زى زمان يا مصر
أرجعى
وأدخلى برجلك يمين
ونورى كل المكان
لما ينزاح اللئيم
ورجعى كل أبتسامه
راحت مننا ويا السنين
هى تبقى الدنيا دنيا
إلا بيكى
ولا يبقى ليها معنى
بدون عنيكى
أنتى عارفه يعنى آييه التاريخ
لما يجى
يجى يلاقيكى
هو التاريخ عمره أنكتب
إلا بيكى
داأنتى كل حاجه ليا
تسلم عنيكى
يا حبيبتى يا مصر
معلم فحمه
ولما تيجى وتحضرى
وتزيحى العويل عن منبرى
وتجيبى سيدنا وتأمرى
دا جوهرى
هنا ازهرى
هنا باحتمى
ساعتها تقفى وتظهرى
تتعطرى من عنبرى
تتغندرى
كل البيوت ونورى
كل العرايس شورى
كل المصانع دورى
كل الجناين ترتوى
وانا حا شترى
بكل مالى اللى حلالى
خلخال عقيق
وشوال دقيق
وف حضن حضنك
جوا صدرك
ها انطوى
فقرى
وأنت كمل التحدى
وصحى وأنده
يمكن فى يوم نفوق
ونصحى
أشتغل أى شغله
بسى كمل
أوعى تتراجع يا صاحبى
بكره فجر يطلع
بكره نصحى
بكره تتفتح زهور
بكره حا أنظم مرور
للمظاهره اللى طالعه
ف كل حته
فى السويس وبورسعيد
والصعيد
المحله عامله وحده ويا طنطا
بينداهو
يا اسكندرية أطلعى
من يومنا نعرف أنتى
أهل المجدعه
وفى مصر البداية
البشاير أزهرية
والكنيسه واقفه هيا
تسمع أدان المأذنه
بينده
يا حلوان يا مطرية
يا شبرا يا جمالية
يا أهل بولاق
يا دير الملاك
أمبابه والخليفه والكيت كات
يا ولادنا
مصر متعثره
طلبه صوتكم
علشان نزيح الصنم
ونعود تانى للعمل
بنى ومقاول
نبنى بأيدينا الوطن
كلنا
نكتب عليه أسمنا
أحمد وحسين وأسماعيل
وفهيم وجرجس وحنا
ومنه وفاهى وآمنه
معلم فحمه
البروجى فى الميدان
يصحى الادان
كل واحد فى البلد دى
يعرف شغلته
كل واحد فى البلد دى
يحسب حسبته
اللى منها ..اللى نيلها..اللى خيلها
اللى فى النايبة يشيلها
يقدم خطوتين..
يشمر عن ايدين
راح نقتل كوهين
مش واحد..دول جوزين
جوز تحت عينى من ايام زمان
وجوز كلاب
تحت النعال
عايزه يشرب م الكوعين
عايز ه يتقطع كومين
كل حته على سخين
وتعلقوه على مدنتى
تدقوه مسمار فى نعل جزمتى
وتسمعوه كلمتى
كل شىء فى بلدنا جايز
الا الخيانة
والكفر بالله الكريم..
فقرى
كلمتين قول تلاته مش مهم
طول عمرنا بنعوم ونغرق
أما النهارده كل حاجه أتغيرت
حا نعوم ونطلع ع البر آده
بر الأمان بر السلام
علشان دى مصر هى اللى قايله كل ده
يا ناس ياللى فاكرين الوطن
سكنه وأربع حطان
تبقى مش ابن الوطن
الوطن أهل وناس ومكان
الوطن هو مصرنا
لما تعدى المزلقان والقطر بيصفر
وتشوف عشش و زير وحنفية ف ميدان
والناس ملمومه بتملا
حا تقول سلام يا أهل المكان
أنتوا برده بشر
ولما تعدى ف مكان تشوف جدعان البلد
قاعده ع القهوة
واللى واصل للميدان
وفيه مقام للحسين أو السيده
حاتقول سلام يا أهل المكان
أنتوا برده بشر
ولما تشوف جناين وفيلل وقصور
وصوت كلاكسات وعربيات
وناس يشبهه الخواجات
حا تقول سلام يا أهل المكان
أنتوا برده بشر
هى دى مصر أرض التلاقى
أرض الصحارى والغيطان
أرض الله ممدوده
لكل البشر
معلم فحمه
وانا امتى عشقتك وانت منوره
من ساعة مااتولدت
وانتى مندارة ورا
وكل كلب من بره
حاجزله فله..حارة..عمارة
واحنا ملمومين مية فى مندرة
لا يوم شكينا..ولا افترينا
ولا بطلنا نحلم بيكى منورة
ومشورة
ومعطرة
وفايقه كل الخلق
وسايعة كل الخلق
وحاضنة كل الخلق
شوفتوا حد يقسم الكحكة تلاتة
مع الغلابة
والبلحاية تيجى نصين
فى قاعدة فى الحسين
وتفرقى
عشان كده
من شان كده
بالشكل ده
كل كلاب العالم طمعانة فى ده
سايبة كل الدنيا
وعايزه تسكن من النيل للفرات
واحنا لسه ميه فى مندرة
مندارة ورا
فقرى
