خواطرمنيله بنيله
شعب
يا شعب داير ليلاتى تشرب شيشه وسجاير
وسهرتك فى الغــرز جـــوزه وحشيش داير
بانجو صاروخ قال يعدله شاى بالحليب دايخ
ماله النشوء وشمته صحه وعافية وتعدل المايل
-------------------
مرتشى
يا اللى أيدك دايمه على الرشوه ممدوده
كل فلوسك حرام طايرة ووكلاها الدوده
مشى مصالح الناس لله أيامك معدوده
وخاف رب الحساب وتذكرجستك ممدوده
---------------------
بلطجه
خفافيش الظلام قاطعين سبح الناس فى الحى
لا عندهم خشى ولا خوف م المولى طب أزاى
عواله على العيشه والمجتمع والرايح والجاى
بغل عامل دكر عشرين سابقه وطلقينه يا أماى
-----------------
زمن
الست لسه جوزها مدفون ومرابعنــــش
طلعت رجب جت طلعت عليه تقرا وترش
فستان أسود بترتر والعين كحله ورمش
طالعه تدور عريس ولسه دمه ما بردش
------------------
فكهانى
عم عبده الفكهانى ملموم عليه كوم دبان
عمرى ما شفت المشمش ولا عمره ليا بان
مفتش الصحه بييجى يا خد المعلوم ولا يبان
تشترى كيلو مشمش وعليه نص كيلو دبان
-------------
خيال
غنى الزمن ده حب يعمل بالفلوس خيال
أشترى مهره بفلوسه أصيله متربية عال
ركب عليها يوم يروضها وقعته فى الحال
أتكسرت ضلوع الجدع وطردهـــا يا خال
------------------
غشاش
يا غاشش اللبن يا عبد أتقى ربك فيه
هو اللبن ينغش وربك ضارب مثل بيه
أنظر فصل اللبن م الدم وقدرة ربك فيه
يا ويلك يا اللى تغش اللبن وعذاب ربك ليه
--------------------
أطفال الشوارع
قضية أطفال الشوارع يا أخونا حلوها
كل يوم بيزيد همها شوية وشوية تنسوها
مش دول ولادك يا وطن برده ولا دسوها
يا أهل الرحمة والدين والنبى أفتكروها
--------------
آه يا وطن
آه يا وطن وأللآهات فيا مألمانى
كل ما يروح شبابك يا وطن آه يانى
هو اللى بيروح يا وطن بيرجع لنا تانى
خايف يجيلى الموت بحصبه ألمانــــى
------------------
حسن عمران
Omran55.maktoobblog.com
Badralnhar.maktoobblog.com
Omran55.plogspot.com
Dastor76.plogspot.com
ليست هناك تعليقات:
إرسال تعليق