سياسة الكلام وكلام السياسه

سياسة الكلام وكلام السياسه

تبدأ السياسه عندنا فى مصر من المهد
الطفل يسايس أمه ليحصل على الرضعه
والولد يسايس أبوه ليحصل على المصروف
والتلميذ يسايس الأستاذ ليحصل على الدرجات
والرجل يسايس زوجته ليحصل على رضاها
والموظف يسايس مديره ليحصل على الترقية
وعندما يختلفوا تجد الآتى :
الطفل يحرم من الرضعه ويتم فطامه
والولد يحرم من المصروف ويطرد من المنزل
والتلميذ يختلف مع الأستاذ ويرسب
والمرأه ترفض أرضاء الزوج فا تطلق
والموظف لا يجيد النفاق فا يهبط درجه
لذلك الشىء الأكيد فى السياسة ليس لها مبدأ وتعيش بعدة أوجه فلا تأمن لها
فهى منحرفه ودايره على حل شعرها وكل يوم بحال .
والمعروف عن السياسه أنها ذات مصالح متعدده فهى تتجه صوب مصالحها بغض
النظر عن المبدأ .
فلا تتعجب عندما تشاهد أو تسمع أن أصدقاء الأمس أعداء اليوم ولا تندهش عندما
ترى الحال تغير الى 180 درجه فا إذا نمت وحلمت بالسياسه فيا ويلك ستأتى لك
العديد من الكوابيس وتشاهد فى منامك أشياء مرعبه ناهيك عن أنك تجد نفسك فى
الصباح تارك السرير وواقع على الأرض أو مصاب بخدش أو جرح جراء الحروب
التى أندلعت فى حلمك طوال الليل فا أرجوا يا صديقى أن تترك همومك قبل أن تذهب
لنومك وياريتك تحلم بخروف مشوى أو سلة فواكه أفضل 100مره من السيياسه

--------------------------------
خلص الكلام وحان وقت العمل
حسن عمران

مش حا تقدر تغمى عينى

لف أيدك حوالين رقبتى

واضغط لحد ما يغمى عليى

وعلى حيطان زنازيك لفوق

وجيب كلابك يحرسونى

زمانك رايح وبكره جيى

وغمى عينى للآجل ما تشوفش الحقيقه

وحط أساورك سلسال فى إ يدي

وأربط سلاسيلك فى رجلي شويى

واقلق منامى بصوتك الشجى

وأضرب فى جسمى بسوطك

وخلى الدم منى ينزف شويى

برده مش ساكت

حطل براسى من باب زنازينك

وانده على الناس يبصوا عليى

وبأعلى صوتى حا أنده عليهم

أسمعوا غنوة الحر الأبى

هو اللى زى بيعرف يغنى

غير كلمتين اسمع يا خى

بحبك يا مصر

يا مصر بحبك

يا ريت الحسيس يفهم شوى

إن الوطن غالى عليى

وعمر الدم ما يبقى ماى

مين حكمك تحكم على

عمر الخسيس ما يبقى قاضى

ولا نوره ينور بيت فى حى

مهما حلف وقال كلام

مش حايصدقة م الالف حى

ساعة رحيلك قربت يا خى

ويوم وداعك الذكر جى

نقول دا مات وآلله حى

وبعلو صوتى أنده عليكى

بحبك يا مصرهو رايح وأنتى جى

---------------------

خلص الكلام وحان وقت العمل

حسن عمران

Omran55.maktoobblog.com

Omran55.blogspot.com

badralnhar.maktoobblog.co

mdastor76.blogspot.com

عليا الحرنكش كلام مش تمام

عليا السلام عليكوا السلام

عليا الحرنكش كلام مش تمام

حقول المفيد نهاركم سعيد

الريس خربها وآخر تمــام

عمل منها عزبه لآهل المقام

مشكل وزارة عقولها حجارة

تشرب الخمرة وتقولك حرام

ممنوع التدين ممنوع تصلى

خليك فى الطراوه علشان المدام

لما يدلع ابنه ويقوله يا نونو

ملايينك ياأبنى دى مش حرام

البلادى سايبه ومالها صاحب

احنا بيها اوله علشان السلام

حاكمها مؤبد انا فارس همام

حا احل الوزارة واشكل وزارة

واحطك يا ابنى رئيسهم كمان

ياشعب الحضارة عملى فيها غارة

حتاكل بصارة عليك السلام

نام واستغطى واحلم ببطه

يمكن تجيلك وزه فى منام

ابعد عن المانجه وحاسب م الفراولة

يجيلك الحسحس تبقى مش تمام

يا عو يالى بتكذب علي ايه انت بتكتب

وطى حسك وطى لا يسمعك يغطى

يصحى على صوتك ويفوق من المنام

-----------------------

خلص الكلام وحان وقت العمل

حسن عمران

Omran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

أنتخبوا عمر أفندى رمز الكاستور

أنتخبوا عمر أفندى رمز الكاستور

أتانا الشتا عم الفصول كلها فلا تكن شجاع واهرب تحت الغطا
وتحصن يا ميمون بكمية من الليمون ولا تسأل بكام حتى لا تصاب
بالزكام وتعلى عنك الحراره وتحتاج لأستشاره وينخرم جيب الجاكته
من سعر الروشته .
ده حال المقتدرين اللى عندهم غطا أمال يا أبنى ياللى نايم فى الشارع
يا ترى عامل آييه ومين اللى حايغطيك وأوعى تفكر فى الحكومه وإلا ستبقى
طول العمر متعرى وانت يا عمنا ياللى قايم من آدان ربنا ساعى لرزقك
فى عز البرد يا ترى آيه اللى حايدفيك وانتى ياللى ساكنه بدروم أو سطوح
أو فى شقه ليها جدار مشروخ يا ترى حتعملوا آييه حتتغطى انتى بالغطا
و لاحتغطى العيال .
علشان كدا لازم يكون لنا مرشح فى الأنتخابات يحمينا من البرد مش
مرشح بينشع من كل حته ومعرينا وحا يموتنا م البرد
يبقى لازم ننتخب عمر أفندى رمز الكستور هو اللى حيكسينا هو
اللى حيحمينا م البرد
أمتى تعود لنا تانى يا أفندينا
----------------------------
خلص الكلام وحان وقت العمل

حسن عمرانOmran55.maktoobblog.com

Omran55.blogspot.com

badralnhar.maktoobblog.com

dastor76.blogspot.com

خرافونتـــــــــــــه

خرا فوته

خرافونته أشترى بوطه
يبطبط بيها فى الحته
وجاب أبنه معاه يلاعبه
وحط ف بقه نوفيخه ينفخها
وحراسه جنبه بالسته

خرافونته عمل فونته
وصل لودانه كلام
عمل بالوا فى الحته
خرافونته مش عارف
أنه متهالك الجته

خرافونته قام وأتنفض
حب يعمل لو كدا هزه
قال أندهوا النووى
يلفنا صاروخ وزه
نتكلم عليه كام سنه
ونروم بيه الجته

خرافونته بنى مصنع
شارك فيه أبو شفه
وقال خلاص حتشتغلوا
أنا جبت الشغل للحته
ولما آن أوان شغله
قطع جيوبه ميت حته
وقال بلاش المرادى
الخزنه مفيهاش ولا لبه

خرافونته عاش يبيع الوهم
لنا سنين فى الحته
وكل يوم تشوف ناس
قايمه قومه فى السكه
من غير كلام تيجى تيران
تناطح الناس فى الجته

خرافونته بنى مدرسه
يعلم فيها جهله
وجاب كام دكتور
يولدوا أمله
وفراخ تبيض مسلوق
وبقره تبستر اللبن
قبل ما يجى أوان حلبه
وجايبلنا علف كتكوت
يخليه من الكيلو سته

خرافونته عمل مشوره
وشوره مع حكشه
طلعوا بفكره تجنن
أسمها توشكى
قالوا حنزرع أرض
القمح فيها أطنان
ومن كتر أنتاجه
نكنسه بمقشه
وآدى النتيجه
العيش صغروه وغلى
والشعب مش لاقى
ألعن بقى فى خرافونته
ولا ألعن أبو توشكى

خرافونته بنى معتقل
يعتقل فيه الخلق
وكل من ربه دقنه
ووحد الملك
وصنع سلاسل حديد
يسلسل بيها راسه
ودار عساكره فى البلد
يلملموا فى ناسه

خرافونته مش عارف
إن النهاية قربت
والقبر مدفنه الجته
ما همهوش وقام ينام
آخر تمام مش هامه
وفاتح لنا الدكه
من غير حيا مدلدلنا العده
داروا العيال وأمهم
مفيش خشا يا عم
فضحتنا فى الحته
-------------------

خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

وطن الحواجز والسدود

وطن الحواجز والسدود
وطنى
لو كنت أسم
يبقى انت كل الأسماء
لو كنت كلمه
يبقى أنت أحب الكلمات
لو كنت نظره
تبقى أنت أحلى النظرات
يا دم سايل فى الوريد
متفرع فى شرايينى
يا شجرة متفرعه
جزورها ممدوده فى طينى
يا نبض قلبى
دقاته هى دفوفى و طبولى

ياوطن الحزن والفرح
يا وطن القلب اللى أنجرح
من غير ميعاد
جواك أعيش أنجرح
يا وطن الميلاد
ضاقت ولما أستحكمت
قلت أسافر أهاجر
من غير ميعاد
أطير فوق السحاب
تارك راحت البال
رايح لوجع البعاد
نصبرونقول القدر
كتب علينا البعاد
ونصبر على المقسوم
وأسألك يا نفسى لو كان عليا ذنب
أتوب وأعود

تجاوبنى نفسى وتلومنى
وتجيب عليا الملام
أقسمت
من اليوم يحرم عليا المنام
ولا أدفن راسى فى الرمل
ولا أعيش زى النعام
ولا عمرى أقول للظالم نعم
ولا احلم فى قلب المنام
ندر عليا يا وطن
أحكى قصتك
كل يوم ع الشات
بشهود عيان وشهود أثبات
وأنده مطرح ما رجلى تروح
باأعلى صوت
أنك يا وطن مجروح
من ولاد الغنم
اللى راكبينك وحاكمينك
وعاملين سلاطينك
آنده يا وطن الجروح
آنده بصوت مبحوح

يمكن يكون فيه ناس تسمعك
فى ليل مسكون
فى عز السبات
من وسط المقابر
من رحم الميتين
يمكن
يتولد لنا ناس تانيين
يكون فيهم ناصر 52
ولا سعد باشا 19
أو مصطفى 36
ولا عرابى الزعيم
ولا حتى نتجمع كلنا لوحدنا
زى يناير
لما خلوا مصر كعب داير
أفكرك
لما يومها الشعب قام
من أسكندرية لأسوان
وعمال المحلة
وأخواتهم فى حلوان
والجامعة عين شمس
والقاهره عامله أعتصام
كان يوم أرادة وملحمه
أنكسر ظهر النظام

النهارده يا وطنى
بدل ما تكون وطن الغريب
وطن السلاسل والحديد
وطن الأسلاك الشائكه
خلاص بقيت وطنى البعيد
وطن المشانق والمحاكم
وطن العبيد
وطن الوسية
وطن السيد
النهارده يا وطنى بقيت
وطن الحواجز والسدود
وبكره نعود
نطير فوق السحاب
وتانى نعود لوجع البعاد
لكن تبقى أنت يا وطنى
دم سايل فى الوريد
ومتفرع فى شرايينى
شجرة متفرعه
جزورها مغروزه فى طينى
----------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

يا ترى مخبلينا آيه يا 2008

يا ترى مخبلينا آيه يا 2008

---------------------------
واحد حيموت م الضرب فى قسم شرطه
ولا حملة أعتقالات فى صفوف الأخوان
ولا مصريين حتغرق فى البحر من أجل لقمه العيش
ولا مصرى توصل بيه الحاله يبوسوه ويركنوه جنب الحيطه
ولا واحد هدومه م الحاجه قصرت فقال دى موضه
حسنى برده حيقع فى أرابزنا
ولا حنخش فى متاهت أبنه
يا ترى مخبلينا آيه 2008

---------------------
حبس كام صحفى على كام مدون
ولا قضية التوريث وميزانية موعوده بالتفليس
ولا بانجوا وحشيش ولا حنشوف حاجه جديده
ولا خطه لزيادة أعداد البطاله
ولا موظف زهق فوقف على عربية فول
يا ترى حتزيد أجور الفنانيين ويصرفوها على الخمره والفساتين
ولا حيتبرعوا للأيتام زى الأوربيين
ولا كام بنت حاتتخطف وتغتصب
يا ترى مخبلينا آيه يا 2008

----------------------------
حنلاقى عيش ولا مش حنلاقى
ولا موته جوه قطر ولا بحر
حنرتشى ولا مش حنرتشى
حتجيلنا أنفلونزا الطيور
ولا حيتجنن البقر
اللى بيتعصبوا وبيقسمونا فرق وقبائل
وملل ودين
ياترى حاتصدر لنا كام فتوى
ولا كام تصريح م الكنيسه لئيم
يا ترى مخبلينا آيه يا 2008

-----------------------------
ياترى كام تلميذ حيقعودوا فى الفصل
ياترى كام عيل حينام فى الشارع
يا ترىحيستولوا على كام قرض
ويبيعوا قد أيه م الأرض
حنزور فى الأنتخابات ولا مش حنزور
حيفرقوا علينا فياجرا ولا لاء
ولا آيه ولاآيه ولا آيه
يارب ما نتجنن ونمشى نكلم نفسنا فى الشارع
أنا تعبان
وعايز عصير ليمون وعليه صودا
----------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

معنى الوطنية

معنى الوطنية

الوطنية
تعنى لينا معنى تانى
كلمه يسمعها قلبى
قبل ما تسمعها ودانى
كلمه جامعه كل شعبى
جوه وطن شكل تانى
الوطنية
مش دين ومله
ولا أبيض ولا اسود
ولا كانى ولا مانى
هى غيره
على بنت بلدى
وعلى جيرانى
الوطنية
غطا أتغطى بيه
علشان أدارى
أى عوره من سيقانى
مش بس كلمه
أنادى أقولها
وكل يوم معريانى
الوطنية
مش بس سلطه
ولا كرسى
ولا مجلس
تلاقى فيه
عضو نايم
وعضو قايم
والقرار لما يصدر
تلاقيه مخرم من جنابه
تفصيل
للمصالح ولجنابه
الوطنية
مش واحده ست
تخلع هدومها
جوه فيلم
وفى الحقيقه معريانى
ولا شفت وهى ماشيه
على البساط الأحمر
جوه بلادنا
وكل هدومها مفتحه
من كل حته
ومبينه اللحم الأبيض
للعيال
ولما سألنا دى وطنية
قالوا لا دا مهرجان
خليك فرى
الوطنية
مش شهامه أنك تبيع
حشيش وبانجوا
وتقتل كل بزره
طرحه يا بكره
شجرة أمل
الوطنية
مش تعيش العمر كله
وأنت ماسك كل حاجه
سيب شويه
خلى بكره
يمكن يكون
جايب معاه أى حاجه
الوطنية
يا أخونا مش كلام
وحاديت والسلام
مش نووى وزرى
وجيش أمنى
ماشى يحرسك
مش أعتقال
مش سلسال
مش كسر أيدك علشان بتكتب
كلمة حلال
الوطنية
مش بس دم ينزف فدا الوطن
ولا غنوه نتغنى بيها
ومش كلام
هى حاجه
مزروعه جوه قلبك
يوم ميلادك
تعنى ليك يعنى أيه
كلمة وطن
---------------------

خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

صعلوك غاوى حرية

صعلوك غاوى حرية
صعلوك
بيحب عيشت الحرية
والنوم فوق الرصفان
عنوانى
أى زقاق أو حاره
كل الشارع عنوان
ما علينا
غواص فى بحر الحرية
وبحب الفول والطعمية
والأكل عندى بنظام
واجبه واحده تكفينى
كشرى وعليه تقلية
لو نفسى راحت لللحمه
المعده على طول وجعانى
ودوايا الفول والطعمية
معرفش طعم الكفيار
ولا حته من كتف غزال
ولاحتى نايم بمخده
ولا بيبسى ولاحتى مدام
وأنافس أجدع فنان
أنا عندى ليلى وألهام
تصاويرهم شوفتها فى مجله
صعلوك غاوى حرية
تلقانى على أى رصيف
متزعم شبكة أرهاب
التهمه بنحب فى مصر
وجامعلى شوية أصحاب
بنكشف أسرار القصر
ومزعل آل السلطان
ومهدد التاج والعرش
ومكون حزب ملاكى
معارض لوريث العرش
صعلوك غاوى حرية
من قلة طولت ف دقنى
وأنا نايم ليله فى المسجد
الفجر أذن ونداهنى
قمت أضوده وأصلى
مسكونى ولاد الحرامية
أرهابى ومطول دقنك
ف الجامع وقت الفجرية
صعلوك ولبست التهمه
الباشا عايز يترقى
وضرورى يسددله قضية
صعلوك غاوى حرية
والنوم فوق الرصفان
الظهر
ع القطر مسطح
و كل الشارع عنوان
-----------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

قومى يا مصر

قومى يا مصر

قومى يا مصر
لاء متقوميش
شوفى ولادك
لاء متشوفيش
خلاص أنا حا أنقلك الصوره
السلطان عايش فى القصر
قصر كبير فى آخر مصر
والحرس حامى العرش
والحاشية على الجنبين
هى دى مصر
أيوه هى دى مصر
ولسه اللى جاى
الوريث مستنى لحظه
يمسك الكرسى بأديه
والرعية
ما بلاش تسمعى باقى الحكاية
عايزه أسمع م البداية
أنتى حره
الرعية ف مصر متقسمه
فيها ناس تعبانه وناس متبسمه
والجبين مليان عرق
حامدين شاكرين
والكلام كتير ما بينهم
بس على الورق
وفجأه تلقى وششهم متلجمه
لما عينهم تلمح
عسكر السلطان
ليه يا مصر
ما فيش أمان
والظلم مرسوم صور
والدستور
عدلوه وركنوه جنب حيطه م الحيطان
وأييه السبب
لقوه معيوب
وضيعوا الكتالوج
وباقى الرعية
فيهم ناس بتقع وهى ماشية
ضعف وهزال
وفيهم ناس ماشية تكلم نفسها
دول أصحاب العيال
تلاقى المدارس قربت
وفيهم ناس ثورجية
بتدن فى مالطا
علشان كدا ألشعب مبيسمعهمش
من زحمة الشوارع
وأصوات الكلاكسات
وتسمعى كلام ولا أنغام
أمشى يا حمار شوية
أركب عجله
مين اللى ركبك عربية
وفيه ناس مبرشمه
مش دارية
وفيه ناس متعبده
وناس متشرده
وأطفال بتنام فى الشوارع
والسلطان كبر
وعلشان كدا مش قادر
وبقى تابع
ومادد أيده ع الآخر
بيصافح القاتل
اللى فتح رشاشه فى سينا
على ولادنا
بس بس كفاية
آه وعندنا حركه كفاية
قلتلك بس كفاية
ما أنا قلت م الأول محكيش
طب وليه الناس ساكتين
وفين ولادى القضاه
وولادى المحامين
والكتاب والصحافيين
ورجال السياسه ورجال الدين
ما بلاش
لازم أعرف كل حاجه
كلهم فى السجون
السلطان علشان يورث
خلاص بقى مجنون
بسجن كل اللى بيكتب بالقلم
وكل اللى بيقول لا
ومبيقلوش نعم
والمعارضه
خايفه تخرج م البرد
فيه دور داير فى البلد
كله عطس
وأيه العمل يا ولاد
مستنين يجى نور
مين نور
دا فارس
حيحطم حيطان القصر
ويبنى لينا سور
يحوط عليكى يا مصر
ويرقيكى ويبعد عنك الشر
ويروح السلطان وزمن السلطان
وترجعى تانى تنورى يا مصر
--------------------
ملحوظة : نور هو كل فارس مصرى
--------------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

واقف فى الطابور أتمايل

واقف فى الطابور أتمايل

شويه أروح يمين وشويه أتمايل
مليت الأنتظار من حسنه وجماله
صهدك عما عنيا
ومالو
وعريقنا وأتبلينا
ومالو
وسخنا وأستوينا
ومالو
يا عزيز وغالى علينا
ومالو
يا أبن بلدى يا عيش
نص الرغيف بقى رده
أنا راضى
مليان حصه وكمان بودره
أنا راضى
وعليك كمان كام أشاية
أنا راضى
حتى لو مليان بهارات
أنا راضى
هو الفقير يا أخونا
صاحب العيال ليه خيارات
آجيب منين أملا بطونهم
رمضان خلص وخلص صومهم
ورجعت تانى لهمومهم
الست فى البيت قلقانه
لا عايز خس ولا ملانه
طالبه العيش بالتسعيره
أعمل آيه يا أنا دلونى
قربت أقطع فى هدومى
الفقر كالنى وكل قوتى
وحددوا ليا تاريخ موتى
بقى هى دى أم الدنيا
الهم عايش جوانا
والفرح ماجاش ولا ثانية
يا عم أرحل بقى عنا
وسيب بلادنا الغلبانه
وخد ديابك السعرانه
تعود بلادنا لأحضنا
والفرح يرجع من تانى
--------------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

جحر الثعابين

جحر الثعابين

هذا هو الجحر المثمى أنا بولس والذى أجتمع مبارك وألمرت
من أجل الترويج له
لكن السؤال المحير إذا كان مبارك متحمس للسلام وينبذ الحرب فما هو المبرر
الذى من أجله دفع بأبناء مصر فى حرب الخليج وما هو المبرر الذى من أجله
سيدفع بأبناء مصر فى حالة نشوب حرب بين أمريكا وإيران
أخوانى هذا الرجل يسعى الى مصالحه الشخصية
ولا يسعى الى مصالح مصر وشعب مصر
أنه يتحدث عن الحرب فى كل مكان ولا يتحدث عن السلم إلا عند ذكر أسرائيل
أشياء كثيرة تحدث فى زمن على بابا لا نفهمها
أيها الناس أحترسوا وخذوا حزركم فخ ومنصوب لكم
لتدخلوا جحر الثعابين ويلدغكم مبارك والمرت وبوش
يا عينى عليكى يا مصروعلى حظك
-------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

طالع بلادنا وبختها

طالع بلدنا وبختها
وأوعى تخيب
وتضيع جواب الحقيقه
يا أبني نجيب
وأفتكرني دايما
لما صابتنى رصاصة
ومت فى حضنك شهيد
أوعى تنسى الولد اللى عبر القنال
ورفع معاك العلم
والرملة نار
وأفتكر
ليالى السمر
أيام ما كنا بنحلم ببكره
وليلة العيد
فاكر ليالى السما
لما يطلع فيه القمر
بدر
فاكر بدر لما كنا نحلم
نكون جنود فوق الجبل
ونول
شرف الشهادة ويا الرسول
يومها فاكر للنهارده
لما قلنا الله وأكبر
صرخه واحده
كان معانا جنود كتير م الملايكه
بالعزيمة والتوكل
يالله وعبرنا
وعبرت معانا مصرنا
حامله فى أيديها علم
علم الكرامه وعزنا
مكنتش أسمع جوه ودنى صوت أوامر
إلا أمر
الله وأكبر
كان فى أدينا سلاح
ووياه حاملين سلاح
الله وأكبر
ولما مات فى قلبى حضنى
على أرض سيناالبطل
مات شهيد
سلمنى جواب
ورجعت شايله جوه جيبى
ولما قريته لقيته
كتبلى فيه
طالع بلا دنا وبختها
فيه عصابة بتتزرع فى أرضها
سرطان مخيف
ليه جذور بتاكل فى بعضها
مالوش دوا
يا تستأصله
يا تموت
فضلت أسرح
ويا فكرى وفى الجواب
العصابة
راكبه فوق قلوبنا وع الصدور
بانية بينها وبين الشعب سور
لو حد حاول يعدى
يا أما منهم
يا يتحرق جوه قطر ولا مسرح
فيه رواية تحكى تنوير العقول
ولا تغرق جوه بحر
لونه أحمر لونه أبيض
ولا حتى ف قلب شط جنب أرض
أو فى سجن عم عنتر
المشمر
واللى ماشى بأمر عبله
بدون أصول
هى دى أصل الحكاية
م البداية كان جواب
طالع بلا دنا وبختها
فى الدنيا عمرى ما شفت أختها
فى المرار والحظ اللى وجع قلبها
قول النصيب قول القدر
مش مهم أصله مين
بس أملنا فى الحرامية
الهربانيين
أشرف وطلعت وأسماعيل
يبنوا جييش
يحتل لندن
ونبقى دولة مستعمريين
يحتلوا مصر ويحرروها
وبدل الولد اللى مات شهيد
جوه سينا
يبقى ألأمل جوه
عصابة م الهربانيين
وهو ده حال بلادنا وبختها
يا حظها
***********
ذهب الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

شجون وهموم وآلام

شجون وهموم وآلام

هل تسمعينى
يا نور العيون
يا كل الفرح
يا كل الشجون
يا بهجة الأيام
يا حلم المنام
فاكرانى
أنا الطفل الصغير
اللى كان يسحف على ترابك فرحان
أنا اللى كنت كل ما أكبر أزيد أبتسام
هنا أتربييت
هنا عشت وهنا أترويت
من نيلك
هنا زكرياتى
هنا حياتى
هنا حبيت وأتحبيت
فاكر لما كنا بنلعب أنا وصحابى
فى ضل الشجره
كنت أتسابق
مرة أسبقهم ومرة يسابق
وكان بالقرب من عتبتنا
جنينه كبيره
فيها ورود أحمر وأبيض
وأرض نجيله
لونها أخضر وفوقها نهار
وخيمه كبيرة لونها أزرق
لما كبرت عرفت
إن دى تبقى سماكى
كان أحساسى فى نفس اللحظه
إن أنا فى الجنه
ودارت بيا الدنيا
وكبرت وأتعلمت
ويا ريتنى ما أتعلمت
لآنى فهمت
ويا ريتنى ما فهمت
أول مرة أعرف إن الجنه يا مصر
ليها سجان
وفيها زنازين
وفيها حرامية
وفيها تعابين
وفيها ظالم
وفيها مظاليم
ولقيتنى ملفوف بشال
شجون وهموم وآلام
حسيت إن أنا ندمان
أنى كبرت
وقلت فى نفسى
يا ريتنى فضلت زى ما كنت
أنا وصحابى نتسابق
مرة أسبقهم ومرة يسابق
--------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

زمن الأنتحار

زمن الأنتحار

ما تياالله يا مصرى تحلم وتمنى نفسك بمصر بلا مبارك و خد الحلم من أوله

أحلم بأنك رايح تنتخب رئيس جديد من وسط عشرة مافيهمش حد من أصلهم
أو ليه جذور تمتد حتى لسابع جدهم بدون تزوير

أحلم بأنك يا مواطن قايم من نومك منتشى ومنتعش وبتقول لزوجتك صباح الخير
ونازل لشغلك سعيد

أحلم يا مصرى بأنك بتخلص أوراقك بدون رشوة بدون واسطه بدون واحد قالبلك
وشه شمال ومطول لسانه عليك

أحلم يا مصرى بأنك واقف فى قسم شرطة تتناقش مع ضابط فى مكتبه وتعاتبه
لآنه أخطأ فى حقك وبتطلب منه أعتذار

أحلم يا مصرى بدون خوف على صحتك مهما تمر بأزمه أذهب للمستشفى حيلتف
حولك كونسولتوا أطباء وممرضات ونقل دم فورى بسبب ضعفك وسيل من العتاب
ليه أنتظرت على نفسك لحد دلوقتى والدولة موفره لك كل حاجه بالمجان

أحلم يا مصرى بيوم رياضى تحت شمس دافيه فى مدرسة أولادك مع باقى الأسر
الحاضرة متجمعين على حب

أحلم يا مصرى بأنك مصرى بدون كلام فى الدين لا أسلام أرهابى ولا مسيحين على
الوطن متائمرين وكلمة صباح الخير عامه ومفيش سب ملل ولا سب الأم ولا سب
الدين

أحلم يا مصرى على طول وانصحك ما تقمش م النوم خليك نايم على طول وروح فى سبات
عميق فهذا الزمن الموت فيه أرحم بكتير

لك الله
--------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

خطابك يا ريس أسعدنا

خطابك يا ريس أسعدنا

سلام ولا أقلكم مفيش سلام
شوية ثورجية ما يبطلوش كلام
مش سايبنى فى حالى ولا حتى المدام
كل حته أروحها ألآقى عفريت طالعلى
يعكنن عليا ويعكنن ع المدام
كل حاجه أقولها يقولى يا سلام
فى حد زيكم زيى بيفهم فى السياسه وبيفهم فى السلام
شوفوا أنجازاتى
شايفين أقتصادنا
أهه نازل ع الدوام
من قر الست محاسن
وعبده أبو لسان
سبعه مليون عواطلى
ما بيبطلوش كلام
عايزين منى عروسه
عايزين منى وظيفه
وكمان لحمه حمرا
وزيت وشاى كمان
وشقه كبيره واسعه
وتبص ع الميدان
ماله البانجوا
بينسى كل حاجه
ويعدل المزاج
وتبقى فى التمام
آيه يعنى متبطلوا الكلام
أنا قاعد غصب عنكم
وأبنى وريث كمان
والراجل أبو دقن ده
أنا ليا معاه كلام
وصيت عليه الأمن
ياخدوه ع الليمان
عايزنى أستقيل
ويفتش فى اللى عدا
ويجبلى مصيبه كمان
النهارده بقولها علنى
لو حد فتح بقه
حاوديه الليمان
خلاص الخطبه خلصت
وانا ماشى
وكمان مفيش سلام
---------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

على بابا وربعميت حرامى

على بابا وربعميت حرامى

من شاهد مؤتمر الحزب الوطنى لأحس من الوهله الأولى بأن هذ المشهد

يزكرك بعلى بابا ولكن مع ربعميت حرامى على بابا ونوابه والحاشية

تحس أنهم بقسموا مصر وكأنها غنيمة أستولوا عليها وأصبحت تحت

أيدهم وحانت لحظة تقسيم الغنيمة مع تغييب كامل لأصحاب الوطن وشاهد

الصورة فى خيالك عندما وقف العراب يلقى خطابه بعد أن أخذ جرعات

الأدوية والمقومات ووقف على المنصه نافش ريشه مثل الطاووس ليعلن

لنا حواديته بعد أن فشلت وعوده وخطبه الرنانه بأن الخطه الجاية هى خطه

الرخاء ففكر فى خطبه جديده ووقف يفجر لنا المفاجأه المدوية فى الخطبه النووية

ولم يفسر لنا لماذا وافقت أمريكا على تسليح مصر ولمصلحة من تسليح مصر

ولماذا وافقت على النووى وهى التى تحاربه فى كل مكان

أيها الساده الكرام بكل شجاعه أقولها وسوف اجد من يعارض كلامى اليوم ولكن

بمنتهى الشجاعة نحن مقبلون على الأسوء فا أستعدوا لمواجه الفقر وهياوا أنفسكم

لقبول الأسوء وتأكدوا أن غدا لناظره لقريب

مصر بضيع

هذا بلاغ للناس والله من وراء القصد
------------------------------

خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

الزعــــــــــــــــــــــــــــيم

الزعيم

الزعيم طل علينا يخطب فى الملايين ومليون راجل أمن حواليه محاوطين

قال حعمل نووى علشانكم يا مساكين مصنع يخرج النوى م البلح ويعمله
طحين بس شرط واحد توافه على الوارثين قولوا آمين
وعلشان مصالحى ومصالح أميركا خلاص ع النووى موافقين وحيسلحونا
علشان نضرب الأيرانين

القصه كلها يا أخونا لعب على المساكين اللى زاقوا المرار والغلب فى العيشه
والتعليم وبدل ما نوجد لهم سكن سكنوا مع الميتين

المسأله يا أخونا كلها فرقعه فى الهوا لا فيها مصالح شعب ولا وطن كلها
مخططه للوارثين

الكره زاد فى البلد والكل مش عايز يسمع ولا يشوف النهب بقى علنى والسرقه
على المكشوف

الكل شاف الغلط وبرده قال آمين بكره الزمام يفلت وتموت يا مسكين

-----------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

مش حبطل أبدا كلام

مش حبطل أبدا كلام

مهما تقفلى مواقع
مش حبطل أبدا كلام
كل يوم تقفلى واحده
بكره أفتح عشره غيرها
مش مسلم
ومش حقولك أبدا سلام
حفضل أهمس
حفضل أغمز
وحفضل أكتب
حتى لو مليون ديوان
أنت عارف قد أيه الظلم دايم
أنت نايم
هو دايم بس ساعه
أما دنيا الحق
دايمه دايما ع الدوام
مش حتقدر تقفلى بقى
حتى لو تقطع لسانى
أو تبدل حتى فى مكانى
أو تغير من طباعى
أنت ما بتقراش كلامى
النظام اللى أنت واضعه
شكل تانى
شكله غير الأولانى
هو أعمى
مبنى فوق أرض هشه
بس هس
سد بقك
كبلوه بالسلاسل
أسجنوه
أسحبوه
أسحلوه
كل ده علشان بجهلك
مش بتفهم أى حاجه من كلامى
أنت فاكر أنت دايم
فوق وأصحى دا أنت نايم
جوه وهم أسمه حاكم
بكره ننصبلك محاكم
ويعلقوك بالسلاسل
حتى برده وأنت ميت
راح نحط نصب قبرك
مكتوب عليه
البعيد كان أصله ظالم
يا اللى زاير
أوعى تقرأ أى آيه
أو ترحم يوم عليه
هذا ظالم أيوه ظالم
---------------------------

خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

حدوته من الحواديت

حدوته من الحواديت
كان ياما كان فى سالف العصر وألأوان
يحكى أن فى زمن حرفكوش بن برتاكوش كان ليه أبن أسمه جبراكوش أراد أن يحكم
بعده فلما أصتدم الولد بالعيله فكر فى حيله وهى رهن الوطن مقابل المنصب المحترم
فحزم أمتعته وذهب الى بلاد ألأمراكوش ليأخذ منهم ألامر فشرطوا عليه شروط أولها
لازم يكون صديق اليهود ويملكهم أراضى وديار فى وطن ألأزهار ويلغى أى وشواش
يتكلم على أم الرشراش ويمنع الأذان ويشجع العلمان ويمسح الأخوان ويقيم ألأفراح ليل
نهار ويخلى البلد طبل ومزمار وأياك ومناهج التعليم وكل أمور الدين أعمل عليها تعتيم
وممنوع عليه يصلى ويصوم ويحرص على جيرانه على على الحدود وميقولش أنهم
يهود ففكر شوية ووافق على طول وختم صق الطاعه وبطل يصلى جماعه وأمر بأنشاء
السجون ولما ما لاقاش حد لامه قال اللى حيتكلم حوديه جوانتناموا وكلكم من المغرب
تناموا وسكتت الناس شوية إلا واحد غاوى الحق وقف فى وسط الجموع وقال لاء وبسرعه
بدأت الناس تتكلم وهاجت وماجت وخرجوا فى جماعات حاصروا قصر السلطانوبدل ما كان
جبراكوش خلوه فاشوش وفكوا رهن الوطن وزاحوه من على الكرسى وأنتصرت الأمه و
أنزاحت الغمه وأنتصرت العزيمه وأتعلم الناس درس يد الله مع الجماعه والكتره تغلب
الشجاعه بس بالعزيمه
وتوته توته خلصت الحدوته والى اللقاء مع حدوته ثانيه
"""""""""""""
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

آه يا وطن آه

آه يا وطن آه


آه يا وطن آه
والآه مكتومه
حسرة وألم
كل ما أشوفك بعيونى
وأنت بتقطع
يزيد عليا الألم
أصرخ من الوجع
بصوت عالى
وأيه يفيد الصراخ
والناس صمم
أستسلموا للجراح
وطاطوا للصنم
آه يا وطنى من حرقتى عليك
ومن كتر الشوق للزمن
اللى كانت هامتك فوق
قبل ما يحكمك صنم
ونندم وأيه يفيد الندم
وأسأل ويا نفسى
يا وطن أمتى تعود
بعد ما بقيت يا وطنى غريب
مجروح
أنده بصوت مبحوح
وشارد وسط الليالى
ضايع وسط العتمه
حاولت أقيد ليك شمعه
لكن الريح أشد
من قلم يكتب ولو مليون
كلمه حق
كل اللى عايزينه
شويه ناس بس
يتعلموا قولة لاء
أيوه يقولوا لاء
كلنا مع بعضنا
من غير خوف
نبنى جسور الحق
وتعود تانى يا وطن
من غير قولة آه
ترفرف زى الحمام
فى السما
ما دام كلنا
أتعلمنا قولة لاء
-------------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

أتكلموا

أتكلموا

أتكلموا
أهمسوا
أصرخوا
قبل الحزن ما يحكم عليكم بالسكوت
كل يوم يا ابن مصر
جوه نفسك راح تموت
مستنى أيه
قطر عمرك راح يفوت
مين اللى قالك
إن الكلام بيعنى فضه
وذهبه يعنى السكوت
على صوتك
قبل ما نفسك تموت
عارف يعنى أيه معنى السكوت
يعنى ظالم
وحق ضايع
وعيشه ضنك
أوعى يا مصرى تسلم للسكوت
السكوت
يعنى سجن بالسلاسل
يعنى أخرس
هس خالص
يعنى
كسر أقلام بتكتب
كل يوم فى الصحافة
حق
قبل ما الحق يموت
أوعى يا مصرى تسلم للسكوت
م النهارده
يوم جديد
يالله كسر كل حاجه
عدى بحر
فوت حواجز
شيل حديد
وأوعى يا مصرى تسلم للسكوت
بطلنا نحلم
م النهارده فيه حقيقه واحده بس
لا للسكوت
-------------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

مسجل بعلم الوصول

مسجل بعلم الوصول
________________________________________
الى سيادة // رئيس الجمهورية ......... المحترم

لك السلام والتحية

قريبا ستكمل عامك الثمانين وحكمت بلادنا ثلاثين

أشعلت فيها نارا لم نتعود عليها بأسم الوارثين وأصبحت العيشه فى ظل حكمك

زفت وطين وعلشان أنت فى برج عاجى عيونك مش شايفين

وهذه صوره للوطن وأحوال الملايين

على طول البلاد أنتشر الفساد ما بين رشوة وأمارة وتجارة ودعارة

وأعتلت الصحه وأهمل التعليم وزادت أعداد الفقرا والمساكين وزاد ظلمك

فى الحكم وهدمت الدين

وزاد فى بلادنا الفجور وكأنك حاكم مأجور

فنرجوك أن تخرج من محرابك وتشاهد بعينك حالت عبادك وتتفقد الرعية

وتسمع بأذنك دعوات المساكين والناس اللى مش لاقين هدمه تسترهم

فا إذا كنت تظن إن الملك باق فا أعلم أن الملك لله وتذكر قوله تعالى ::

فى سورة القيامه يوم يلتف الساق بالساق يوم إذا الى ربك المساق

فا أدعوك أن تعود الى الله وتترك مكانك لغيرك فا أنت راحل راحل

ولن يبقى منك إلا سيرتك فلو كان لك رحمة تنيرقبرك من الظلمات

وإذا بقيت سيرتك على ماهى عليه فيا ويلك من عذابه

سيادة الرئيس لقد زادت ألآمنا فى عهدك ألاما ولم ينصفنا الأمام

فا أترك لنا ذكرى نرى فيها يوم أبيض بعد أن أصبحت كل أيامنا سواد

وندعوا لك بالهداية بعد أن تقطعت بنا السبل

ولا نملك إلا أن نشكوا أمرنا الله هو العزيز الجبار

......................................كاتب الرساله : حسن عمران
----------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

ليس بوسعك تسألينى

ليس بوسعك تسألينى

ليس بوسعك تسألينى
أو تجرحينى
فا أنا ثرثار
أتكلم وأهمس
ولا أتراجع عن أى قرار
أنا ثرثار
ولكنى لست بشمشون
أو عنتر
أقوى على صد جحافل
الفقر
أو زحف نظام غدار
وشفاعتى
قلمى لم يرتعش يوما
أو حاول حتى فرار
لكنه بيرسم شرخ فى قلب جدار
ليس بوسعك
أن تلومينى
أو تجرحينى
فلست مسافر وحدى جوه قطار
فترفقى بى قليلا
وأنتظرى غدا
زحف ولادك
زحفه سنين
غل مرار
جاية تكسر كل قيودك
توفى وعودك
واخده قرار
قرار أتحاد
قرار أنتخاب
قرار الحقيقة
ينص القرار
نسافر جميعا فى قلب القطار
فلست وحدى
ذاق المرار
-----------------
ذهب الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

شعار يرفع وأقلام تكسر

شعار يرفع وأقلام تكسر

هذا هو نظام مصر يتبع سياسة اللعب على الحبلين وكأنه يحكم
عميان
يتكلم عن الحريات بما أوتى من قوه ثم يقوم بكسر أقلام فرسان
أمتطت صحف الحقيقه وأنبرت تكتب وتكشف مستور هذا النظام
وما يشمله من فساد وظلم ونهب وسرقه وهذه سمة عصره وفشله
فى زرع شجرة حياة تؤتى ثمارا طيبا لهذا الشعب الذى عانا الأمرين
من حرمان وفقر ومرض وأبتلى بهذا النظام

أيها الصحفيون الشجعان لا أسترحام من مبارك ولا تفاوض أو
تنازل على حقوق مشروعه ومكفوله بموجب دستور وضع قبل
أن يولد مبارك

فلتبقى أقلامكم سيوف على رقاب من أفسدوا مصر فغدا سيرحل
مبارك ومن معه وستبقى أقلامكم معززه مكرمه ترفرف فى قلب
الوطن بفخر وعزه

لنا الله ولمصر الصبر على البلاء
----------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

أنا مش زيك ..

أنا مش زيك ..

أنا مش زيك
وعمرى ما أكون زيك
كل أتفاقنا كان هدنه
منصوص فيه
بس أقولك أزيك
يمكن يكون ما بينا ناس أتمادت
وقالت أكثر من أزيك
عارف ليه
لأنهم زيك
وعلشان تعرف أنى عمرى ما أكون زيك
ولادى سالت دماهم على سينا
فوارس نوارس أسود
تشهد عليهم بويات الحدود
وأسأل عساف و شالوم و نجمة داود
لما أنداسوا تحت أقدام
ولادى الجنود
علشان كده عمرى ما أكون زيك
ولا حتى أقولك أزيك

كل اللى بينى وبينك
أقصى وقبه وصخره وأرض
وشجرة زيتون خضرا
وكل اللى ليك
حائط مبكى
مهما تنكفى عليه تبكى
حتفضل برده
سلسال اليهود
علشان كده عمرى ما أكون زيك
ولا حتى أقولك أزيك

يمكن يكونلك دلوقتى فى بلادنا يومين
علم وسفارة ونظرة عين
هنيالك طول ما الخونه فى بلادنا حاكمين
وطول ما يقابلوك بسلام وأحضان
وأكثر من كلمة أزيك

مش حيدوم
بكره يجيى لنا يوم
نطير من عنيك وعنيهم النوم
وأرفض عليك أسلم
وأرفض أقولك أزيك
لأنى ببساطه شديده
عمرى ما أكون زيك
مهما عليت وقويت
وبقيت حمام وسلام
حفضل أعلم ولادى فى الوادى
وعلى ضفة ألنيل
عمرك ما كنت حمام وسلام
أنت صقور و بوم غربان
وعمرى يوم ما أكون زيك
ولاحتى أقولك أزيك
--------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

قرار أتهام

قرار أتهام

فى ساعة تمام
وبأمر عالى م الحكومه
وم الأمام
قررنا نحن
وكيل نيابة الأمن العام
أصدار قرار أتهام
بحق المدعوا
أبراهيم عيسى

أنه فى يوم من الأيام
وفى ساعة تجلى
قام المذكور
بالقذف والتعدى
على الذات الملكية
لرئيس الجمهورية
وأطلق أشاعه
مفادها
الريس مريض وعايز أشاعه
وبما إن الريس ما بيمرضش و عنده مناعه
فقرننا نحن وكيل النيابة المفترية
بأحالة أوراق الصحفى
أبراهيم بن عيسى
الى المحكمة العسكرية
علشان يكون عبره لكل صحفى يمس
الذات الملكية
للرئيس أو وريث الجمهورية

عارفين مين أبراهيم
صحفى من الحريين
واللى شاربين من مية النيل
ومتربى فى قلب الطين
قلبه مليان وطنية
شاطر فى قول الحق ولا يهموش
شفيقه العامشه
أو حتى سلامه أشقوش
ميعرفش ينافق
مبتسم ووشه بشوش
وعلشان الكل يخاف
لازم نحبسه فى محبسه
ونديله كمان
حقوق الأنسان
كل يوم عدس وخس وعيش حاف
ومسموح ليه بالزيارة
من أهله وأهل الحارة

وبلاش أنت وهية
تقولى كلام و ديمقراطية
الحكم جاى من فوق
أمر للقاضى
جلسات ومرافعات كله كلام فاضى
الحكم نافذ يا أبراهيم
وأحنا قاصدين
تكون أنت كبش فدا
لباقى الصحفيين
اللى زيك تخاف
ونخلص من أى صحفى شواف
وأجلس أنا مرتاح
وأغنى كل صباح
سألوا نمرود أيه نمردك
على الخلايق
قال
ملقيتش واحد فى البلد
يردنى للحق
---------------------

خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

أنسداد شرايين الحرية

أنسداد شرايين الحرية

--------------------------------------------------------------------------------

أنسداد شرايين الحرية

نعم مصر أصبحت مريضه وتشخيص المرض أنسداد فى شرايين الحرية
وبناء عليه قبل أن يصاب القلب بعله وتحتاج فى هذه الحاله لعملية قلب
مفتوح وهى مكلفه لنا جميعا لما ستتركه من أثر كبير على صحه مصر

فلذلك حتى ننقذ ما يمكن أنقاذه تبرعوا بوقفه بمظاهرة بأعتصام بأضراب
بكلمه فى جريده علوا أصواتكم فى الشارع أتكلموا
حتى نقوم بعمل عملية توسيع سريعه لشرايين الحرية حتى يبقى الدم يتدفق
مثل النهر ويفيض وتبقى مصر على قيد الحياة قبل ما يفوت الآوان ونعود
وتصبح مصر مريضه بالقلب ومعرضه للخطر

يا عينى عليكى يا مصر وأنتى بتتألمى
من غير صوت
قومى مره أصرخى قبل الحياة ما تموت
وتيجى النهاية
ونندم مهما نندم ونصرخ وأيه يفيد الصراخ
مع شدة الآلم
-----------------------
ذهب الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

سلام يا مصر السلام

سلام يا مصر السلام

سلام عليكى يا مصر كتير السلام
سلام المحبه
سلام حبه حبه
سلام ونظره
سلام وأبتسام
سلام نادى على بلادى
سلام العطر م الوادى
يا أحلى زهرات الكون
سلام لميت مليون
هما تعدادك
سلام المسك والعنبر
سلام محلى بالسكر
سلام الفل والريحان
سلام مليون سلام
ونعيد كمان

سلام من قلب ولهان
سلام من قلب متعطر
بعطر النيل
سلام يا مصر السلام
عارفه كل يوم يا مصر
أشوف صورتك ملاك فى أحلامى
عارفه كل يوم يا مصر
أشوفك عروسه بتوب أبيض
متزينه با لترتر
وطرحه حرير مقصب
وماشية طايره م الفرح
وسط الناس
أبتسم ويا نفسى
وأقول
يا حلاوة حلم المنام
قبل ما ييجى فى ودنى صوت الأدان
ويطلع عليا الصبح
أشوف كابوس جاسم على صدرك
كاتم على نفسك
وكأنه الدهر
شارخ جدار قوتك
ناوى على موتك
والمصرى يا ولداه
غرقان فى قلب نهر هموم
فاض من الجريان
وينده وينده وينده
والشعب حواليه ملموم
ناس عادية وناس بدقون
وناس لابسه وناس من غير هدوم
ولا فيش أيدين تدمدله
قبل ما يضيع فى دوامة النسيان
وتموت يا مصرى
ويفضل نهر همومك سارى الجريان
خلاص مليت من نفسى
وأنا داير أصحى
كأنى
مسحراتى فى رمضان
ونعيد كمان
مليون مره
نعيد كمان
سلام عليكى يا مصر
سلام كتير السلام
---------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

ماذا يحدث لو

ماذا يحدث لو

نعم ماذا يحدث لو قمت بعمل أعلان عن تمويل شراء بندقية
شرط أن توجه فوهتها الى صدر الريس وعندما يستجيب
الناس وتتعدد فوهات البنادق فما الذى سيفعله أمن الرئيس

هل سيصد كل تلك الفوهات التى ستوجه الى صدر الرئيس
طبعا لا يقوى على صد كل تلك الفوهات

هذا الكلام مقصود بيه أنت يا مصرى هل ستنتظر حتى تجد
نفسك عبد يستجدى الديمقراطية من السيد وهى حقك هل
تتركهم يبيعوك ويشتروك هل تتركهم يورثوك وكأنك يا مصرى
وقف فى زمة الله

لذلك إذا أردنا التغيير فعلينا جميعا أن نكون كلنا فوهات بنادق
توجه الى صدر الرئيس لوقف كل هذا الفساد والعبث فى مقدرتنا
قبل أن نغطى بسحابة ظلام دامس يعقبها جفاف للنهر

وقبل أن نصل الى تلك المرحله فعلينا جميعا أن نكون
فوهات بنادق موجهه الى صدر الرئيس
نغير ونحلم بالتغيير
---------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

قروض وحرامية

قروض وحرامية

آه م الوجع اللى بيضرب فى جنابى يانى
من حزنى عليكى يا مصر جنابى مألمانى
كل ما بيسرقوكى الحرامية دماغى وجعانى
رحت لطبيب مداوى يداوى عليتى يانى
قال الطبيب شوف دوا ليك وليا وعود تانى
يا خوفى يا أبو الهول
لا يعملوك قرض
ويضربولك ورق
ويحجزوك فى البنك
ويهربوك للخارج
ويقولوا رهن القرض
عايشين فيك يا زمن
زمن غريب غدار
حرامية نازله سرقة
بالليل وبالنهار
بنوك سوسرا أعترفت
لمصر فيه ملايين
ألو يا أهل الأمم
ما طبقوا القوانين
ملايينا متهربه
ملايين ورا ملايين
مين يا ناس الفاعل
الفاعل مش عارفين
أنا أعمل زى غيرى
وألحق أخدلى قرض
أشترى كرتونه بيض
والضامن ليا الأرض
مظلومه يا مصر خالص
من ولاد القرض
بدل ما يتحملوكى
سرقوكى طول وعرض
عايزين حكومه جديده
تصون لمصر العرض
وتمسك لنا الحرامية
يتحاكموا فى الليمان
ويناموا فيه ع الأرض
-------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

خيبة الأمل راكبه جمل

خيبة الأمل راكبه جمل

نعم بدون زواق أو لخبطة ألوان هذا هو حالنا ولا مفر فنحن كلنا
وضعنا فى ركن المعارضه ومبارك وحكومتة حصلت على ثلاثة
أركان الجيش والشرطه ورأس المال
ووضعوك يا مصرى بين المطرقه والسندان
فعلينا فى ظل تلك الحكومة ألا نضع أى أمل فى شىء وليس معنى
ذلك أن نيأس من الأمل ولكن لنتخذ خطوه عملية فى مع قرب أندلاع
بركان الخضب الشعبى وهذا الأحساس يراودنى كل لحظه
لذلك علينا الأستعداد من الآن بخطوات إيجابية
أولا : أنشاء حكومة ظل مستعده لتولى الحكم فى أى لحظه

ثانيا : الأستعداد لأنتخابات رئاسية حقيقية فى ظل أجواء دمقراطية
حقيقية مبنى على أساس سليم

ثالثا : تأهيل الشعب لكشف الحقائق حتى لا يصدم ويتأثر نفسيا مع
محاكمة كل من تآمر على مصر وشعب مصر

رابعا : بدأ حملة تطهير بمساعدة الجيش لكل من تصهين أو تأمرك
وظن أننا ممكن نكون توابع

خامسا : التخلص من كل بؤر الفساد وأعادة الأنضباط الى الشارع
المصرى من جديد

سادسا : زرع ثقافة الأدب والأخلاق بعد أن ذهب السلام والتحية و
حل مكانهم السب والشتم وقلة الأدب

بعد ذلك ستروا مصر فى ثوب جديد
----------------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

نقطة نظام

نقطة نظام

مليون سلام وتحية
لكل المحلاوية
ناس وعمال وفلاحين
أول وتانى وتالت
وعقبال حلوان
وكل أسكندرية
من هنا كانت البداية
يا صاحبى خليك معايا
مش عايزك يا صاحبى
تضامن وتقولى
بيان وكلام
أنا عايزك تكون جنبى
وتعمل أعتصام
أيوه عايز منك بس
نقطه نظام
نقطه واحده تلمنا
كلنا مع بعضنا
نغنى أغانى لأمنا
عن الثورة والأعتصام
علشان ما يضعش حقنا
ونعود تانى نقول كلام
من هنا
نقطة نظام
تعالوا بينا كلنا
نحط النقط فوق الحروف
المحلة من بين ألوف
المحلة هى البداية
تعالوا بينا كلنا
نطرد الحرامى من وسطنا
ونركب سفينة الأمل
بشراع جديد
مفرود
من أسوان لبورسعيد
أيدينا فى أيدين بعضنا
كلنا ناخد قرار
من غير فرار
نمسك معاول الأمل
نهدم جدار الزمن
ونبنى بلادنا لوحدنا
وبلاش نقول
نصيب أو قدر
يلا نحطم زنازين الخوف
ونكسر قيود الخطر
كل شىء أحنا بنصنعه
بأيدينا نغيره
نكسره نحطمه
وننتصر
مره واحده ننتصر
ونعود تانى لآحضان أمنا
حضن واحد يضمنا
كلنا
من غير فراق
وبلاش تقول القدر
وتعيش أسير
من يوم ميلادك يا مصرى
وأنت حر أصيل
عمرك ما كنت يوم
فى تاريخنا ذليل
وبلاش تقول دا القدر
---------------
خلص الكلام وحان وقت العمل
حسن عمران
Omran55.maktoobblog.com
Omran55.blogspot.com
badralnhar.maktoobblog.com
dastor76.blogspot.com

يا بلدنا أيه أخبارك

يا بلدنا أيه أخبارك
كل ما أشوف حالك
وأطل على جرانك
وأشوف اليابان قدام
أقول يا هل ترى
قد أيه تفضلى يا بلدنا
متأخره
متعثرة
متحسره على ده حال
وتعيشى يا بلدنا
صامته
ساكته
متعلقه بحبال دايبه
وكأن أمل بكره
خلاص محال
ساعتها أهمس ويا نفسى
من يأسى
طالت بنا الأيام
وأنا مستنى أتمنى
تاخدنى غبره فى الزحام
ولا تيجى موجه وبا
تصيبنى بالعمى
علشان مشفش
همساتك
نظراتك
والدمع ف عنيكى
نازل مطر
حاسس أنابالخطر
غرقان
هربان
من كل حاجه أسمها قدر
وأصمت ساعات
وأحس أنى أنسان جبان
وساعات تتملكنى الشجاعه
ويجينى أحساس غريب أنى بطل
أجرى فى وسط الناس
أنده أنده باأعلى صوت
وكأنى واحد خايف من الموت
بيفرفر من حلاوه الروح
فى وسط ملايين البشر
أنده بأعلى صوت
وعمرى ما سمعت من ندهى
غير صدى الصوت
وكأن بلدنا بقت مقابر
مفيش فيها غير الموت
رجعت تانى
أشوف حالك
وأطل على جرانك
وأشوف اليابان قدام
قمت ألعن فى أخبارك
والكدابين اللى بيكتبوا
أخبار كذب فى جرنال
------------------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

ونحن فى أنتظار الملك

ونحن فى أنتظار الملك

يأتى موكبه من بعيد يشع نور يصطف مستقبليه على الأجناب فى أنتظار
ملك الرحمه والمغفره والعتق من النار

وهم عباد راكعيين خاشعيين مهلليين مكبريين فى أنتظار موكب الملك

أنه ملك الشهور إذا أتى هلاله هلت أسارير الفرج والخير وفتحت أبواب الجنه
وأغلقت أبواب النار وحبست الشياطين فى مساكنها بأمر الله وفتحت المساجد
وبسطت الموائد لتطعم الجائع والمحروم وهفهفت رياح الحب والتسامح وباتت رائحه
العباد مسك وعنبر وأستقبلته الأسر بالكنافه والقطايف والخشاف
فلننتهز تلك الفرصه ونكثر من الدعاء ...

الله ما أهدى رئيسنا كما هديت فرعون موسى

يارب أغنى رئيسنا وولده بالحلال ويكتفوا باللى أخذوه

يا رب خد بأيديهم وأعينهم على الرحيل نفى أو أقامه فى جزيرة شندويل

الله أما أ كسر ارجل كرسى الرياسه علشان محدش يقعد عليه

الله أما أهدى حكومتنا وترحل وتسيبنا فى حالنا

الله أما أفضح الحكومه زى ما فضحت شفيقه ومتولى

يا رب حله قد ملعب كرة تنس ندخل بيها كتاب جينس مليانه لحمه بتلو
بدون عظم نطعم بيها المحتاجيين يا كريم

يارب أهدى شوية من الضباط الأحرار فى الجيش ويعرفوا أن مصر
محتجاهم علشان تخلص م الكابوس

يا رب كام متر كستور نكسى بيه فيفى عبده وأخوتها دينا ونجلا من البرد

يا رب توه عقل الحكومة عن بيع البنوك واللعب فى البورصة والبكنوت

يا رب تقبل صيامنا وقيامنا وحسنى وأبنه وأعوانه المنافقين ونواب القروض
والشيكات والنايمين فى المجلس ونواب سميحه ورجال الأعمال اللى بيحتكروا
السلع والوزراء الكذابين
وكل اللى عارفين وساكتين عن حق الشعب لا

كل سنه وأنتم طيبين وبعوده ألأيام عليكوا بخير

رمضان كريم
-------------____________----------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

لو سمحتى نبطل كلام ونعود تانى للثرثره

لو سمحتى نبطل كلام ونعود تانى للثرثره

لو سمحتى
أسمعينى
مهما نقول أننا بنجرح
أبدا
أنتى بس اللى أنجرحتى
أيوه أنجرحتى
كل حته فيكى فيها جرح
جرح غائر
جرح واعر
حرح جاير
عليكى زى الزمن
جرح أيسر ولا أيمن ف البطين
ما ينفعش فيه الدوا
حتى لو قولنا حسد
وجبنا الشيخ حسن
يمكن يكون عمل
وعفاريت وطلاسم
وندق زار
ويكون دا ندره
ديك شمورتى
ورجل نمله
وراكية نار
وكاأننا من عصر حجرى
خلاص بحس أنى بهزى
ويا نفسى بالكلام
م اللى شايفه
مش مصدق عقلى طار
إن دول هما دول
اللى بحكموكى
بجرحوكى
هو فيه حد بيجرح أمه
يقلعوكى
هو فيه حد بيعرى أمه
متحزنيش
بكره يجى اللى يسترك
بس لو نبطل سكات
شوية بس نبطل سكات
لحظه واحده نعود للثرثرة
يبقى لازم نجرحه
أيوه لازم نجرحه
جرح غائر فى البطين
عشان ينام فى مطرحه
بس لو نبطل سكات
ونعود تانى للثرثره
-----------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

هل الريس معصوم من المرض

هل الريس معصوم من المرض

الأسبوع الماضى قامت الدنيا وقعدت على سيرة واحده مبارك مريض وبعد ذلك
خرج علينا جهابذة الصحف وفتوات التصريحات لينفوى مرض مبارك ويثبتوا
أنها شائعه وكأن مبارك معصوم من المرض
لذلك دعونا نرى الأمور من زاوية أخرى فلنفرض أن مبارك مش مريض
وصحته عال والراجل مش مريض
لكن مالا نراه هو أن مبارك بلغ الثمانيين الآن ومعروف طبيا بأن هذا العمر يصاب
بأمراض تسمى أمراض الشيخوخه وهى أمراض عديده ليس لأحد سلطان عليها
ومنها هشاشه العظام والخرف وكلنا شاهدنا هذا الخرف بمشروع تحويل الجمهورية
الى ملكية بالتوريث أو حتى تمسكه بالرئاسه نوع من الخرف تعديله الدستور لمصلحه
خاصه نوع من الخرف عدم ترك مكانه لغيره لأصلاح البلد نوع من الخرف وضع مصر
الحالى وما آلت اليه من سلبيات نوع من الخرف . عدم حفظ الكرامه نوع من الخرف
الآن نسأل مبارك وكدابين الجرايد والأعلام هل أحد يتغلب على أرادة الله فى نهاية العمر
أسألوا الأطباء هم أهل المشوره فى هذا الأمر وهل مصر أنجبت مبارك الفذ وحده فليعلم
الجميع أن مصر ولاده وفيها ملاين أحسن وأفضل مائه مره من مبارك فا ليعلم الجميع
مرض مبارك شر لا بد منه وموته حق وما خفى اليوم سيظهر غدا
ونصيحه للمطبلتية وكدابين الزفه إذا مات مبارك فلتذهبوا معه قبل أن يفتك بكم هذا الشعب
الذى عانى من كدبكم على المدى الطويل فى ظل حكم أعاد مصر الى الخلف عشرات السنين
فكر يا مصرى بصوت عالى وقيم الأمر
لنا الله ولمصر الصبر على البلاء
------------------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

تحيا الملوخية المطبوخه باللحمه

تحيا الملوخية المطبوخه باللحمه

عاش البذنجان الأسود عاش عاش عاش عاشت الكوسه والقرع واللوبيا عاش عاش

يسقط الفول المدمس وأخته طعمية يسقط يسقط اليوم سنحيى ذكرى الجبنه والزيتون الأسود

بما أن البلد بقت بزرميط وطبيخ قرنبيط فلنقرر جميعا التخلص من البذنجان الأسود

وتوابعه القرع والكوسه والبامية ونوقف بيع مجمعات الليمون بأسم الخصخصه ونبتعد

عن الويكه وحلل المحشى حفاظا على صحة مصر

ومدام الحكاية بقت خضار فى خضار فلنبتعد عن البذنجان الأبيض ونقرب من الفلفل الأحمر

علشان نعمل توازن بين التفاح والكاكا حتى لو أعترضت الكمثرى ونحاول تصفية عقول

أصحاب زيت النخيل ونسعى لتحسين علاقتنا مع منتجى البطاطس وعصير العنب حتى تنتظم

عملية الأكل فى مصر ولا داعى للمنجهه حتى تسير الأمور للأحسن

نأسف لأستخدام الرموز بدلا من أسم الريس والحكومه والدول وتم الرمز لهم كل حسب

منتج الخضار بتاعه وهو كله قرع
-------------------------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

الدنيا ضلمه والشارع زحام

الدنيا ضلمه والشارع زحام

الدنيا ضلمه والشارع زحام
والبل دى مش بلدنا
سامع كلام
سامع فرح
وكأن نيزك م السما
جه ع السطوح
حامل زمرد أو يا قوت
والناس تقول دا قدر
قالوا القدر مفيش كلام
قالوا أشاعه كذب الخبر
وفجأه طالل علينا بطلته
وكأنه واحد م الملوك وحاشيته
يلمعوك
ينكلوك
يبيضوك
يطلعوك بلوك جديد
الصحه عال
ويقولوا دى كانت أشاعه
خلاص يا صاحبى
العضمه كبرت
ومفيش علاج للشيخ كلام
مهما يكتب الكدابين
البكاشين
النقاشين
وينقشوا كحك بعسل
ويعلقوا كل الصور على البيبان
ويطلعوا مليون بيان
فرعون أهه بصحته
راجل عظيم
شوف طلته
الشعر صبغه صبغه طين
والشوارب محلوقين
ويلع لنا فى الصحف
واحد أفندى م الخرفانين
يشبهوا بالرسل
فوق بقى يا عم تين
خلاص بلدنا خرفت
علشان كده
عايزين حاجه تلمنا
تضمنا كلنا زى أمنا
بدل ما بكره نكون كلنا
م الغرقانين
---------------------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

كل الأمور أتلخبطط

كل الأمور أتلخبطط
ومعدش نور
مفيش مرور
مفيش دخول
طب روح شمال
طب روح يمين
عسكر شمال
عسكر يمين
كل الأمور أتلخبطط
ممنوع عليكوا يا جائلين
تبيع عنب ولا حتى تين
عارف مين سااكن هنا
دا يبقى مين
هو ده أدم الهنا
والفقر جالكوا يا فلاحين
هو ده شبل الأسد
اللى يكلكو يا شحاتين
حط قدمه فى البلد
قول سلام رحمن رحيم
كل الأمور أتلخبطط
ما بين أشاعه
ما بين بتاعه
خلاص دا مات
راح الوجوم
وأتبسمت كل الوجوه
وفى عز فرحك يا مصرى
طلعت أشاعه
وعميت بصيرتك
ومشيت تخبط فى البيبان
مين حيفتح كلهم سكه واحده
كلهم سكه لومان
كل الأمور أتلخبطط
والناس تعود تكلم نفسها
تندب حظها وتقول دا مات
أو يمكن حتى بيحتضر
طلعت أشاعه
منحوس يا مصرى
أنت وبلدنا عايشه بحلات
كل الأمور أتلخبطط
أتشخبطط
أتنططت
أتبططت
وكأن مكتوب علينا الهموم
مش عارف أعوم
كل يوم غرقان ف عرقى
جوه الهدوم
والحزن كاسى
سحنتى
طلعتى
طلتى
وغنايا موال ألم
يا وكستى
يا نيبتى
وبقيت أعدد زى الولايا
خلاص بقى
يا حظ قوم
كل الأمور أتلخبطط
ما بين هموم
ما فيش فرح
خلاص يأست
حموت أنا م العفن
مليان عرق
من غير حموم
جوه الهدوم
من غير كفن
يمكن يقولوا مات شهيد
مات بطل
عليل
مسكين
فقران
غرقان
مات بطل من غير هدوم
كل الأمور أتلخبطط
خلاص غرقت
مش عارف أعوم
حد يرمى حبل طب يشدنى قشايه أتعلق بيها
خلاص بقبقبقبقبقبقبقبقبقبقبقبقبق
________***********______
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

ماذا تفيد الأشارة وسط فوضى مرورية

ماذا تفيد الأشارة وسط فوضى مرورية

هذا ما يحدث فى مصر الآن

أقسم بالله حاجه تحير وتلخبط لما تنظر لبلدنا . دى مش بلدنا اللى أحنا عارفينها
توجه سؤالك للكبير والصغير
يجوبك أجابه واحده أحنا عايشيين عصر الفساد. يا راجل. أيوه هو ده اللى التاريخ
يكتبه بدون زواق
أيام الحرب والأستنزاف أحسن كتير من السلام أيام البطاقه وزيت التموين والشاى والسكر
والصابون أفضل كتير م النهارده
النهارده الفساد منتشر زى النار فى الهشيم. طب مفيش حل .أزاى حيجى الحل وانت عايش
سجن مليان عساكر
وكره الناس للريس هو اللى خلى الناس تتمنى موته وهذا هو السبب الرئيسى لأنتشار
أشاعه موته بسرعه بسبب كمية الظلم والفساد المنتشرة فى عصره الأسود بعيد عنك
لذلك علينا بأخذ المبادرة من جانبنا لعل وعسى نصلح جزء مما أطلح نفكر
طب ما تيجوا نمتنع عن دفع المعلوم .لا أنت بتهزر دى كانت كل المصالح أتوقفت
أيه يا عم هى دى بلدنا ليه أنت متعرفش أن بقى عندنا حرامية خمس نجوم . يا راجل
أيوه عندنا حرامية أعضاء فى المجلس وعندنا حرامية رجال أعمال بياخدوا القروض
من البنوك ويفكوا بيها وعندنا حرامية من نوع آخر بيحتكروا السلع ليه
دول حرامية بردوا لأنهم بيتحكموا فى قوت الشعب وبيمنعوا المنافسه
بس يا عم دا أنت خليتنى أكره نفسى . ليه لسه فيه عندنا أطفال الشوارع وأطفال
السفاح وأطفال المواد المسرطنه وعندنا بلطجه ومخدرات وبانجوا وشاى بالحليب
ونس كافييه وكبر دماغك وعليها وأمشى فى حالك .
حاسب أستوب لحد هنا وكفاية. وعندنا كمان حركه كفاية .مش ده قصدى بلدنا مليانه رجاله
وشباب جامعه ومدارس ثانوى وعمال ووفلاحيين هو أنت ما سمعتش القصيده
اللى بتقول وتحكى عن الأمل وبكره.
من قلب المزارع من ورش المصانع
صوت مصررايح للحرية طالع
جايلك يا بلادنا يا أم ألف مدنه
نخرج كدابينك
وكلاب جارنينك
تجار المواجع
قام الشعب ناده
طفح الكيل زياده
والكداب تماده
ع الحق اللىضايع
يا اللى فيكى ولدى
راضى بنت بلدى
يبقى دراعه سندى
نطقوا المدافع
يا مصر أحنا جينه
من أسوان لسينا
حلوه أغانينا
رد يا اللى سامع
يا عم هو الشعر حيحرك الناس ويصحيهم الناس مبرشمه م الخوف
. أنسى بلدك وناس بلدك بتاعت زمان خلاص راحوا ..فوق يا فاروق
سمعت الكلام اللى يوجع قلبى واجنابى
ومشيت أجر أزيال الخيبه سارح البال أتأمل أراجع ذاكرتى
وأهمس ويا نفسى الله يا مصر أمال لو ولادك مش هما اللى حيشيلوا عنك الهموم
أمال مين اللى حيشيل همك
البلد بقت عامله زى أشارة مرور فى وسط فوضى مرورية تطفى تولع ملهاش لازمه
لازم ننفض التراب عننا ونعيد بريق معدن المصرى أبن الأصول زى زمان ساعتها
مش حنشيل هموم ويكون بكره فيه أمل أحسن م النهارده
----------------------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

أستحلفك بالله تشكيلى همك

أستحلفك بالله تشكيلى همك

أستحلفك بالله يا أمى تشكيلى همك ولا يهمك
ولا أنا اللى أشكيلك
عايش همومى وقادر أشيل عنك
أنا ولدك أحكى ولا يهمك
ليكى حق تزعلى منى
طول عمرى أشيلك همى
وطول عمرك شايله الهموم عنى
أنا ولدك أنا همك
أنا مواطن عايش من الباطن
على الهامش
يمكن أكون عايش ومش عايش
بصى جوه الكتاب حتلاقى على اليمين هامش
حتلاقى فيه نقط وكوم عضم جوه الهدوم
بالتكال عايش
يدوب أحصل لقمتى وبالشمال عايش
بطلب من المولى يجبلى حاجه
تهزنى ترجنى
أفوق من نومى
عايز يا أمى أنتفض وأغير أنا يومى
خلاص مليت أنا م السكات
يمكن أكون أتأخرت والقطر فات
لكل يا أمى لكل وقت و له ساعات
فيه قطر جاىحا حصله
أول ما عينى تلمحه وليه تشوف
مش هيهمنى
حا أرمى كل شىء أسمه خوف
وأجمع ولادك ملايين ألوف
نكسر حاجز الزمن نهدمه
بدون ما نهرب ولا حتى خوف
زى الجنود أيام ما كانوا ع الحدود
بيستشهدوا علشان أرضنا
أحنا برده حنرجك وراح نموت مش حيهمنا
علشانك أنتى يا أمنا
مادام حنحيا كلنا
من غير خضوع
من غير خنوع
من غير ركوع
من غير خوف إن الكلاب تعضنا
ومدام يا أمى
تتحررى
تتنورى
وتعودى تانى يا مصرنا
لينا كلنا
سا عتها
مايهمنيش
عايش ولا مش عايش
على الهامش
ها أكون سعيد ومش هايهمنى
----------_________---------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

ولنا مع الله وقفه إلا أنت

ولنا مع الله وقفه إلا أنت

لا أحد ينكر أبدا أنه ضعيف مع الله بالذات إذا حل به المرض أو صابته مصيبه فلا نجد
لنا ملجأ إلا الله نتضرع اليه طالبين منه الشفاءأو الصبر
ولكن لرئيسنا رأى آخر هو ومستشارييه فخرج علينا من صومعته كا الطاووس يزهو
ويتفاخر بأنه سليم معاف ليوهم الناس بأن الفرعون باق أبد الدهر وما قيل هو مجرد أشاعه

سيادة الرئيس . لا حيلة فى الرزق ولا شفاعة فى الموت وأعلم بأن الدنيا ساعه فا أجعلها
طاعه والنفس طماعه علمها القناعه وأعلم أن الدنيا إذا جست أوجست وإذا كست وكست
ولكل ملك علامات فلما على مات إلا وجه الله سبحانه وتعالى فا الديان لا يموت
فا أفعل ما شئت كما تدين تدان

وأعلم يا سيادة الرئيس أن الشعب المصرى كله عدا قله تتبعك وضعت أمل كبير فى الله
بأنك ستتعظ من المرضى وتعيد لهم حقوقهم بأنتخابات حره نزيهه تعيد مصر الى أهلها
وترحل أنت وعائلتك وأتباعك قبل أن يفتك بهم الشعب

أيها الرئيس أترك مصر فى حالها ولا تنفش ريشك كا الطاووس فاليوم لك وغدا لنا
نعيد أصلاح ما كسر ونرمم كل شبر فى وطنا وطن الخبز والحرية

إن غدا لناظره قريب
-------_________--------
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

كل المسلمين أرهابيين

كل المسلمين أرهابيين

هذا هو المستنقع الغربى بقيادة الأمريكان الذى نصب لنا ووقعنا فيه
الأرهاب كلمه صماء بكماء عمياء تصيبنا فى مقتل ولا نفعل شىء
بل ننساق خلف الرواية التى يؤدى فصولها عبدة الشيطان

فا الأرهاب يبدأ من الصفر

عندما تمارس الزوجه الأرهاب فى البيت ويعجز الزوج عن المقاومه
أما يتزوج غيرها أو يستسلم للأمر الواقع

وعندما يمارس رب البيت الأرهاب على أبناءه
أما يفشلوا فى التحصيل الدراسى أو تهرب الزوجه الى منزل العائله

أما عندما يمارس الأستاذ الأرهاب على التلاميذ
أما يحصلوا على درس خصوصى أو يهربوا من المدرسه ليتعلموا صنعه

وعندما تمارس الحكومة الأرهاب على الشعب
أما يستسلم الشعب للأمر الواقع أو ينفجر فى ثورة غضب تغير الحكومة

كل أنواع الأرهاب محلية أما الأرهاب الدولى والذى يلصقوه بالأسلام فهو
مستنقع صناعة الغرب برئاسة أمريكا والغرض منه

أولا : القضاء على عقيده هم يروا أنها تشكل خطر على عقيدتهم وإلا لماذا تركوا
السيخ والبوذا والهندوس وكلهم ليس لهم إلاه وفى عداد الكافرون

ثانيا : الأأنزال الذى تم فى مناطق محدده فى العالم ألأسلامى وبالتحديد فى منطقة
تواجد وتجمع المسلميين وهى الأماكن التى تتمسك بالعقيده

ثالثا : أختلاق النزاعات للسيطره على الثروات وأخضاع مناطق البترول للسيطره
وهذا ما حدث الآن

رابعا : أشعال الفتن بين العقائد لأضعاف العقيده الأساسية للمسلميين وتفرقهم حتى
يسهل السيطره عليهم

خامسا : تنفيذ ما ورد فى عقائد يؤمنوا بها وأساطير لا توجد إلا فى مخيلتهم ولم ترد
فيما أنزله الله فى الكتب السماوية سواء للمسلميين أو للمسيحيين

سادسا : وجود الأرض الخصبه والرجال المتعاونيين على أعلى مستوى لأنشاء المستنقع
الذى إذ لم ننتبه سنغوص جميعا فى وحله

العلاج

أولا : علينا تعريف معنى الأرهاب بكل اللغات ومخاطبه وتثقيف شعوبنا والشعوب الأخرى
عن معنى الأرهاب وأحياء تواريخ المنظمات التى تستخدم التفجيرات كل يوم فى عدة مناطق
من العالم

ثانيا : دعوة الناس الى صلاة الجمع والتجمع باأكبر عدد ممكن فى المساجد وبالذات ونحن
مقبلون على شهر رمضان وتصوير أنصراف الناس من المساجد وحالة السلم التى يتمتع
بها المسلم بعد الصلاه

ثالثا : رد الصاع صاعين لبوش وأعوانه وأتباعه عندما تلغى الحكومات كلمه أرهاب من
قواميسها وتدعوا الناس بالتى هى أحسن

رابعا : توجيه راية الأعلام والصحافه التوجيه الصحيح فى أتجاه الغرب كل بلغته ليبلغ تلك
الشعوب رسالة واحده هى رسالة السلام

خامسا : أنشاء جسر عبور المحبة بين الحكومات والأسلاميين ولا داعى للأعتقالات العشوائية
وألفاق التهم بدون وجه حق وإذا حدث أى فعل ما فنعتبره فعل فردى أو جماعى محدود ولا يشمل
عامة المسلميين أو نمس العقيده فهى بريئه من كل الأفعال

فا إذا عرفنا السؤال والأجابه عليه فلن نندم أبدا بل سنجد أنفسنا ولن نضل الطريق الى الله
لنا الله هو النصير والسند

نصيحه :لحسنى مبارك وغيره من الأعوان أن يتقوا الله وهم على مشارف النهاية ربما يفوزوا بمغفرة
وأجر حسن نطلب لهم ولجميع الخونه الهداية ونحن مقبلون على أبواب الشهر الكريم
**********
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

وتكسرت الأشرعه

وتكسرت الأشرعه

تكسرت أشرعه سفينة الوطن
فى وسط المحيط
الهادر
الغادر
تتمايل تتحايل على الغرق
فى قلب الظلام
من بعيد
أسمع زئير الموج
يتلاطم بأعلى صوت
فى جنبات السفينه
وكأن أسد بينقض على فريسه
وأنا مزعور مقبوض من الخوف
أنظر الى الربان
راجل عجوز
بيتحايل على الموت
مسنود على أبنه
من قلة
الشوف
والخوف
وكأنه مسنود على عكاز
خشب معطوب وكلاه السوس
وأنا واقف مع البشر
وسط السفينه
نستنى الغرق والموت
بدون طوق
عايز أهرب وأوصل
لحد بر يحمينى
لكن الخوف من موج عالى يغطينى
وأغرق أنا ف طينى
وحواليك بشر لاء مش بشر
دول حاجه غير البشر
زى الكلاب
تكسر عظامك توقع سنانك
يسجنوك جوه الطوق
وسط الموج
وتصرخ بأعلى صوت
هو مين اللى راح يسمعك
وكل ما يعلى الصوت
تلاقى أيدين جبانه
بدوس عليك
تغطسك
تفطسك
وكأن حوت عايز يبلعك
جوه الجوف علشان يزيد عليك الخوف
وتموت ومحدش يسمعك
وقبل ما ييجى عليك الطوفان
وتموت غرقان
ما تيجى نلمم بعضنا
من غير خوف
لوحدنا
كلنا
وننصب للسفينه أشرعه
ونمسك بأيدينا الدفه
ونحدفها على برنا
بر السلام
بر الأمان
بر مصرنا
*************
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot.com
Dastor76.blogspot.com

زهور وأشواك

زهور وأشواك

ظهور نوع جديد من أنفلونزا الطيور فى مصر وكأننا مكتوب علينا الهم آيه ده
الضرب فى الميت حرام

وداعا حسين الشاعرفى هدوء وبدون شوشره عضو أتحاد الكتاب دورتين أقيم له
العزاء فى عمر مكرم فى غياب الأصدقاء والمودعيين لك الله
بس لو كنت رقاصة

أمرأه عمرها مائه وثلاثة عشر سنه تقلع عن التدخين بعد مائه عام من التدخيين
أراده من حديد
يالله حسن الختام

ماردونا يؤيد شافيز وكاستروا ويلعن بوش ويكره الأمبريالية ..ملعوبه
دى البودره بتعمل مزاج عالى قوى

كتر الكلام اليومين دول مبارك مريض مبارك خلاص خلونا نسيب الكلام ونقول
المفيد . بعد الممات فيه رأيين
الأول : الله يرحمه ويبشبش الطوبه اللى تحت راسه ويدخله الجنه
الثانى : الله يكحمه مطرح ما راح جهنم وبئس المصير
الأنسان بعد رحيله سيره

بلاغ سعد الدين الشاذلى للنائب العام ضد السادات وأعاده ظهوره على السطح مره
أخرى ينتابك أحساس بأن حد بيسرق من المصريين الفرحه مع أن كل الحروب فى
العالم بيحدث فيها أخطاء وكأننا مستشهدناش ومبنش من نصر أكتوبر غير سعد
أمال محدش بيحكى كام أبن من أبنائنا مات شهيد وكام مصاب وكام بطل أفرزتهم
تلك الحرب الله يرحم الجمسى وغيره من الشرفاء
الكحكه فى يد اليتيم عجمه
*************
حسن عمران
ألآن نطور الموقف الى عمل مش بس كلام
Omran55.maktoobblog.com
Badralnhar.maktoobblog.com
Omran55.blogspot