملى فى الزمن واللى جرى / فركت عينى م اللى جرى شفت خطاوى قدام وترجع تلاتين خطوة ورا / أنده يا عاشقين الوطن من الشمال للجنوب / تعالى شوف اللى جرى / ف لحظة واحدة جانى طوفان م البشر / حسيت كأنى ف قلب مركب وشط مصر لون الدهب / لاكن لما كنت أنظر ف العيون أشوف كسوف / أنده يا رب أنت الحكم / هو يعنى لازم نخاف ونرتعد أو نطيع / حتى الدفاع عن الوطن أصبح صريع / والكل فينا من كرههم عمال يبيع / واللى باقى جوه مركب وسط المحيط بيأدفوا حا يغرقوا ولا حد فيهم بيعرف يعوم / آه يا وطن لو فضلنا على الحال كده كل البلد راح تضيع
معلم فحمه ...