دولة عسكر
دوله عسكرعامله معسكر
يحرس قصره يحرس أرضه
يحرس حتى الكرسى بتاعه
يحرس جنب سريره بخطوه
اصل عسكر من أيه خايف
أنا مش عارف
عسكر نايم نايم يحلم
كل العسكر تسهر جنبه
عسكر جوه الحلم بتاعه
بص شويه جوه مرايته
أصله حليوه وواد مزيون
شاف قدامه شامبليون
قام مخضوض من قلب النوم
لبس البدله وهندم نفسه
قال انا أشبه نابليون
عسكر قام بعد ما نام
جمع العسكر
وأصدر ليهم كام فرمان
عسكر قال
قص لسان اللى بيتكلم
وخلى الناس م الجوع تتعلم
وأربط فرمل كل صحافى
اللى يجيب سيرة ممفيس
واللى يقول فيها فساد
وأنا فرعون وليا وريث
واللى يصلى الفجر ويدعى
يدعى عليا ويدعى قنوط
عسكر عينه طالعه شرار
أدى أوامره
أنده دوغرى عبده رفاعى
مين دا يا عسكر
ده طباخ القصر بتاعى
طبخ المحشى نافخ بطنى
أقطع أيده
وبلغ كل الشعب بتاعى
أن عسكر راجل سكر
رايح يخطب
تخطب أيه عروسه
أسكت يا بنى دى أسرار
راح تفضحنى
بعديين سوزى تزعل منى
و حاتحرمنى م المنبار
عسكر جهز كل عساكره
قالوا تشريفه
جهز نفسه
فجأه وشه أتغير
من غير لزمه
ولونه تلون بقى زنهار
لمح الحاج آميين بيصلى
يوم مش فايت
ناده كبيرهم منتش شايف
دور مكتب
والكامرات عماله بتصور
قالوا بسرعه شيلو با حمار
دقنه طويله
ده أرهابى وم الكفار
كل العسكر جم بقوا جنبه
يوم مش فايت أخرب بيته
عسكر لف ودار على نفسه
وأصبح جاهز واقف يخطب
أسمع يا أبنى أنت وهو وكل الناس
أنا مش أبوكم علشان أصرف ليكوا معونه
كل شويه تقولوا يا حكومه
حالنا خلاص بقى متغير
وأنا مضطر أغلى الجاز
وأوعى تقلى العيشه دى نار
لازم لحمه مش معقول
قضيها فول بزيت وليمون
أنا محتاج أنا مديون
قاعد واحد م السامعيين
على على الله بيفهم والله
قامله وقاله فوشه معارض
فجأه الدنيا عليه أنقلبت
جالوا العسكر راحوا واخدينه
بدل الخطبه كنا بنسمع صوت
الراجل عالى لفوق بيقول آى
عسكر بعد ما خلص رغى
أثنى عليهم وقال هنونى
عمرى ما حسمع صوت بيعارض
ناس خوافه بعد ما سمعت كلمة آى
ورجعنا تانى نشوف ونقرأ فى الجرنال
عسكر نام عسكر قام عسكر راح للحمام
عسكر باقى طول العمر
أنس يا مصرى
واقف ليه مستنى القطر
محدش جاى
فرعون يا عسكر
""""""""""""""""""
www.dastor.net
omran55.maktoobblog.com
فتوى تطبيق حد الحرابه على الحاكم
فتوى تطبيق حد الحرابة على الحاكم
قال تعالى فى سورة المائده
( إنما جزاؤا الذين يحاربون الله ورسوله ويسعون فى ألأرض فسادا أن يقتلوا أو يصلبوا أو تقطع أيديهم
وأرجلهم من خلف أو ينفوا من ألأرض ذلك لهم خزى فى الدنيا ولهم فى ألآخره عذاب عظيم )
وهذا ما نراه فى تلك الفترة من الحكم
فهل تنطبق تلك ألآية على الحاكم والسلطه أم أن الحاكم والسلطه معصمون.
أم يتم ألأكتفاء بعزله من الحكم . أم طاعة ولى ألأمر واجبه حتى لو كان مخطأ
وفى حكمه مفسده .أم يتم الخروج عليه والتصدى له واجب.
علما بأن نظام الحكم فى عصرنا ينشر العلمانية ويقوم بتعذيب الناس فى السجون والمعتقالات
ويتهم المسلم بألأرهاب ويقوم بنشر الرذيلة عن طريق وسائل ألأعلام ولا يتبع شريعه الله فى الحكم
مطوب تفسير وفتوى فى هذا ألأمر على أن يتحملها المفتى أمام الله
أفيدونا أفادكم الله ياأهل العلم والدين
""""""""""""""""""""""""""""""
www.dastor.net
تنابله السلطان أعضاء فى البرطمان
تنابله السلطان قاعديين فى البرطمان
شويه مكركرون وشويه ماكرون
وشويه مهللون وشويه نائمون
وشويه واقفون وشويه موافقون
أصل التنابله
النهاره مش تمام
أول ما يشوفوا كبيرهم
يضربوا تعظيم سلام
للشعب ممثليين
فى العك والتفانيين
متقلش أسماعيل
ولا عادل أمام
تنابله السلطان
عامليين مسلسلات
أيام الأنتخابات
بيعين للناس كلام
تأليف فى أفلام
خلوا البحر طحينه
وسمك بيعوم فى الطينه
تقوله دا حقيقى يقولك يا سلام
ويعمل سبارتاكوس
ويلبس برباطوس
ويغنى فى الحمام
ويديلك البتاع وبطاقه الأقتراع
ويقولك خش اللجنه
صوتك فى التمام
وأشرب يا متعوس
ضميرك لما بعته
قبضت مكانه فلوس
تخش البرلمان
تشوف فيه تنابله
مرصوصه جنب بعض
بيتلقوا التهانى
تبص على صورتهم
على بابا والحرامى
تنابله للقروض
تنابله للشيكات
تنابله للتهانى
فالحين فى التصفيق
يقولوا حاضر طيب
عنوانهم التهجيص
وكأن مصر عزبه
تتملك بالتوريث
وعلشان هما تنابله
جابوا عليهم ألفا
الواد أبن الرئيس
بلادنا خلاص حتفلس
والمعنى فى التوريث
خلاص راح اللى كان
وراح زمن الفرسان
ومصر بقى يحكمها تنابله مع سلطان
....................................................حسن عمران
www.dastor.net
ليست هناك تعليقات:
إرسال تعليق