أنا كل يوم بغتصب
أنا كل يوم بغتصب
وا أسلاماه أين أنت يا معتصم
هل فى ولادى بس مليون معتصم
يسمع ندايا
أين شبابى وأنا التى كنت
كنت فى ريعان الشباب
أين أبنائى فرسانى
يشهروا السيوف فى وجه أعدائى
لما يفكرواحد م البشر ييجى غازى
أنا التى تحطم تحت أقدامى ملوك
لما غزونى بجيش مملوك
هب أبنائى أسود وديوك
حطموا التتار والفرس والمملوك
أنا أحمس أنا ألناصر
أنا المنصورة أنا الظاهر
أنا ناصر نعم أنا ناصر
أنا أكتوبر المجيد
أنا أهل السويس وبورسعيد
أنا كل الزهور متجمعه فى زهرة واحده
أنا كل الشموع اللى فى الضلمه قايده
أنا عايده أنا عايده
أنا نفرتيتى أنا حتشبسوت
أنا كل الملوك اللى أتحنطت جوه التابوت
إن نهارده فى ظل حكم المغتصب
أنا بحتضر أنا بموت
قبل ما تشعوروا بالندم
لما تشوفوا حالى إنعدم
لما حكمنى المغتصب
هو ما قرأش التاريخ
نهاية الظالم م اللى أتظلم
ولا فاكر أنه حيفضل مغتصب
مهما الضلام كان ضلام
بكرة ألأمل يشع نور
ويخرج ولادى زى الصقور
تاخد بتارى م اللى ظلم
ويرجع شبابى
ويدق بابى
خطاب كتير
فرسان يشهروا لكل غازى السيوف
فكر يطول شعره واحده فى وسط راسى
وأنا وسط أهلى وفى قلب ناسى
راح يزول
ويخلعه ولادى أصلا من الجذور
ويعود شبابى
وأنده وأقول بأعلى صوتى
وا أسلاماه
أنا عندى مليون معتصم
************
حسن عمران
omran55.maktoobblog.com
omran55.blogspot.com
dastor76.blogspot.com
badralnhar.maktoobblog.com
ليست هناك تعليقات:
إرسال تعليق