لالا يا راجل

لالا يا راجل أنا برده أعمل كده
ومقام سيدنا الحسين ومقام السيده
أنا برده يا راجل أنا برده أعمل كده
فى مره كنت معدى ولقيتهم واقفين هناك
واحد يقوله أصله والتانى يقوله هس
وواحد واقف ما بينهم عمال شوية يحوش
وشوية يقول دى مصر وعلوا صوتهم فوق
وشوية صوتهم تحت لموا علينا الجماعة
شوية يقولوا مظاهرة وشوية يقولوا لحمة
وشوية يقولوا هس صوتهم جه فى ودنى
قلت اشوف اللمه وأهدى النفوس
سلام ما فيش سلام كلام ما مفيش كلام
والخلق رايحه جاية والناس علينا لمه
يسبوا فى السياسة واللى أخترعوا السياسة
واللى جاب دا يحكم وجابلنا الوكاسه
وفجأه فى عز اللمه سمعنا واحده ست
صرخت صرخه عالية الناس سابت السياسة
على صرخة الولية الكل راح يبص
وع الراجل اللى قالتله عيب عليك يا نص
وأنقلبت الحكاية على صرخة الولية
والناس سابت السياسة وأصله أيه فى مصر
وبقت الحكاية نكته رايحه جاية على عمنا النص
ومادام فيه نخاسة بطلنا كلام سياسه
وكلامنا عليك يا نص
حلال عليك يا ريس يالله يا عم ورث
وكلنا عليك بنبص
مادام فيه نخاسه حنبطل السياسة
والبركه فى عم النص
**********
حسن عمران

www.dastor.net
omran55.blogspot.com
dastor76.blogspot.com
omran55.maktoobblog.com