الملعون
ملعون فى كل كتاب
خليت مصر عزبه
وعمارة من غير بواب
خربت بتنا العامر
وخليت عشيتنا هباب
قليت من أحترامنا
وعريتنا للأغراب
وقفنا وسط السلم
ورقصنا على ألأبواب
الدينا بقى ملطشه
والمسلم بقى أرهاب
لأمتى تقدر تهرب
والموت على ألأبواب
ملعون فى كل كتاب
شقلبت كل حياتى
خلاص خلتنى أنسى
النهارده يوم السبت
ولا ده يوم التلات
رجلى جوه الجزمه
ولا لابسه شراب
فرده لونها بنى
والتانية لونها هباب
حطيط الشاى ع السكر
وغليتهم فى البراد
طعمه بقى مر
لكن شربه مزاج
شقلبت بيا اليوم
ونازل فيا مراقبة
ع النت والتليفون
لمين أشكى همى
لعمدة الفيوم
ملعون فى كل كتاب
يا اللى بنيت زنازين
ودوست على الحقيقة
وخليت حياتنا هجين
ماشيين بميت طريقة
يا كل مصرى حر
شايل سلاح الكلمه
سلح جيوش م البشر
وأتلى عليهم حكمة
سلام لجندى شرف
رافع فى أيده علم
واقف زى أسد
يحمى حدود بيبانها
سلامى عليكى يا شابة
من غمه زايله عايرة
ونرجع تانى ليكى
نقعد تحت شجرة
تضلل علينا ضله
والضله جنب نيلها
ونألف مليون موال
وموال عشانها
فى ضى القمر
سلام يا مصر
أجدع سلام
من قبلى لحد بحرى
ومن سينا لأسوان
**********
حسن عمران
omran55.maktoobblog.com
omran55.blogspot.com
dastor76.blogspot.com
badralnhar.maktoobblog.com
