منوعات صوت وصورة ..youtube: 04/01/2010

الخميس، ٢٩ أبريل ٢٠١٠

الأربعاء، ٢٨ أبريل ٢٠١٠

fo3ad al muhandes - maronglaseh فؤاد المهندس - يا حتة مارونجلاسيه

محرم فؤاد،،،ورائعته ياغزال اسكندرانى.

اغنية داري جمالك من فيلم " الملكة و انا " لمحرم فؤاد

boujaad " أجمل ضحكة من القلب في العالم "

زهــب الـــيـــل طلـــع الفجــر والعصفور سوسو

أغنية كوكو واوا كاملة full coco wawa spanish song

كليب اغنية"هم النم" -عفاف راضى

كليب فاكرك يا ناسيني للفنان محمد فؤاد

اللي بنى مصر - الحان بليغ حمدي

عبد الحليم حافظ أي دمعة حزن لا جي الزمان يداوينا abd

الخميس، ٢٢ أبريل ٢٠١٠

عصفور النار
رجل أحب مصر وكتب لها بقلبه
قصيدة للمعلم فحمه ورد عصفور النار عليها

يا مصر يالله أدلعى أدلعى
وسوقى عليا الدلال
كل يوم يمر طيفك مضجعى
حلم
أأول غزال
أيوه غزال
شارد بعيد
فوق التلال
بين الجبال
آه يانى منك
هو مين دا اللى يقدر
يبعدنى عنك
ولا فى الخيال
هو فيه فى الدنيا ديا
أحلى منك
ولا حتى يشبهك
دا شىء محال
سوقى الدلال
هو اللى كان أيوه اللى كان
مهما عمل أو مهما كان
هو ده ما كان عشامنا
فى اللى ظلمك من زمان
استنى بكره
بكره أحلى م النهارده
بكره حا يروح اللى كان
وأنتى باقية وترجعى
تفتحى تانى حضنك
ولا نعمل أحنا حضن من عشمنا
يضمنا يلمنا يرجع لنا
مصر زمان

---------

رد عصفور النار
————
بتقول تسوق الدلال
هو الدلال يتساق
ضحكة عيون الصبية
للعليل ترياق
تداوى جراح الهوى
و تصبر العشاق
واخدة القلوب و العقول
من زقاق لزقاق
من عطفة ف السيدة
لحكر جوه بولاق

عاشق يا ناس الغزال
و حسن الغزال معشوق
وصف العيون و القوام
ف بحر الجمال مطلوق
يعجز ف وصفه الكلام
لاحق و لا محقوق
ان القمر يتخنق
و لو القمر مخنوق
ورا مشربية خشب
قدامها العطر مدلوق

حضنها لم يتقفل
وقلب الوليد جافى
راضع محبة وغرام
و دا ف الهوى كافى
لا مال و سلطان
من حبها شافى
يافحمة ارحمنى
من حلو كلماتك
احسن و رب العباد
ارجع لها
من غربتى ماشى
ويمكن كمان حافى
————
جميع الحقوق محفوظه ل عصفور النار

__________________

عن أبي سعيد الخدري رضي الله عنه عن النبي قال
أفضل الجهاد كلمة عدل عند سلطان جائر .رواه أبو داود والترمذي وقال حديث حسن

http://badralnhar.maktoobblog.com http://dastor76.blogspot.com/ / http://cinma1.maktoobblog.com/ http://omran55.maktoobblog.com/ http://fahmacafe.maktoobblog.com/ http://omran55.blogspot.com/

السبت، ١٧ أبريل ٢٠١٠

المعلم فحمه >>>>>>>>>>>>>

المعلم فحمه
آه ياسنين العمر اللى عدت / وسنين مستنية نهاية المشوار / كبرنا وكبر الوجع فينا/ وحلمنا لاكن أحلامنا بقت تذكار / مشينا و أتحدينا الزمن/ ووصلنا لآخر النهار/ وأنطفت المشاعل فى ضلام الليل / إلا من شعلة أمل تنور الدار .معلم فحمه ....
__________________
عن أبي سعيد الخدري رضي الله عنه عن النبي قالأفضل الجهاد كلمة عدل عند سلطان جائر .رواه أبو داود والترمذي وقال حديث حسن

http://badralnhar.maktoobblog.com

http://dastor76.blogspot.com / http://cinma1.maktoobblog.com/ http://omran55.maktoobblog.com/ http://fahmacafe.maktoobblog.com/ http://omran55.blogspot.com/

الاثنين، ٥ أبريل ٢٠١٠

من زمان يا مصر وحشانى ,,,,,,,,

من زمان يا مصروحشانى
كنت أسأل أمنا أحوالك أيه
مش تمام
مرة يبان عليها الزعل
ومره تغيب
ولما أسأل
كان يصيبها شىء غريب
كنت أشوف فى عيونها ملام
وكأنها عايزه تبوح بسر
وتقول كلام
وفجأه تصمت
ويصبها صمت الغمام
كنت أشك أنى أكون سبب الزعل
وأحط على نفسى الملام
وأهمس ويا روحى
مهما فكرى فين يودينى أروح
أرجع أقول
مهما كان
برده على قلبى سلام
عارفه... يا أمى
يعنى أيه معنى السلام
يعنى بشر ماتخاصمش بعضها
يعنى هروب م الحروب
يعنى سكينه فى المنام
يعنى كر يعنى فر
يعنى نصر وأنهزام
وأنتى صامته
صمت الصحارى فى الظلام
صمت الشجر
لما تسكت عنه ريح الغيطان
صمت النهر
لما يبنوا فوقه سد عالى ليه حيطان
أنا منتظر هنا
لما يبان فى السما قمر
ينورفي ا لظلام
يدب فيا شعور العاشق
اللى واقع فى الغرام
بطلى صمت يا أمنا وأتكلمى
أصل السكوت من غير سبب
مفتى الشريعه بيقول حرام
أسمعينى أسمعى صوتى
جوه قلبى أحساس بيناديكى
بكرة يتبخر سحاب الغمام
وتعود تانى فى سماكى
ترفرف أسراب الحمام
يمكن أكون عارف ليه الزعل
عمر اللى حاكمك ما يرضى
بالرأى الصريح ولا العتب
وحتى اللى زيى مهما يصرخ
صوته يروح
ويضيع فى الزحام
والباب اللى يجيب الريح
نسده بجدار ألأحتشام
وخلى التلج اللى بينى وبينك يسيح
وردى عليا السلام
ونرجع تانى
نزرع على شفايفك
ورود وأبتسام
معلم فحمه ....
__________________

عن أبي سعيد الخدري رضي الله عنه عن النبي قال
أفضل الجهاد كلمة عدل عند سلطان جائر .رواه أبو داود والترمذي وقال حديث حسن

http://badralnhar.maktoobblog.com http://dastor76.blogspot.com/ / http://cinma1.maktoobblog.com/ http://omran55.maktoobblog.com/ http://fahmacafe.maktoobblog.com/ http://omran55.blogspot.com/

طالع بلدنا وبختها .......

طالع بلا دنا وبختها
وأوعى تخيب
وتضيع جواب الحقيقه
يا أبن نجيب
وأتذكرنى دايما
لما صابتنى رصاصة
ومت فى حضنك شهيد
أوعى تنسى الولد اللى عبر القنال
ورفع معاك العلم
والرمله نار
فاكر ليالى السمر
والأسود قاعدين حواليك لمه
بيحرسواالحدود
وبألأمانى نتمنى
يوم العبور ويوم الشهادة والجنه
كنا بنحلم ببكره
فاكرلما يبان القمر فى السما بدر
فاكر بدر
كنا نحلم نكون جنود
فى جيش ألأحبه
ونول
شرف الشهادة ويا الرسول
يومها فاكر للنهارده
لما قلنا الله أكبر
عبرنا
كان فى أدينا سلاح
وجوه قلوبنا سلاح
الله أكبر
ولما مات فى قلب حضنى
على أرض سينا شهيد
سلمنى جواب
ورجعت شايله فى جيبى
كتبلى فيه
طالع بلا دنا وبختها
فيه عصابة بتتزرع فى أرضها
سرطان مخيف
ليه جزور بتاكل فى بعضها
مالوش دوا
يا تستأصله
يا تموت
فضلت اسرح
ويا فكرى وفى الجواب
قلت
أطالع حال بلادنا وبختها
لقيت جواب مكتوب لها
يا حظها
العصابة راكبه فوق قلوبنا وع الصدور
بانية بينها وبين الشعب سور
أى حد عايز يعدى
يا أما يلبس نفس توبهم
يا يتحرق جوه قطرولا مسرح
فيه رواية
لقيس وليلى ولا هاملت
ولا يغرق جوه بحر
لونه أحمر لونه أبيض
ولا حتى ف قلب شط جنب أرض
أو فى سجن عم عنتر
المشمر
واللى ماشى بأمر عبله
هى دى أصل الحكاية م البداية كان جواب
طالع بلا دنا وبختها
فى الدنيا عمرى ما
شفت أختها فى المرار
اللى واجع قلبها
يا حظها
قول القدر قول النصيب
مش مهم أصله مين
بس أملنا فى الحرامية الهربانين
أشرف وطلعت وأسماعيل
يبنوا جيش يحتل لندن
ونبقى دولة مستعمريين
يحتلوا مصر ويحرروها
وبدل الولداللى مات شهيد
فى قلب سينا يبقى الأمل جوه
عصابة م الهربانيين
وينتهى عصر مصر الطيبين
وهو ده حال بلادنا وبختها
يا حظها
***********
معلم فحمه ,,,,
__________________

عن أبي سعيد الخدري رضي الله عنه عن النبي قال
أفضل الجهاد كلمة عدل عند سلطان جائر .رواه أبو داود والترمذي وقال حديث حسن

http://badralnhar.maktoobblog.com http://dastor76.blogspot.com/ / http://cinma1.maktoobblog.com/ http://omran55.maktoobblog.com/ http://fahmacafe.maktoobblog.com/ http://omran55.blogspot.com/

WorldTimeServer Clock

Cairo

الخميس، ٢٩ أبريل ٢٠١٠

الأربعاء، ٢٨ أبريل ٢٠١٠

الخميس، ٢٢ أبريل ٢٠١٠

السبت، ١٧ أبريل ٢٠١٠

الاثنين، ٥ أبريل ٢٠١٠

منوعــــــات واشـــــــعار