يا شجرة الجميز هايشه على الفاضى ...

.. يا شجرة الجميز هايشه على الفاضى / لا طرحك يستر بلد ولا يملى بطن فقير فاضى / فى الليل يجيكى القلق م الخلا ومن خوفك تسقطى أوراقك / ولما يطلع عليكى النهار تتباهى بأغصانك / الأسم شجرة والهشاشة ف جوفك والخوف مربع م الأساس فى جذورك / تشبهى أمة العرب ف حدودك / تلقى ولاد العم ما وراهمش غير سيرتك ويقطعوا جذورك / أمه فالحه ف ...طولة اللسان / عمرهم يوم ما حرروا أرضك ولا وقفوا سباع على حدودك / طبعهم طبع الضباع عايشين فى خيفه/ تعض ديل الأسد وتعيش على الجيفه .......عجبى

معلم فحمه ....

كل مجاريح الهوا طابوا وأنا اللى بينهم فاضل / رحت لطبيب الغرام أشكيله من وجع الهوى واقله / يا طبيب أنا اللى م المجاريح فاضل / قالى كل الجروح بتطيب إلا جرح الهوى ما لوش م الدوا فاضل ....عجبى

معلم فحمه ..

.. يا اللى أنت بتقول على المكتوب بخت / سيبك من اللى يقول آه لو ليا ف الزمن بخت / نزلت سوق البخوت أشترى لنفسى بخت / رأيت تاجر البخوت بيدور على بخت / يا عين لا تبكى على اللى ما لوش بين العباد بخت / من كتر مر العيش عاش بلا ولاده/ مات غريب البلد يبكى على بلاده …. عجبى

معلم فحمه

..خربتى يا سياسة بعد ما الغشم فيكى كالو / الكل عامل فاهم ويحلف الوحى ف المنام جالو / قالوه / الواد بتاع الطماطم بصاص والعمده بقى خالو / لو كانت السياسه قفص لا الكل وطى وشاله ….عجبى معلم فحمه ….

عطشان يا وطن حرية / زى عاشق مشتاق مليان أشواق لغرام زمان وموهجته / مش زى أتنين حبيبين فى لحظة فراق على المحطه تودعه بدموع وأهات حا يغيب هناك ومين يا رب يرجعه / علشان كده يا وطن شكوتى م العطش من كتر النواح والصوت ريقى نشف / من كتر ما ناديت ياللى فوق / عطشان أمل عطشان شوق عطشان حرية

معلم فحمه ….

.. يا صاحبى / لا يدوم زمن الممالك ولا زمن السلام / طول ما فيها ملوك وأمرا بيفسدوا / دنيا ما ليها أمان / يا صاحبى فوق وأصحى وأغتنم م الدنيا فرصة قبل ما يفوت الأوان / أركب حصان خيالك وأطلق ليه العنان / وأدخل بطرف عينك وشد على رموشها اللجام / دنيا فانية / أوعى تندم / كل ما فيها هالك / قول على الدنيا السلام .....عجبى

معلم فحمه ...

أنا مين ....

أنا مين
أنا اللى راح من عمرى سنين
أنا المشتاق أشواق
أنا اللى كلى حنين
يا ريت تشوفى لونى يا مصر
ونيلك راويه
وأفتحى قلبى يا مصر
حاتلاقى أسمك فيه
هو اللى زيى يا مصر
فين يهرب وطينك مغطيه
أنا البنا يا مصر
و أنا المناول ليه
أوعدك
كل اللى أنهدم فيكى يا مصر
بكره راح أبنيه
وتقولى ابنى عزوتى وعشمى كدا فيه
من ...كتر خوفى عليه
شيلاه جوه عينى وبرمشى أغطيه
ندر عليا يا مصر والندر أوفيه
لو مس ترابك عدو
أنا كفيل بيه
وإن مت فداكى يا مصر
دين بوفيه
ومهما ييجى من أعادى
غيرى كفيل بيه
وأبنك مهما يبعد
يعود
وبالأحضان تاخديه
/ من غير كلام عتب
حقك عليا فيه
هو اللى يضيع وطن
فين يا مصر يلاقيه
---------
معلم فحمه .....

أنا بعشقك وبعشق الملاغية

...أنا بعشقك يا مصر و بعشق الملاغية / كل يوم الصبح بصبح مليون صباح وعليهم مية / عملت صياد سمك رميت الشبك على بنت بلطية / لقيت نفسى أنا اللى أتشبك فى الشبك / ودايب ف حبها هيه / يا اللى أنت حبيت وعشقت مصر / سيبك م الناقص وقليل الأصل / دا عشق مصر يساوى فى سوق الدهب / مليون على ميه

معلم فحمه.......

يا مصر حاسبى على أهلينا

يامصر حاسبي على أهلنا
ـــــــــــــــــــــــــــــــــــــــ
يا مصر حاسبي على أهلنا م الحرمان
واوعي قلبهم ف حضنك الغالي يوم يتهان
معقولة يمصر فيكي بيتسرق حلمهم
ومعدش لطفل بريء في الحضن بر أمان
...
يا مصر قومي بقا كفاية هدّنا نومك
قومي يمّه و ع الظلم طلّعي جنونك
مهوّه عمره العقل ميدوس كرامة بلد
ولا يرضى الدّيابة ،تنهش ليوم الدين في الولد
يمّة و اوعي تخلّي الظلم سايد طول الأمد
...
قومي يا أم النّاس و ضمّدي جرحهم
وطبطبي على عمر ضايع أحسن يتوئد حبّهم
ويا مصر اديهم من حضنك الغالي و لو عشّه
وخلّي العيال ،ترضع حنانك و تتعشى
وطبطبي على أم فيكي قضت عمرها يا أمي غلبانة
عيالها يا حجّه ف حضنها وف حضنك الغالي أمانة
ومش تقبلي للغاليين فيكي يمصر أي اهانة
...
يا مصر و ادعي الكريم بكرا يمصر تتصلّح
وتشرق عليكي يمصر شمس ف عدلها تتمرجح
ويّا العيال،ومش عارفة تلاعب مين فيهم
وطول الليل ،يفضل نجمها ساهر يداديهم
...
وهتوزعي عدلك على كل العيال يا مصر
لحتّى نقول العدل فيكي صبح ف يوم و ليله قصر
يا مصر يا شمس الأصيل،بكل عدل و حنان جودي
واخطفي قلوب الورد لحضنك،ولحضني بقا عودي
وردك الغالي يمصر بقا مشتاق يتزيّن
تعالي قوام و زيّني بقا ورودي
يا جنّه و جنينة يمصر،
يا أم ولاّده،
يا كلّ الحياة فيكي ،
يا جنّتي ،
يا ارضي و جدودي.
ـــــــــــــــــــ
بلدي مصر و بحبّها

تحياتى / معلم فحمه

وطنى .........

وطنى ظل تجلى فى كل مدارى

وسر يخجل منى ويتكاشف من فرط

خيالى

فيه أساطير توالت وملوك تناثرت

كما تتناثر زهرات الورد على

الرمال

وممالك أخذها الهوى فبقا ئها فى

الدنيا ضلال

فا إذا أخذتنى سكرة الموت غريبا

أرى الوطن ينادينى تعالى

اغيب عن الوعى فى غفوة

وأعود فا أدرك معنى الرحال

أسافر كا الطير فى سما الدنيا

ينادينى

أعود اليه قبل الزوالى

وطنى اراك فى عينى تنجلى

ومن جلالك أستمد جلالى

فا إذا أدركنى الموت فا معزرة

فا أنت يا وطنى رهن خيالى

ابوح لك من فرط حبى

فا أنت سرى

والله عليم بالأسرارى

*****

معلم فحمه…..

رسالة الى زوج نفرتيتى ........

رسالة الى زوج نفرتيتي

ـــــــــــــــــــــــــ

شفت العيون في قلبها

ذات العيون

حكيت حكاية حبّها

بالف لون

صورة و رسمت سرّها

بأحلى الفنون

وعشقت سماها و أرضها

عشق بجنون

،،،

خليها ساكنة و حبّها

مالي الغيوم

وطمن بناتها و اهلها

وطمن لها قلب الحبيب

اخناتون

،،،

وطمن كمان قلب مصر

وقلها

عمره ما تم

أسرها

في اي عصر

وعمره ما تم ذلها

في اي يوم

ولا ممكن يكون

ولا تجري دموعها في قلبها

جوه السجون

انسانة و نيلها ضمها

وعمره

موتنا ما هزّها

ولا هيه تخون

،،،

نيلك يمصر

بكره هيخطف ودها

بقلبه الحنون

وينده عليها

ويهمس لها



يا أم مصر

يا عز مصر

يا حب مصر



وقلبه هيرقص وقلبها

واغلى طرحه هيجيبلها

وبكره البلاد و كل البلاد

هتغار من حبه لها

واغلى النجوم

ـــــــــــــــ

بلدي مصر و بحبها

على تواصل

معلم فحمه …..

بحبك وبعشق المجاريح
ودايب فى الغرام عشرة
مجذوب
وغاوى عشرة التباريح
وأجمل ما فيكى الجيرة والعشرة
ولما تيجى لحظة التصاريح
أبوح
هو اللى حبك
عمره ما أشتكى شدة
جوة القلوب محفورة بالأزميل
وأسمك منسوج علم ف الحته
وزى ما قال صاحبى
وباح بالتصريح
مداح وحافظ للتواشيح
داير فى البلاد دوره
مهما أأول فيكى من تصاريح
عشقك فى الكلام قو...له
لما بشوفك دنيا فيها تفاريح
القلب يعشق م عيونك نوروه
-----------------
معلم فحمه ......