..يا عاشقين الوطن / عشق الليالى المستحيله / يا مكحلين الرمش وسط اليالى الكحيله / يا محرومين ياللي دموعكم نزيف للمجروحين / أنا عطشان كلام وكلى جروح / عايز أصرخ بصوت عالى / وأقول آه م الوجع اللى فيا..يا عاشقين الوطن / يا مطحونين /يا حالمين ببكره /يا مجروحين م الزمن / يااللى أملكم تاه/ ياللى عيونكم دموع / وملامحكم آه /يا ممنوعين م الكلام / ومن كل قوله آه/ أسألوا أهل الهوى/ ليه ناس بتضحك / و ناس قلبها ع الوطن حزين بيصرخ من قولة آه
يا عاشقين الوطن / عشق السما الصافية/فى عيونى /آه يا لو نك فى أول طلوع يومك / تبارك الخلاق/ شمس الأصيل ترسل سلاسل دهب يا نيل
/ والكل يسعى سبحان الرزاق
يا عاشقين الوطن كل الوطن مجروح / بس نداوى جرح تتفتح تانى جروح / خايف أنا ع الوطن يزيد عليه الألم / ويموت من الجروح / يا عاشقين الوطن يا عاشقين الروح / يا محرومين م الآه يا محرومين م البوح / ليا سؤال عندكم / الأولى أن تصرخوا / ولا يموت الوطن مجروح
يا عاشقين الوطن / يا عاشقين الروح / ياللى شايلين الهموم طول ما الوطن مجروح / يا اللى صابرين على الألم / بكره الألم حا يروح / أشكى لمين همى طول ما الوطن مجروح / قولولى يا أهل الوطن لما الوطن ينجرح / فين بهمى أروح
عاشق ومغرم وولهان
يا عاشقين الوطن / عشق الحياة للموت / ياللى دفعته التمن / حرمان ودموع / أمانه يا أهل المحبه يا ينبوع / يا متغربين / يا حالمين بالرجوع / ليا سؤال عندكم / هو الوجع فى البدن ولا الوطن موجوع
عاشق ومغرم وولهان
عن أبي سعيد الخدري رضي الله عنه عن النبي قالأفضل الجهاد كلمة عدل عند سلطان جائررواه أبو داود والترمذي وقال حديث حسن
