دولة عسكر

دوله عسكرعامله معسكر
يحرس قصره يحرس أرضه
يحرس حتى الكرسى بتاعه
يحرس جنب سريره بخطوه
اصل عسكر من أيه خايف
أنا مش عارف
عسكر نايم نايم يحلم
كل العسكر تسهر جنبه
عسكر جوه الحلم بتاعه
بص شويه جوه مرايته
أصله حليوه وواد مزيون
شاف قدامه شامبليون
قام مخضوض من قلب النوم
لبس البدله وهندم نفسه
قال انا أشبه نابليون
عسكر قام بعد ما نام
جمع العسكر
وأصدر ليهم كام فرمان
عسكر قال
قص لسان اللى بيتكلم
وخلى الناس م الجوع تتعلم
وأربط فرمل كل صحافى
اللى يجيب سيرة ممفيس
واللى يقول فيها فساد
وأنا فرعون وليا وريث
واللى يصلى الفجر ويدعى
يدعى عليا ويدعى قنوط
عسكر عينه طالعه شرار
أدى أوامره
أنده دوغرى عبده رفاعى
مين دا يا عسكر
ده طباخ القصر بتاعى
طبخ المحشى نافخ بطنى
أقطع أيده
وبلغ كل الشعب بتاعى
أن عسكر راجل سكر
رايح يخطب
تخطب أيه عروسه
أسكت يا بنى دى أسرار
راح تفضحنى
بعديين سوزى تزعل منى
و حاتحرمنى م المنبار
عسكر جهز كل عساكره
قالوا تشريفه
جهز نفسه
فجأه وشه أتغير
من غير لزمه
ولونه تلون بقى زنهار
لمح الحاج آميين بيصلى
يوم مش فايت
ناده كبيرهم منتش شايف
دور مكتب
والكامرات عماله بتصور
قالوا بسرعه شيلو با حمار
دقنه طويله
ده أرهابى وم الكفار
كل العسكر جم بقوا جنبه
يوم مش فايت أخرب بيته
عسكر لف ودار على نفسه
وأصبح جاهز واقف يخطب
أسمع يا أبنى أنت وهو وكل الناس
أنا مش أبوكم علشان أصرف ليكوا معونه
كل شويه تقولوا يا حكومه
حالنا خلاص بقى متغير
وأنا مضطر أغلى الجاز
وأوعى تقلى العيشه دى نار
لازم لحمه مش معقول
قضيها فول بزيت وليمون
أنا محتاج أنا مديون
قاعد واحد م السامعيين
على على الله بيفهم والله
قامله وقاله فوشه معارض
فجأه الدنيا عليه أنقلبت
جالوا العسكر راحوا واخدينه
بدل الخطبه كنا بنسمع صوت
الراجل عالى لفوق بيقول آى
عسكر بعد ما خلص رغى
أثنى عليهم وقال هنونى
عمرى ما حسمع صوت بيعارض
ناس خوافه بعد ما سمعت كلمة آى
ورجعنا تانى نشوف ونقرأ فى الجرنال
عسكر نام عسكر قام عسكر راح للحمام
عسكر باقى طول العمر
أنس يا مصرى
واقف ليه مستنى القطر
محدش جاى
فرعون يا عسكر
---------------------
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

مصر عربه كارو

المشاهد لمصر ألآن من زاوية الخيال يراها كا ألآتى: عربية كارو قديمه كاوتشت العجلة
اليمين مقطوعة وموصولة وعاملة صوت وحمار عجوز بيجرها مليان جروح وعربجى
سنه كبير مش قادر يسوق شوية تروح يمين وشوية يروح شمال والناس عمالة تزمر ولكنه
لا يسمع وفى آخر العربية عيل راكب فى قفه متعلقة من تحت عمال يحدف الناس بالطوب

هذه اللوحه المرسومه لمصر فى معرض الفنون تعطيك من الوهلة ألأولى أنطباع بالحالة
التى وصلنا أليها ولكن عندما تنظر الى اللوحه بأمعان وتعيد رسمها فى خيالك فتراك تلقائيا
تستبدل اللوحه بعربة رمسيس الحربية وهو يقاتل ألأعداء أو صلاح الدين وفرسه وهو يحرر
القدس وعندما ترى اللوحه الحقيقية فى الواقع تجد دموعك تنهمر حسرة وألم على مصر ولك
منى وعد يا مصرى سنتواصل فلا تحزن ففرج الله قريب
لنا الله ولمصر الصبر والسلوان
*************
حسن عمران
..................
www.dastor.net
omran55.blogspot.com
dastor76.blogspot.com

لا أنت محمد ولا فتاح ولا عمر

سيادة اللواء أتقى الله فيما تقول وأبعد الوطن عن الفتنه تريد أن تطفىء لنور الله والله متم
نوره
أنا لست أخوانى ولا متشدد أنا مواطن عادى مؤمن بالدين والعلم والحرية لبناء الوطن وهبنى
الله القلم فوهبت لنصرة الحق وقد اصابنى الزهول وأنا أرى حديثك لبرنامج 90 دقيقه فى قناة
المحور وأتهامك للأخوان بأفتعال جريمة سفاح المعادى فيه تعدى صارخ على من يقول لا ألآه
إلا الله وهذا الحديث لا يأتى من فراغ ولكن هل هذا الحديث من أوامر أسيادك بعد أن أحسوا
بالخطر من الأخوان المسلميين لتمرير ما يتم طبخه من الدستور سيادة اللواء والسيادة لله
وحده هذا الأتهام سيزيد شعبيتهم ولن يثنيهم عن أكمال رسالتهم وأعلم إذا هذا الكلام لتنفيذ
موجه من ألأعتقالات أو القضاء على صوتهم فا أعلمك شىء مهم أحفظه عن ظهر قلب
يد الله مع الجماعه ولن تنول منهم شىء
وسيأتيهم نصرا من الله وفتح قريب
*************
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

المعارضة كاتبة عارضة

المعارضة كاتبة عارضة مقدماها
قايلة فيها
عايزة تخلع دستور سيادته من جزوره
قايمة تزرع بذرة وردى فى قلب أرضه
طرحه شوكه مرة علقم فى قلب حلقه

أم جنابه ركب دماغه
قال عليا وع المعارضه
قام يحط جنب أيده سله
كل يوم يلم ورقه ويقرا فيه
آه يا ورقه
قد أيده لما ترمى يروح رميه
هو ده برده فيه حد شاغله
ولا فكرة راح يفكر حتى فيه

هو ديزل قطر فايت
صوته عالى من بعيد
والمعارضة فى السبنسه
متشعلقه فى ديله البعيد

وهو قاعد فكره وداه
ومرة واحده راح يجيب
شعب كله هم غم
قال أطبق أمثال الجدود
أضرب المربوط بشده
السايب على طول يخيب

أدى أمرة لكل تابع من توابعه
من النهارده خدها منى أمر عالى
فى البلاد على طول ينفذ
التزوير فى الأنتخاب
واللى عايزه بس يمشى
سلطان بيحكم فى البلاد
والوريث من بعدى يحكم

والمعارضه تروح تذاكر من جديد
الحساب وجدول أضرب فى الكتاب
طول ما تركب السبنسه
صوتك حا يفضل بعيد
******
. حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

سلملى على الجماعة

هذه الكلمه فى بر مصر مقصود بها سلملى على أهلكهذا فى السابق

لكن اليوم أصبح عندنا مأئه جماعة على سبيل المثال لا الحصر أصبح عندنا جماعات
بدأ من جماعة ألأخوان جماعة الناصريين جماعة الشيوعيين وجماعة العلمانيين وجماعة
الوفديين وجماعة العلمانيين وجماعة كفاية وجماعة اليمين وجماعة اليسار وجماعة الصلاة
على النبى عليه الصلاة والسلام

وكل جماعة رافعة شعار إذا لم تكن منسوب لنا فا أنت من المنبوذين فلا تقترب منا أو نحن
صح والباقى كله خطأ وبناء على هذا الشعار تفرقت المعارضة وأنعدم العمل الجماعى والتنسيق
بينهم مما أضرهم وجعل الحاكم يتحكم أكثر من ألأول وهذا ما حدث فى مظاهرات القضاءوالتى
كان يجب على كل صنوف المعارضة الوقوف بجوارهم بل شعب مصر كله وكانت الفرصة
سانحة أمامنا للتغييرولكن عدم التنسيق أفسد علينا كل شىء وهذا ما يحدث أيضا فى مظاهرات
كفاية لذلك إذا لم يكن فيه تنسيق بين المعارضة فلا جدوى من التظاهر إلا فى وجود عمل جماعى
كامل يغير الوضع
***********
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

يا عينى عليكى يا طيبه لما بضيعى من إيدينا

تحياتى وأحترامى الى كاتب هذه الكلمات التى وصلت الى مسامعى وهزت وجدانى
واحسست بعدها بالخوف على مصر . فى عز أحتياجنا لحضنها الدافى لنحس بالأمان
لا نجده وأصبحت قلوبنا حجر على بعضنا وأتعلمنا الخيانه وبقينا وحوش فى غابة
وسنصل الى وقت نغرق ولن نجد مركب تنقذنا وهذه الكلمات البسيطه كانت بمثابة
قنابل تهز مشاعر أى شخص يحس بها ويخاف على مصر
تحياتى وأحترامى لكاتب الكلمات ومبدعها والصوت المعبر الذى شدى بيها
*************
يا عينى عليكى يا طيبه لما بضيعى من إيدينا
لما بنصحى نلاقينا حد غيرنا
وفى عز ألأحتياج لحضن يضمنا
وفى عز ألأشتياق لحضن يضمنا
أتارى بندوس على قلب حبنا
وبقينا أزاى كده
أجمل ما فينا قلب أصبح حته حجر
أتعلم الخيانه واللعب بالبشر
ومين أطرينا وأحنا أزاى كده
نعيش وحوش فى غابه ونقول مكتوب علينا
وبقينا أزاى كده
يا عينى عليكى يا طيبه لمابضيعى من إيدينا
وآه من يوم حييجى مليان جراح وألم
حدورالدايرة بينا وحندفع الثمن
وتصرخ مهما تصرخ ولا حد حيسمعك
مفيش مركب حتقدر بالعمر ترجعك
وبقينا أزاى كده
يا عينى عليكى يا طيبه لما بضيعى من أيدينا
ملحوظه : من يعرف كاتب هذه الكلمات فليضع أسمه أحقاقا ليه
وشكرا ..........
حسن عمران
..................
www.dastor.net
omran55.blogspot.com
dastor76.blogspot.com
omran55.maktoobblog.com

دولة السلطه وسلطة العنب

دولة السلطه وسلطة ورق العنب
أولا : يجب أن نعلم أننا جميعا مصريون وأن النقد ليس معناه المساس برموزنا ولكن
معناه أن نطرق أبواب الحقيقة لأجل مستقبل أبناءنا وليس لنا فى الدنيا ناقه ولا جمل
إلا العمل الصالح الذى سينجينا يوم العرض الكبير
فلنتعرف على دولة السلطه قبل الدخول فى الموضوع : هى دولة سلطات ومؤسسات
سواء كانت سلطه تشريعية أو قضائية أو تنفيذية وهى دوله لا تنشأ حكمها على الفرد
ولكن على الجماعه وتسلسل سلطاتها من أعلى ألى أسفل ويكون فيها حرية تداول
السلطه وأحزاب قوية تساعد فى كشف الحقائق وتتداول السلطه وهذا النظام تقل فيه
المفاسد والتسيب وهو نظام ديمقراطى حر
أما سلطة الدوله : هى عبارة عن حكم فردى وتغيب دور ألأحزاب والجماهير وألأنفراد
بالرأى وهى تتألف من حاكم ديكتاتور وحاشية وهى دولة تساق بالعصا تقل فيها الحريات
وتكثر فيها المظالموهذا النظام الذى أضر بمصر وقد أعتمد على مصادرة الرأى وتبديل
الحقائق والتطبيل والتهليل للحاكم وأيهامك أنه آلاه لا تقترب منه وكأنهم يعبدوه
فا بالرغم من عظمة ثورة يوليو إلا أن ما أعقبها من حكم ديكتاتورى أفسد فرحتنا
جميعا مع أحترامى الشديد للناصريين فهو بشر وليس ألآه وكل أبن آدم خطاء فا بالله
عليكم لماذا ذهبنا الى اليمن هل كانت محتله من أحد ومن سيعوض مصر خسارتها من
ألأموال والشباب فى تلك الحرب ألم نكن نحن أولى بها وكم يساوى أصبع أبن من أبناءك
إذا بتر وما الذى حل بنا فى 67 ألم نهزم وأحتلت أراضينا كم عدد المعتقلين ولم نعلم عنهم
إلا بعد وفاة عبد الناصر بالرغم من أنه كان زعيم وطنى لن يتكرر ولكن سلطة الدولة لم
تعلمنا الحقيقة إلا بعد وفاتة
ثم أتى حكم السادات وأيضا شابه الكثير من العيوب بالرغم من النصر فى أكتوبر المجيده
إلا أننا أكتشفنا فيما بعد بوجود ثغرة كادت أن تقضى علينا ودخلنا فى ألأنفتاح ودمرنا
أكثر من مليون فدان صالحة للزراعة بحجة التعمير وذهبنا نستصلح الصحراء وهذه سلطة
الدولة
ُم أنتقلنا ألى هذا العصر عصر الهم والغم وألأمراض عصر مبارك والذى لم ترى مصر قبله
أو بعده مثله فى الفساد والتسيب والنهب وفساد السلطات وسمعنا مرات ومرات أن من أنجازات
مبارك تجنيب مصر ويلات الحرب أو جرها الى الحرب أمال من ذهب لحرب الخليج اليست هذه
حرب وما ذا كان يحدث لو كان صدام يملك أى شىء خطير وألقاه على جنودنا ومات عدد كبير
هل كنا سنقول قضاء وقدر وهل حرب الخليج حلال وحرب أسرائيل حرام
هذا القدر لا بد أن نتخلص منه ليأتى فجر جديد فى ظل دولة السلطه المحترمه وليس فى ظل
دولة ألأستعباد
لنا الله ولمصر الصبر على البلاء
أسف على ألأطالة..لكم تحياتى
.................................................... حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

ثوب الزفاف ألأسود

لما جم يفرحوكى
لبسوكى توب زفاف
لونه أسود
وطرحه غطت كل وشك
غمو عينك متشوفيش
العريس اللى جاى
أصله وريث
والفرح بدل الفرح
كان صوان للعزا
وبانت ملامح الفرح
معازيم من غير عشا
أزاى يفرحوا
لما عرفوا أن العريس
من غير رضاهم
أصله ده مفروض عليهم
بالوراثه
زاد همومهم فوق همومهم
مكتوب عليكى متفرحيش
هما فاقوا من هموم اللى قبله
لما ييجى اللى خانوا
واللى باعوكى بالرخيص
يخطبوكى للوريث
العيون بالدمع سالت
والقلوب بالحسره مالت
لما عرفوا العريس
اللى جالك ده وريث
قالوا آه طبلت فوق رؤسنا
هو أحنا كان ناقصنا
هب وكتر الكلام
الفرح قلب بغم
والموسيقى بقت حزينى
والكهارب ضلمت
الجوازه بقت جنازه
والكلام مبقاش كلام
والتهانى بقت تعازى
وأنت صامته صامده
مابتتكلميش أتكلمى
فاكرة هوجه عرابى
فاكرة ناصر
لما خرج الأنجليز
فاكرة تأميم القناه
ولا حرب بورسعيد
فاكره كامل ويا سعد
فاكره مكرم فاكره حرب
فاكره دول كل واحد من ولادك
شال ريشه من جناحك
علشان تطيرى ويطيرك
أيوه كانوا بيطيروكى
فوق فى السما العالى
أرفعى راسك لفوق
القدر ع الرقبه طوق
مفهوش مفر
بكره برده ييجى واحد
من ولادك زى القدر
يشيل مشاعل نور
تنور طريقك وتنورى الدنيا
لكل البشر
وتقلعى توب الحزن
وتلبسى توب القدر
وتعود أبتسامتك
الجميله يا كحيله
ويجرى نيلك من الجنوب
للشمال للقنال يروى البشر
وتعودى تانى يا مصر
تلبسى توب الزفاف
أبيض لون الفرح
"""""""""""""""""""""""""""""
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

وليم بيرى والنظرية الخاطئه

وليم بيرى والنظرية الخاطئه

متغيرات الداخل والخارج لوليم بيرى والذى يبحث فى التحولات التى شهدتها مصر
على مدى ثلاثين عام ويتوقع أندلاع ثورة شعبية مماثله لما حدث فى يناير 77 ضد
ألأوضاع ألأقتصادية وأندلاعها سوف يتم بشكل غير منضبط وستنفجر شرارة الثورة
عند رحيل مبارك وتوريث الحكم
ولكن هذا الكتاب مبنى على رؤية نظرية ولم يبنى على الواقع لأن ما لا يعلمه وليم بيرى
عن المعارضه المصرية أنها مهلهله ومتقطعة ألأوصال وتسير فى ألف أتجاه وهى عبارة
عن عدة تشكيلات متفرقه وليست مثل المعارضة فى الدول المتحضرة التى تبحث عن مصلحة
الوطن وتوحيد الرأى والكلمه فعندكم تلتزموا بأشارة المرور الحمرا والخضرا أما عندنا
المعارضة مصابة بعمى أللألوان ألأشارة عندها لون واحد يا تكون على شاكلتهم يا بلاش
لذلك تجد المعارضه مهتمه بالمعارضه على المعارضه
لذلك يا مستر بيرى بنيت وجهة نظرك نظريا فقط ولم تبنيها على الواقع فعليك أن تراجع نفسك
مرة أخرى لدراسة ما كتبتة لأن العملى يختلف كثيرا عن النظرى
هذه وجهه نظرى وعلى المعترض يثبت عمليا عكس ذلك
ملحوظة : الكتاب الذى تم منعه من معرض الكتاب ربنا يسهل نحاول تلخيصة ونشرة على النت
--------------
حسن عمران
..................
www.dastor.net
omran55.blogspot.com
dastor76.blogspot.com
omran55.maktoobblog.com

زى ما أنتى يا دنيا دورى ودورينا

زى ما أنتى يا دنيا دورى ودورينا

زى ما أنتى يا دنيا......... دورى ودورينا
يوم واحد فرح................. وأيام تدوخينا
مش عارف ليه يا دنيا مش...... عايزه تفرحينا
الحزن ساكن قلوبنا .......والدمع جار عنينا
وكأنك يا دنيا معانده .........و دايرة تعندى فينا

يا دنيا نشكى لمين همنا............. وبينا فيه حاجب
ما تيجى نقعد يا دنيا................. مع بعض نتعاتب
لو كان علينا الحق أهو ..............رده ليكى واجب
هى العين يا دنيابتعلى .................. على الحاجب

يا ما قسينا يا دنيا.................. وقسيتى كتير علينا
وشبعنا من فراق حبيابنا....................... اللى فاتونا

يا دنيا الحال أتغير والموت................... بقى راحه
من كتر حزن القلب ......................أتفتحت جراحه
كفانى منك يا دنيا حروب.................. على الساحه
لايوم شفناهنا ولا يوم....................... فيكى راحه

خليكى زى ما أنتى دورى ودورينا
يوم واحد فرح وأيام تدوخينا
------------
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

عاشق ومغرم وولهان

أناعاشقك والعشق حرام
وعشقك أتحلل ليا من
شيخ جامع وعلوم قرآن
عاشقك يا غصن البان
يازهرة تنور بستان
يأجمل لوحه فنان
مش عارف اوصف وأتكلم
ولا تنطق أبدا يا لسان
عاشقك والقلب منور
يا جمله قناديل بتنور
وشموع بتشع تنور
فى وسط صوانى دوران
نورتى طريق ألأنسان
يا خضرا والحسن مليكى
وألأرض أتزانه بيكى
جمالك مخلوق ربانى
والكحله على رمش عنيكى
مسحور العالم بجمالك
أدعيلك من خوفى عليكى
خليها فى حفظ الرحمن
يا جمالك والصبح مندى
مليون فى قنالك بيعدى
بصيين عليكى بعيونهم
من حسن جمالك الفتان
رسم جمالك ربانى
والمنظر متكرر تانى
مرسومه بدقه آه يانى
ما تقلش ريشه فنان
أسرانى وأسرى وجدانى
من بحرى لصعيد جوانى
فى الشرق جمالك مش لاقى
والغرب أوصف أيه تانى
وبحورك مرجان وياقوت
وجبال حراس الموت
لو فكر الغازى يفوت
يتكفن ويكون فى تابوت
وعمره ما يغزيكى تانى
أنا أصلى مواطن صعلوك
بتسكع وبلف الدنيا
أصابتنى حاله توهان
وصفولى دواى طلع أنتى
أنا عاشق حسنك وجمالك
أنا عاشق مغرم ولهان
.................................. عمران
www.dastor.net
omran55.blogspot.com
dastor76.blogspot.com
omran55.maktoobblog.com

شخبطه ولغبطه قلم

شخبطه ولخبطه
لآأظن أن الريس راكب دماغة وواكل فحلين بصل وضارب له طبق فول
بالزيت الحار قفلت معاه وبطل يسمع وكل ده جاى على دماغ المصريين

يا ريس عايزين نيو لوك للدستور...واللهى ما أنا مغير عاجبنى شكله كده
يا ريس عايزين أنتخابات... أنتوا خبتو على كبر والسبب اللى بينوركــم
ياريس البلد ضاعت و جاعت...أستحملوا مفيش أحسن من الرجيم حد لاقى
يا ريس البلد مرضت وتعبت...يعنى حاتموتوا ناقصين عمرلكل أجلا كتاب
يا ريس البلد أتملت بطاله...شعب فقرى حد يكره الراحه والنوم
يا ريس التعليم نايم فى الحضيض...محدش يصحيه هو أنا ناقص
ياريس مصر متنفعش تتورث...أبنى معاه أعلان وراثه رسمى
يا ريس أنت مش عارف تسوق البلد...لكن أعرف أسوق الهبل على الشيطنه
هأهأهأهأهأهــــــــاى
كده يبقى مفيش فايده
..............مفيش سلام
الله هو أنت لسه صاحى تصبح على خير
...........................
www.dastor.net
omran55.blogspot.com
dastor76.blogspot.com
omran55.maktoobblog.com
حسن عمران

يا عم رباعيات

يا حزب غير أتجاهه وخلى قبلته لباريس
عمرك ما تنجح يوم لا بالغش ولابالتدليس
لو مصر يوم تتوارث مكنش جالها رئيس
وفضل يحكمها الفرعون أحمس ولا رمسيس
"""""""""""""""""""""""""""
يا قلبى يا موجوع من حسرتك على الوطن تقول آه
تنزف م الجروح وتزرف دم من شده الألم وقوله آه
أحتار فيـك كل أطـباء الزمـان ملقوش دوا لقوله آه
إلا حكيم زمانه قال غيروا حال الوطن تتوقف الآه
"""""""""""""""""""""""""""
ياريس الحكم ليه أصول وقوانين من ربك العادل
والجنه تقفل باب الريان ميفتحش إلا لأمام عادل
والنار سعير وشررمفتوحه لحاكم ظالم ومش عادل
ياظالم اليوم تذكر بكره راح تقف أمام ربك العادل
""""""""""""""""""""""""""
يا كاتب كلمة الحق قلمك صواريخ وسهام
يا قايل الحكمه بين الناس عمرك ما تنلام
ويا حارس حدود الوطن أسد عيونه ما تنام
أنتم نور عيون الوطن وقلبه وهوى الأحلام
""""""""""""""""""""""""
ياريح تتمسحى بالأرض حا تاخدى أيه من البلاط
ياما ملوك وسلاطين عاشوا و ماتوا وسابوا البلاط
وتاجر مشى أعوج وغش الناس ورجع على البلاط
وظالم أتعافى على الناس أنزلق ووقع على البلاط
"""""""""""""""""""""""""
صياد أعمى العين نشن سهامه على غزاله
فاكر أن المال والجاه نشانهم حيصيدوا غزاله
ما بيعرفش إن حسن الجمال موجود فى غزاله
بكره يروح المال والجاه يا قرد وتفضل لنا غزاله
""""""""""""""""""""""""""""
ألأوله. عين تبكى بدل الدموع دم من خشية الله
الثانية . عين باتت سهرانه تحرس فى سبيل الله
الثالثه. عين حسوده زرقا ما تنام تنظر لخلق الله
والرابعه. عين حمرا مليها الشرر تعمى بأمر الله
""""""""""""""""""""""""""""
يا ريس البحر يا ماسك الدفه المركب بتميل بينا
من كتر ظلمك ياريس وعندك تاهت عن المينا
يا ما مراكب غرقت بعناد ريسها واللى عمله فينا
ياريت يا ريس تسيب المركب لريس بالأمل يعدينا
"""""""""""""""""""""""""
يا عم الريس أيه تملك فى مصر علشان تورثها
عود للخالق دى مصر أرض الله وهو حارسها
أياك والغرور ياما غيرك حكم وراح وتاركها
خذها نصيحه مالكش غير مقبرة فى مصر تورثها
"""""""""""""""""""""""""""
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

انا عندى حمار بتمشكحبه لو متمشكحتبوش مين يتمشكحبه

هذا هو لغاريتم السياسة فى مصر
لو نظرنا الى كيفية الوصول الى كرسى الرئاسه فى مصر تجده متشابه وبلا اختيار قام الرئيس جمال عبد الناصر بتعيين الرئيس السادات نائبا له ثم مات وتولى السادات رئاسه مصر بعدها قام الرئيس السادات بتعيين الرئيس حسنى مبارك نائبا له ثم مات وتولى حسنى رئاسه مصر
وتختلف فترة جلوس كل رئيس على الكرسى اما لغه الجلوس فهى اللغاريتم المحير او كما يقولون كل شيخ وله طريقه ولكن فى الفترات السابقه من الحكم لم ندخل فى متاهه مثلما حدث الآن فمنا من خف عقله ومنا من استشاط غضبا ومنا من اصيب بالضغط ومن فشلوا فى التغيير ماتوا من القهر واكثر من ذلك يحدث لنا لأننا لم نكن نتصور بعد ان وضع الرئيس السادات لبنه الديمقراطية وظن البعض اننا اصبحنا نسير فى الطريق الصحيح إلا اننا للأسف كل يوم ننهزم بالضربة القاضية ولكن ما يحيرنى فى هذا الموضوع هل كل هذه هل كل هذه الأراء وهذه الكتابات وهذا الشعب الذى ينادى بأعلى صوته نرجوك الرحيل ياريس نرجوك الرحيل يا ريس هل كل هؤلاء الناس جهله والريس وحكومته هم الذين يفهموا فقط هل هذا يعقل وهل تستحق مصر وشعبها كل هذا
اليسوا جند الله وهم حفظة القرآن الكريم فى صدورهم الى يوم الدين الن يكون القرآن شفيعا لنا من ظلم هذا الحاكم وهذه الحكومه
هل يأتى عقاب إلاهى لكل من ظلم هذا الشعب ويكون عبرة لغيره هل سيأتى وقت يزرع فينا الأحساس والشعور بهذا الشعب
ارجوا من الله ان يعطينا الفهم لفك هذا اللغاريتم الرئاسى والأطاله فى كرسى الحكم لنا الله
........................................................حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

سياسة الكلام وكلام فى السياسة

سياسة الكلام وكلام فى السياسة

سياسة الكلام سياسة مهمه فلها فوائد عديده هى لغه لها قواعد وأسس وهى تعتمد على السلم
كقاعده ترتكز عليها أولا ثم تنقلب الى أشياء أخرى. تبدأ السياسة من المهد الطفل يسايس
أمه حتى يحصل على الرضعه. الولد يسايس أبوه للحصول على المصروف. والطلبه تسايس ألأستاذ
للحصول على الدرجات والراجل يسايس زوجته حتى تسير أمور الحياه والموظف يسايس مديرة
حتى يرضى عليه والكل بيسايس الكل وعندما يحدث أختلاف تجد ألآتى .
الطفل يتم فطامه وحرمانه من الرضعه والولد يطرد من المنزل والزوجه تطلق والتلميذ يرسب
والموظف تنتهى خدماته بعدها تجد الكل يلعن فى السياسة واللى أخترع السياسة
لكن فى مصر تختلف السياسة فلا يوجد عندنا طرد أو طلاق أو فصل فالوزير يبقى فى منصبه
بطل للنهاية حتى لو الدنيا تولع ولغة السياسة عندنا أتمسكن حتى أتمكن فاإذا أعتلى أحد منصب
وجلس على الكرسى لو راجل زحزحه فنحن نطبق نظرية غير موجوده فى العالم ناهيك عن رئيس
الجمهورية منذ محمد نجيب حتى اليوم خطأ صح وأللهى ما أنا ماشى
أما الجديد فى هذا العصر هو تحويل مصر من جمهورية بألأنتخاب الى ملكية بالتوريث طب ليه
سؤال وجية يوجد أكثر من أجابه علية
اولا . أكبرنسبه نفور من الشعب لرئيس مسك مصر على مر التاريخ
ثانيا . أحساس الرئيس بهذا الشىء وخوفه أن يتم تمزيقه بعد وفاته
ثالثا . ضياع ألأنجازات فى متاهات القلوب الكارهه لسدة الحكم عامتا
رابعا . أنتقال الحال من سوء الى أسوء كان له تأثير كبير على الشعب
خامثا . عدم الصدق فى أى خطه تم وضعها لحل مشاكل مصر الكثيرة
سادسا . المصادمات مع المعارضه ومصادرة الحريات والتمسك بالراى
سابعا . ألأنفراد بالرأى وعدم أللأنتباه وأللأستماع للرأى الآخر ومصادرتة
ثامنا . ألأصرار على عدم تعديل الدستور وكأن الدستور ملك للرئيس فقط
وأخيرا أثوء خطوه ستمر بها مصر وربما تحدث مشاكل جمه من جراء خطوة التوريث
التى ستؤثر بالسلب على مصر كا كل وربما ترى قلاقل ومشاكل الله أعلم بمداها وهذا
هو رد فعل لخطوة خاطئه بكل المقاييس لن تحسب للرئيس بل ستمحى تاريخه بالكامل
"""""""""""""""
حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

لى عينان

لى عينان

نعم كل منا له عينان ولكن تختلف الرؤيا والنظر الى الأشياء
فعينى اليمنى مثلا ترى ألأبيض وعينى اليسرى ترى ألأسود
العين اليمنى لا ترى غير طفل يلهو غير عابىء بالأحداث الدائرة
حوله وترى ألأهرام شامخه شاهده على التاريخ وترى نيل يجرى
بأمر الله ترى شيخ جليل يجلس فى زاوية يقرأ فى كتاب الله ترى
تلاميذ بمرايلهم وكتبهم فى طريقهم الى المدرسة ترى زهور تتفتح
رغم ألاشواك ترى بنى يبنى ويعلى بسواعده البناء
أما عينى اليسرى حدث ولا حرج ضعفت ولم تعد ترى شىء وبعد جهد وعناء
وتركيب عدسات وعمل نظارة فى محاولة منى لترى بصيص من ألأمل ألأبيض
إلا أنها أبت ولم ترى غير صورة رجل بلغ من العمر أرزله ولم يعمل شىء
لآخرته وحكومة صاحبة خطط مكسرة يصعب أصلاحها لا تقدم ولا تأخر وأموال
تنهب وأعراض تنتهك ونفاق داير وتعليم يترنح وصحه فى حالة أغماء وتجارة
كلها غش وصناعة معطله وناس سايقه الهبل على الشيطنه وتركين مصالحهم
وباءت كل محاولاتى بالفشل لمحاولة علاج عينى لترى ولو بصيص أمل ولكن
بلا فائده
وأثناء مشاهدتى للأحداث لمحت عينى اليمين شوية ناس فيهم حرارة أجساد
وغيرة فوجدت نفسى أندفع نحوهم أحتضنهم وأنا أردد ما تيجوا نعمل حاجه
..............................................حسن عمران
*************
www.dastor.net
omran55.blogspot.com
dastor76.blogspot.com
omran55.maktoobblog.com

أنا الشعب

أنا الشعب
يا مصر قومى صحى النوم
شوفى مين بيحكمك
حاكم من آل فرعون
كل يوم بيهزمك
لباسة عظمه وجنون
ويقول أنه معلمك
شوفى قليل ألأصل الدون
نسى أنه بيكلمك
أصبر عليا نقوم م النوم
وأحنا راح نشكمك
أنا الشعب بعرف أعوم
وتغرق أنت بركبك
النهارده تسجنى يوم
بكرة أنا حسلسلك
أوعى تظن الحال بيدوم
ولا علوم علم الفلك
كل ظالم مهما على ليه يوم
هذا كلام رب الملك
لا عنده غفله ولا نوم
داخل القبر بمكفنك
عملك عريان من غير هدوم
لا سلطه ولا جاه ينفعك
وزنوبك كتاب مليان بالكوم
فين اللى حيشفعك
تبات الليل قلبك حزنان مهموم
من خوف الموت يصرعك
فى يوم لا ينفع مال ولا بنون
اسأل عقلك يرجعك
تفوق وترجع حقوق الظلومين
يمكن التوبة تنفعك
************
www.dastor.net
omran55.blogspot.com
dastor76.blogspot.com
omran55.maktoobblog.com

كان ليا جد ما بيعرفش يعوم كل ما يلاقى ترعه ينط فيها

كان ليا جد ما بيعرفش يعوم كل ما يلاقى ترعه ينط فيها

كان ليا جد ما بيعرفش يعوم كل ما يلاقى ترعة ينط فيها وأحنا ننده على الناس
ألحقونا ألحقونا لحد ما ييجى واحد يطلعه لحد ما جه يوم نط جدى فى الترعه
وقعد يبقلل يبقلل وأحنا ننده لحد ما غطس ما طلعش ومات

جدى كان عايز يعلمنا العوم وهو ما بيعرفش العوم وعايز يفهمنا أنه بيعرف
كل حاجه وهو ما بيعرفش حاجه هو جدى كنا بنسكت لكن دى كانت نهايتة
لآنه حاول يتمسك ولم يعلم بأننا ممكن أن نتعلم العوم ونصبح أبطال فى السباحة

حكاية جدى تشبه الى حد كبير تمسك الريس بالحكم بالرغم المركب انخرمت وبتسرب
ميه من كل الجوانب ومع ذلك متمسك بالدفه وأيده بترتعش كل اللى جنبه أول ما يلاقوا
الموج على وجه على المركب طوفان الشعب سيقفزوا جميعا ويتركوه يغرق مع المركب

ويا ساده يا كرام قصة جدى عبرة لمن يريد أن يعتبر ونصيحه للريس أستقيل
أحسن الفه بدأت تهتز والمركب بوشك على الغرق
......................................حسن عمران
www.dastor.net
omran55.blogspot.com
dastor76.blogspot.com
omran55.maktoobblog.com

شيلاة يا أبو حصيرة

شيلاه يا أبو حصيرة

مثلما يفكر اليهود ويمكروا فنحن نفكر ونمكر ايضا ولكن الفرق بيننا وبينهم إننا على حق
وهم على باطل كما جاء فى كتاب الله

وللتوضيح هذا المسمى أبو حصيرة ما هو إلا حجه يهودية لوضع لوضع قدم دائم وأتصال
دائم بمصر وللعلم هؤلاء اليهود لا يأتوا على حسابهم ولكنهم يأتوا على حساب منظمات
يهودية وبرعاية الموساد الذى يبارك مثل تلك الخطوات لأنها من صميم عمله ومدام ألحصيرة
مفروده والحاج قاعد على الدكه وخايف عليها ليخدوها ويضيع الميراث منه فلا بد من شوية
تنازلات ووضع قدم مصحوب بشراب وفردة جزمه لليهود فى مصر ثم بالله عليكم حد يعرفنى
مين أبو حصيرة ده هل هو من قوم سيدنا موسى ولا من أهل الدعوة ولا مستحماش ومات
محصور

ياأهل الحكومه لموا الحصيرة قبل ما تبقى سجاده وأتقوا الله فينا
----------------------
شيلاه يا أبو حصيرة
....................................................حسن عمران
**************
www.dastor.net
omran55.blogspot.com
dastor76.blogspot.com
omran55.maktoobblog.com

حتى انت يا أبو النجوم

حتى أنت يا أبو النجوم

25 سنه مرت من عمرنا ونحن فى الواقع نحسها وكأنها قرن من الزمان إلا إن
غصه القلب وسوء فترة الحكم تجبر المرء على أن يحتفظ بأشياء مره فى حلقه
ومثبته فى ذاكرتة وذاكرة تاريخ مصر
25 سنه ذهبت والجراح لازالت تتفتح وترفض أن تلتئم جراح ملايين من قلوب المصريين
توجعت ومثلهم يندبوا حظهم العاثر وملايين العيون تبكى نصيبهاا وتشكوا لله أمرها
وبعد تلك المآسى تأتى الرياح بما تشتهى ألأنفس فقد طالعنا الدكتور /عادل عبد الرحمن
صاحب نظرية ألأكواد الرقمية والملقب ب أبو النجوم
والتى أشارت له بأنه سيحدث تغيير وزارى لأربعة وزراء فى مصر ولم تمس تلك النظرية
حسنى مبارك وولده
قد ايه القسوه شديده علينا حتى فى البخت والطالع
ألأمر لله ...كذب المنجمون ولو صدقوا
ما بين طرفة عين وأنتباهتها يغير الله من حال الى حال
***************
يا كاشفه الغيب والبخت فى الفنجان شوفيلى الطالع
طريقى كله حفروسدود وحواجز وواقـــف مش طالع
قالتلى العرافه قدامك سكه سفر تمشى وتعبر وتطالع
أول كيلو متر سقط فى حفرة وقالوا مات ومش طالع
***************
www.dastor.net
omran55.blogspot.com
omran55.maktoobblog.com

ليس العيب فى مبارك..............يا سلام

ليس العيب فى مبارك.........يا سلام

العيب كل العيب فى الراجل اللى بيوصل نبض الشارع للرئيس لأن مبارك
راجل بيحس وبيشعر زى كل أنسان وراجل عنده زوق ودم

لأن لو هذ الرجل قاله يا ريس الشعب مريض وتعبان وحاله ما يسرش كان
الريس قدم أستقالته
ولو أن هذا الراجل قاله يا ريس البلد أتملت بطاله وفساد ورشوة وتسيب كان
الريس قدم أستقالته
ولو أن الراجل قاله ياريس حالة التعليم ما تسرش والفقر ذاد عن حده كان
الريس قدم أستقالته
ولو أن الراجل قاله يا ريس أن الشعب فاض بيه وعايز يغير الدستور كان
الريس قدم أستقالته
لأنه راجل بيحس ويشعر بنبض الشارع وعنده دم

لكن الراجل فى الحقيقه بينقل صورة مغايرة للأحداث وبقوله الشعب بيحبك
يا ريس الناس كلها أتعشت ونامت والعيشه معدن وكل البلد صحتها كويسه

فلذلك أنا بقترح على الريس أن يتخفى وينزل ألى الشارع ويسمع بودنه ويشوف
بعينه الناس بتقول عليه أيه بس المهم ما حدش يعرف شخصيته ومن باب ألأحتياط
ياخد حرس زياده ويقفوا قريبين منه لأن الناس لو عرفته أنا مش مسؤل على اللى
بيحصل عل وعسى يجى الفرج
*******************
www.dastor.net
omran55.blogspot.com
omran55.maktoobblog.com

أقوم م النوم أنام تانى

كل يوم أقوم م النوم أنام تانى
أمسك جنابى ألقى جنابى مألمانى
كل عظمى مكسر وركبى وجعانى
وودنى خلاص أنسدت م السمع يانى
كل هموم الزمن أتجمعت ومحصرانى
فقر وبطاله وفساد ليه كده يا زمانى
ودستور نحاول نعدله يعوجوه تانى
رحت لطبيب مداوى يكتبلى دوا تانى
قالى دواك مش هنا ولا هنا عنوانى
عايز تخف م الوجع وميرجعش الألم تانى
سد ودنك م اللى بتسمعه كليبات وأغانى
سيبك م اللى يقول يا حمار وهيفا وآه يانى
وعيش أسبوع ما تشفش صورة الريس
وأنسى كلامه وطلته وأسمع حليم من تانى
حتلاقى نفسك شفيت ورجعت شباب من تانى
*****************
يامصر يا صابرة على الزمن واللى أتجوزوكى
لو كان يعرفو قيمة عظمتك لأنحنوا وأحتراموكى
ألأصول يسألوا على ألأصل وبعدين يخيروكى
أشرفلك تطلقى ماللى ما قدرك وترجعى بيت أبوكى
*****************
يا شايل هموم الناس والزمن مين يشيل همك
عايش دنيتك فى حب الناس ولا شىء همك
الظهر تتغدى ومن غير عشا تنام ولا يهمك
تعيش تدافع عن حياة الناس وتموت مع همك
*****************
عجبى على بنت ناس أصيلة باعوها لخسيس
من اول بداية الطريق أنكشف و بان الخسيس
من بعد عزة نفس وكرامه حب يوطيها الخسيس
بكرة يتبدل الزمن تفضل هى أصيله ويموت هو خسيس
*****************
يا عم يا اللى صارف فلوسك على الحشيش ليلا تى
وتقول أصل كيف المزاج بينده علي اللى زى يا آتى
يا عم كيف مراتك والعيال بيناموا فى الهموم ليلا تى
لو كان كيف المزاج بيفيد كان خلى ألأعمى ساعاتى
*****************
أيه يفيدك يا مغرور لما على الناس تتعالى
وكل واحد يدعوك تجيله تقوله لا أنت تعالى
النهار ده كله ليك وبكرة الناس عليك تتعالى
لو كنت عارف إن الزمن غدار ما ف يوم تتعالى
**************
يا مصرى يا شارب الهم والغم وبايت فيه
نفسى فى يوم يفرح ويبتسم والخير يجيه
كريم بشوش وأبن نكته وقلبه الحزن ماليه
سنين عايش مآسى وصابر أتكلم ساكت ليه
************
www.dastor.net
omran55.blogspot.com
omran55.maktoobblog.com

لو ظهر هلال رمضان وأحنا فى وقفه عرفه نصوم ولالاء

يا أهل مصر مشايخ قساوسه مثقفين معارضين عمال فلاحين طلبه أطباء مهندسين

مصر تتفكك وسنفقد مقومات الدولة وسنصبح فرق وقبائل لو لم نأخذ مبادرة جاده
لأيقاف مسلسل الفساد ومهزلة التوريث والنظر الى فجر جديد لمستقبل مصر كلها
وهذه دعوة للتنسيق بين احزاب المعارضة والحركاته المصرية الساعية الى المستقبل
للقيام بعمل أعتصام الجمعه وشل حركة مصر كلها لمدة ساعتين أو من بعد صلاة الجمعه
الى صلاة العصر نعتصم على ارصفة الشوارع العمومية القريبة من منازلنا بدون عنف
مع كتابة مطالبنا ليراها العالم كله والتى فيها خلاصنا كلنا وضمان مستقبل أبناءنا والتى
تنحصر فى ثلاث بعدها نفكر فى الباقى
************
أنتخاب رئيس من بين عشرة مرشحين
قصر مدة الرئيس على مدتين فقط
عدم ترشيح أقارب الدرجة ألأولى قبل أنقضاء مدة قانونية على ترك الحكم
**********
هذه المطالب لن تجعل فى مصر فساد ولا سرقة ولا عدم تنفيذ خطه ولا راجل
يحكم ويصاب بجنون العظمه وسوف تتضح أمور الظالم أولا بأول قبل أن تتفاقم
المشاكل وتزيد بعدها يتم أعادة صيغة الدستور المصرى ليتوافق مع هذا العصر
************
أرجوا تحديد الجمعه عن طريق التنسيق بين الحركات المعارضه وأحزاب المعارضة
وحركه كفاية
**********
مش كفاية أنك تقول للغلط..........بس كفاية
مش كفاية أنك تقول للناس........خليك معايا
مش كفاية أنك تقول للظالم..........ليك نهاية
مش كفاية أنك تقول لكل حر........ردد غنايا
مش كفاية أنك تقول للكل لا........ بس كفاية

الكفاية أنى أوضع حد ..............لكل نهاية
الكفاية أنى أنظم مسيرة........وملايين معايا
الكفاية أنى أقوله أرحل.............دى البداية
الكفاية أنى أقول للوطن .........عينى ومنايا
الكفاية انى أقول كلنا..............حركه كفاية
*************
لا تنسوا ثورة الرصيف
*****************
www.dastor.net
omran55.maktoobblog.com

السباحه من غير هدوم

السباحه فى قلب الساحه

* تعامل حسنى مبارك مع التعديلات الدستورية ومراوغته فى اختيار البنود المطلوب
تعديلها يذكرنا بقصة اليهود عندما طلب منهم أن يذبحوا بقرة
ورفضه لباقى البنود يحسسك بأنه من المعمرين سيحكم مصر 25 سنه أخرى
لكل شىء نهاية ..............................الله المستعان
------------
* أعدام صدام نهاية طبيعية لكل حاكم ظالم والمعروف بأن صدام عاث فسادا فى ألأرض
ولم يرحم أحد . ولكن توقيت أعدامه فيه مخالفه للشريعه ألله لأن هذا اليوم يكون فيه الفداء
بكبش وليس ببنى آدم وهذا خطأ كبير
لكل شىء نهاية...............................يا ولاد الشيعه
-----------
* رفض علماء ألأزهر للمؤتمر الذى عقد فى أسبانيا تحت مسمى التأويل الذكورى للشريعه
ألأسلامية والقرآن الكريم يدل على أن ألأزهر لا زال الحارث ألأمين على ألأمه السلامية وأنا
بقترح على الشيخ الطنطاوى عمل عقد عمل فى مسجد شرم الشيخ وهى كلها مشيخه
لكل شىء نهاية..........................مسا الخير يا مشيخه
-----------
* كل المؤشرات والدلائل تقول بأن نظام الدوله فى مصر يتفكك نتيجه حكم خاطىء سياسه
فساد وأفساد أنهيار فى البنية ألأساسية للمجتمع وتفكك فى ألأسرة المصرية التى هى اللبنه
ألأساسية لبناء الدوله والمخالفين يقولوا بأن المصريين فى رباط وتماسك وقت الشدائد
هذا كلام جميل ولكنه يتوقف على مدى التمسك بالدين والعقيده
لكل شىء نهاية.............................لكى الله يا مصر
------------
* أربعه لا تجدى فيهم النصيحه . مثقف مغرور .أمرأه جميله . شاب مراهق . غبى لا يفهم
للأسف كثر بينا المثقف السطحى الذى يمتاز بالغرور. ونتيجه الهبل الجنسى بدل من المثل
القائل إن عشقت أعشق قمر ألآن القرد بقى غزال أما الشاب المراهق فى هذا الزمن ليس
له عمر فتارة تجده فى العشرين وتارة أخرى تجده فى الستين أما الغبى فا اصلا مش عايز
يفهم لأنه ببساطه لو فهم وشاف أفعال الحكومه حيطق يموت
لكل شىء نهاية......................ولا مالوش
------------
* تعلن منظمة سانتا بوش المحدوده أنه تقرر ألغاء كلمه عيد سعيد وعيد ألأضحى وبعوده
ألأيام . وأستبدالهم ب هابى نيو يير وميرى كريسماس
ونعلن عن فرصة الحج العام القادم فى لندن سهرة واحدة أختصارا للمناسك
لكل شىء نهاية..........حسبنا الله ونعم الوكيل
----------
***** لا زالت فكرة ألأعتصام على أرصفة الشوارع العمومية بعد صلاة الجمعة حتى صلاة
العصر بدون عنف قائمه بالتنسيق بين المعارضة والحركات الشجاعه مثل كفاية وغيرها وذلك
ليتعرف العالم على مطالبنا التى تحل كل مشاكلنا اليوم وغدا
أنتخاب رئيس من بين عشرة مرشحين
تحديد مدة الحكم بمدتين فقط
عدم ترشيح قريب الدرجه ألأولى قبل مرور مدة قانونية على ترك الحكم
هذه مصلحه مصر اليوم وغدا وكشف المستور
-------------
www.dastor.net
omran55.blogspot.com

الفساد زاد وغطى وبالمصيبه نستغطى

الفساد زاد وغطى وبالمصيبه نستغطى

الفساد زاد وغطى
والمصيبه نستغطى
يالا ناموا نوم عميق
وأحلموا بدستور غريق
لما تتفكك بلدكم
وتبقى يا مصرى فى بلدك غريب
يحكمك داود وخنتوا وكل سلاله القرود
قاعدين لا بينا وعلينا
طلع علينا بسلامته
فرعون مصر الجديد
بدله غربى قال لقمته
آه يا قمته البليد
فكره أننا بيبهات
حيدى كل منا بنبوناية
قال حينمنا بسكات
هينا هو يالله ننا
لما لاقانا جدعان خشان
قاله هات ياالله هاتلى
يابو العزايم
هاتلى دستور الحثاله
راح أعدل فيه بنود
بس على كيفى وراسى
اللى عايزه يكون مفيد
ليا ولبنى وناسى
واللى تابع لليهود
و أنت عارف شعب مصر
جوه راسه مليون عنيد
برده أنا ليا راسى
واللى أقوله هو ماشى
ثم قلى أمتى كنت يامصرى
بتهتم بتغير البنود
أنت من سلاله خضر
تسمع وطيع البنود
أما أنا سلاله ماده
جذورها لأجدادى اليهود
تجيب طالون يجيبلى بيبرس
ولا ناصر برده قاعد
فوق جنابك على الحدود
مش حغير مش حبدل
أبنى وارث حكم مصر
زى ما قالت ألأساطير والعهود
أنت فاكر فى قلب راسك
مخ بيفكر يا مصرى
فول بتاكل وكل فكرك
أزاى تحشش ولا تجرى
ورا ست ماشية فى حته ضلمه
ولما تشوف مصيبه تجرى تتفرج عليها
وكل واحد م المعاضه
جاب معارضه علشان تعارض
المعارضه اللى جنبه
بلطجه فى كل حته
كل واحد عامله شله
لو جمعناكم صف واحد
جمع واحد فجأه
يقوم فيكوا واحد
يحكى كلمة
مش تجمع لا تفرق
راح تقوم ما بين الجمع عاركه
اللى يحكى انه ناصر واللى قال م التجمع
والشيوعى واللى شاف ناس بتهتف
قال دول بتوعى عشان تبقى لمه
ومرة تسمع صوت مجاهد م المعارضه
والحكومة واقفه تضحك ع المعارضه
والشيطان عمال يوذ فى المعارضه
يالله عارضوا يالله عارضوا
كل واحد فيكوا جمع م المعارضه
أوعوا تتجمعوا ف كتله واحده
تكون معارضه للحكومة
لحسن تتحق احلامكم
وتقوموا قومه
""""""""""""
www.dastor.net
omran55.blogspot.com